अनुलोमा भवेद् योनिः पार्श्वभेदो न विद्यते । आनुलोम्येन मथितः सर्वान् कामान् प्रयच्छति ॥
anulomā bhaved yoniḥ pārśvabhedo na vidyate | ānulomyena mathitaḥ sarvān kāmān prayacchati ||
Sanskrit only: no published translation is held for this verse.
Library·Atharvavedaparisistas·22·22.6
Atharvavedaparisistas 22.6
मूलाद् अङ्गुलम् उत्सृज्य त्रीणित्रीणि च पार्श्वयोः । देवयोनिस् तु विज्ञेया तत्र मथ्यो हुताशनः ॥
mūlād aṅgulam utsṛjya trīṇitrīṇi ca pārśvayoḥ | devayonis tu vijñeyā tatra mathyo hutāśanaḥ ||
Sanskrit only: no published translation is held for this verse.
[मूलात् त्यक्त्वाङ्गुलान्य् अष्टौ अग्रात् तु द्वादशैव हि । अन्तरे देवयोनिः स्यात् तत्र मथ्यो हुताशनः] ॥
[mūlāt tyaktvāṅgulāny aṣṭau agrāt tu dvādaśaiva hi | antare devayoniḥ syāt tatra mathyo hutāśanaḥ] ||
Sanskrit only: no published translation is held for this verse.
वेदा यज्ञाय संभूता यज्ञा अग्नौ प्रतिष्ठिताः । अरण्योर् जायते चाग्निस् तयोस् तस्मात् प्रधानता ॥
vedā yajñāya saṃbhūtā yajñā agnau pratiṣṭhitāḥ | araṇyor jāyate cāgnis tayos tasmāt pradhānatā ||
Sanskrit only: no published translation is held for this verse.
अरण्यर्धेन चैव स्युः खादिरौ चात्रपीडकौ । नेत्रं तु षड्गुणं चात्राद् उत्तरो ऽष्टाङ्गुलः स्मृतः ॥
araṇyardhena caiva syuḥ khādirau cātrapīḍakau | netraṃ tu ṣaḍguṇaṃ cātrād uttaro 'ṣṭāṅgulaḥ smṛtaḥ ||
Sanskrit only: no published translation is held for this verse.