Library·Atharvavedaparisistas·23·23.10
षोडशाङ्गुलम् आवर्त्य त्रिभागं चोत्तरम् ऋजु । दक्षिणस्यां दिशि स्थानं दक्षिणाग्नेः प्रकीर्तितम् ॥
ṣoḍaśāṅgulam āvartya tribhāgaṃ cottaram ṛju | dakṣiṇasyāṃ diśi sthānaṃ dakṣiṇāgneḥ prakīrtitam ||
Sanskrit only: no published translation is held for this verse.
अष्टाविंशत्य् अङ्गुलानि गार्हपत्यं प्रकीर्तितम् । आहवनीयम् [चतुर्]विंशतिश् चतुरश्रं तु कारयेत् ॥
aṣṭāviṃśaty aṅgulāni gārhapatyaṃ prakīrtitam | āhavanīyam [catur]viṃśatiś caturaśraṃ tu kārayet ||
Sanskrit only: no published translation is held for this verse.
अङ्गुलानि तु षट्त्रिंशद् ध्न्वाकृत्या तु कारयेत् । दक्षिणाग्नेस् तु वै कुण्डं विद्वद्भिज् परिकथ्यते ॥
aṅgulāni tu ṣaṭtriṃśad dhnvākṛtyā tu kārayet | dakṣiṇāgnes tu vai kuṇḍaṃ vidvadbhij parikathyate ||
Sanskrit only: no published translation is held for this verse.
ईशान्यां दिशि सभ्यस्य गार्हपत्यविधानतः । सभ्यं नेच्छन्ति शालाग्नौ माहकिः कौशिकस् तथा ॥
īśānyāṃ diśi sabhyasya gārhapatyavidhānataḥ | sabhyaṃ necchanti śālāgnau māhakiḥ kauśikas tathā ||
Sanskrit only: no published translation is held for this verse.
मौदायनास् तथेच्छन्ति शौनकेयास् तथैव च । मन्ताद् एव तथा प्रोक्तं द्रव्यं यत्र न दृश्यते ॥
maudāyanās tathecchanti śaunakeyās tathaiva ca | mantād eva tathā proktaṃ dravyaṃ yatra na dṛśyate ||
Sanskrit only: no published translation is held for this verse.
आज्यं तत्र विजानीइयाद् धोमस् तत्र स्रुवेण च । अभ्युक्षणं हविःकर्म कर्तव्यं वज्रपाणिना ॥
ājyaṃ tatra vijānīiyād dhomas tatra sruveṇa ca | abhyukṣaṇaṃ haviḥkarma kartavyaṃ vajrapāṇinā ||
Sanskrit only: no published translation is held for this verse.
कुशहस्तेन कर्तव्या जपहोमपितृक्रियाः । यज्ञे चैव अङ्गभूताश् च पात्रमन्त्रहविर्द्विजाः । चरुत्भिश् च क्रियाः सर्वाश् चातुर्होत्रं तद् उच्यते ॥
kuśahastena kartavyā japahomapitṛkriyāḥ | yajñe caiva aṅgabhūtāś ca pātramantrahavirdvijāḥ | carutbhiś ca kriyāḥ sarvāś cāturhotraṃ tad ucyate ||
Sanskrit only: no published translation is held for this verse.