ओम् अथातो यज्ञपात्राणां लक्षणं योनिर् एव च । रूपं तथा प्रमाणं च क्रमेनैव प्रकथ्यते ॥
om athāto yajñapātrāṇāṃ lakṣaṇaṃ yonir eva ca | rūpaṃ tathā pramāṇaṃ ca kramenaiva prakathyate ||
Sanskrit only: no published translation is held for this verse.
Library·Atharvavedaparisistas·23·23.1
Atharvavedaparisistas 23.1
चमसग्रहपात्राणि होमपात्राणि यानि च । यज्ञवृक्षास् तथा शाखा ब्रह्मवेदे प्रदर्शिताः ॥
camasagrahapātrāṇi homapātrāṇi yāni ca | yajñavṛkṣās tathā śākhā brahmavede pradarśitāḥ ||
Sanskrit only: no published translation is held for this verse.
पितृपिण्डेषु दर्व्याद्यम् अग्निष्वात्तं च याज्ञिकम् । सायंहोमेषु नित्यानि तथा नैमित्तिकानि च ॥
pitṛpiṇḍeṣu darvyādyam agniṣvāttaṃ ca yājñikam | sāyaṃhomeṣu nityāni tathā naimittikāni ca ||
Sanskrit only: no published translation is held for this verse.
बिल्वाकृतिश् चरुः प्रोक्तस् ताम्रो वा मृन्मयो ऽपि वा । ग्रीवायां मुखविस्तीर्णश् चरुस्थालीति कीर्त्तितः ॥
bilvākṛtiś caruḥ proktas tāmro vā mṛnmayo 'pi vā | grīvāyāṃ mukhavistīrṇaś carusthālīti kīrttitaḥ ||
Sanskrit only: no published translation is held for this verse.
कुशस्याम्रस्य वा पर्णैर् वेणोर् वा बल्बजस्य वा । चतुष्कोणार्धवीतं च लोके शूर्पं तद् उच्यते ॥
kuśasyāmrasya vā parṇair veṇor vā balbajasya vā | catuṣkoṇārdhavītaṃ ca loke śūrpaṃ tad ucyate ||
Sanskrit only: no published translation is held for this verse.