Atharvavedaparisistas 23.13

रौद्रराक्षसपैशाचान् आसुरांश् चाभिचारिकान् । मन्तांश् च पितृकर्मैवं कृत्वालभ्योदकं स्पृशेत् ॥

raudrarākṣasapaiśācān āsurāṃś cābhicārikān | mantāṃś ca pitṛkarmaivaṃ kṛtvālabhyodakaṃ spṛśet ||

Sanskrit only: no published translation is held for this verse.

स्रुक् स्रुवश् च ध्रुवा खड्गं मुसलोलूखलं चरुः । उदकेनैव सोष्णेन संप्रक्षाल्य विशुध्यति ॥

sruk sruvaś ca dhruvā khaḍgaṃ musalolūkhalaṃ caruḥ | udakenaiva soṣṇena saṃprakṣālya viśudhyati ||

Sanskrit only: no published translation is held for this verse.

पात्रं ग्रहाश् च चमसा हविः शूर्पं कुशासनम् । सोमस्पृष्टं च यद् भाण्डं वारिशौचेन शुध्यति ॥

pātraṃ grahāś ca camasā haviḥ śūrpaṃ kuśāsanam | somaspṛṣṭaṃ ca yad bhāṇḍaṃ vāriśaucena śudhyati ||

Sanskrit only: no published translation is held for this verse.

वेदोक्तं सर्वमन्तोक्तं शौनकेन महात्मना । अवश्यं तद् द्विजैः कार्यं श्रेयस्कामैस् तु नित्यशः ॥

vedoktaṃ sarvamantoktaṃ śaunakena mahātmanā | avaśyaṃ tad dvijaiḥ kāryaṃ śreyaskāmais tu nityaśaḥ ||

Sanskrit only: no published translation is held for this verse.

पात्रानां तु प्रसाङ्गेन यद् अन्यत् परिकीर्तितम् । सायं प्रातस् तु होमाङ्गं पुरा दृष्टं महर्षिभिः ॥

pātrānāṃ tu prasāṅgena yad anyat parikīrtitam | sāyaṃ prātas tu homāṅgaṃ purā dṛṣṭaṃ maharṣibhiḥ ||

Sanskrit only: no published translation is held for this verse.