Atharvavedaparisistas 22.9

(अथ) यद्य् अरणी जीर्णे स्यातां जन्तुभिर् मन्थनेन वा ॥ समानीते नवे अरणी आहृत्य श्वे भूते दर्शेनाष्ट्वा तस्मिन् पूर्वे शकलीकृत्य गार्हपत्ये प्रक्षिप्योपर्य् अग्नौ धारयन् जपति ॥

(atha) yady araṇī jīrṇe syātāṃ jantubhir manthanena vā || samānīte nave araṇī āhṛtya śve bhūte darśenāṣṭvā tasmin pūrve śakalīkṛtya gārhapatye prakṣipyopary agnau dhārayan japati ||

Sanskrit only: no published translation is held for this verse.

उद् बुध्यस्वाग्ने प्र विशस्य योन्यां देवयज्यायै वोढवे जातवेदः । अरण्योर् अरणी सं चरस्व जीर्णां त्वचम् अजीर्णया निर् णुदस्वेत्य्

ud budhyasvāgne pra viśasya yonyāṃ devayajyāyai voḍhave jātavedaḥ | araṇyor araṇī saṃ carasva jīrṇāṃ tvacam ajīrṇayā nir ṇudasvety

Sanskrit only: no published translation is held for this verse.

आज्यं संस्कृत्याहवनीये मनस्वतीं जुहोति ॥ [पुत्रार्थी श्रावयेत्] ॥

ājyaṃ saṃskṛtyāhavanīye manasvatīṃ juhoti || [putrārthī śrāvayet] ||

Sanskrit only: no published translation is held for this verse.

मनो ज्योतिर् जुषताम् आज्यस्य विछिन्नं यज्ञं सम् इमं दधातु । या इष्टा उषसो या अनिष्टास् ताः सं चिनोमि हविषा घृतेन स्वाहेति अग्नये ऽग्निमते ऽष्टाकपालं पुरोडाशं निर्वपति ॥ शराव् ओदनं सदक्षिणं ददाति ॥ सा प्रकृतेष्तिः संगृह्यते ॥

mano jyotir juṣatām ājyasya vichinnaṃ yajñaṃ sam imaṃ dadhātu | yā iṣṭā uṣaso yā aniṣṭās tāḥ saṃ cinomi haviṣā ghṛtena svāheti agnaye 'gnimate 'ṣṭākapālaṃ puroḍāśaṃ nirvapati || śarāv odanaṃ sadakṣiṇaṃ dadāti || sā prakṛteṣtiḥ saṃgṛhyate ||

Sanskrit only: no published translation is held for this verse.