गुरुणा भाषितेनैव याज्ञिकानुमतेन च । सदापदिष्टद्रव्याणां लक्षणं परिकीर्तितम् ॥
guruṇā bhāṣitenaiva yājñikānumatena ca | sadāpadiṣṭadravyāṇāṃ lakṣaṇaṃ parikīrtitam ||
Sanskrit only: no published translation is held for this verse.
Library·Atharvavedaparisistas·23·23.14
Atharvavedaparisistas 23.14
नित्यं ये ऽनुस्मरिष्यन्ति यज्ञपात्रेषु लक्षणम् । राजसूयाश्वमेधाभ्यां फलं प्राप्स्यन्ति ते ध्रुवम् ॥
nityaṃ ye 'nusmariṣyanti yajñapātreṣu lakṣaṇam | rājasūyāśvamedhābhyāṃ phalaṃ prāpsyanti te dhruvam ||
Sanskrit only: no published translation is held for this verse.
पिप्पलादेन महता समाख्यातम् इदं शुभम् । ब्राह्मणानां हितार्थाय पुत्रशिष्यहिताय च ॥
pippalādena mahatā samākhyātam idaṃ śubham | brāhmaṇānāṃ hitārthāya putraśiṣyahitāya ca ||
Sanskrit only: no published translation is held for this verse.
निष्कामो वा सकामो वा वेदोक्तं यः समाचरेत् । निष्कामस्य तु मुक्तिः स्यात् सकामः फलम् अश्नुते ॥
niṣkāmo vā sakāmo vā vedoktaṃ yaḥ samācaret | niṣkāmasya tu muktiḥ syāt sakāmaḥ phalam aśnute ||
Sanskrit only: no published translation is held for this verse.
निष्कामेण तु यत् किं चित् कर्तव्यम् इति वैदिकम् । तत् सर्वं मुक्तिदं ज्ञेयं परापरपरं सुखम् ॥
niṣkāmeṇa tu yat kiṃ cit kartavyam iti vaidikam | tat sarvaṃ muktidaṃ jñeyaṃ parāparaparaṃ sukham ||
Sanskrit only: no published translation is held for this verse.
न शोकस् तस्य नो व्याधिर् न मृत्युर् न जरा तथा । न क्षुधा न पिपासा च अमृतात्मा स तिष्ठति ॥
na śokas tasya no vyādhir na mṛtyur na jarā tathā | na kṣudhā na pipāsā ca amṛtātmā sa tiṣṭhati ||
Sanskrit only: no published translation is held for this verse.