Library·Atharvavedaparisistas·23·23.2
असिः खड्गं च निस्त्रिंशः पर्यायाः परिकीर्त्तिताः । तदाकृट्य् एव यद् रूपं यज्ञे स्फ्यं च वदन्ति तम् ॥
asiḥ khaḍgaṃ ca nistriṃśaḥ paryāyāḥ parikīrttitāḥ | tadākṛṭy eva yad rūpaṃ yajñe sphyaṃ ca vadanti tam ||
Sanskrit only: no published translation is held for this verse.
इध्मोच्छ्रयम् अर्धखातं खातेनैव तु विस्तरः । मध्ये हीनं तथोर्ध्वाग्रं वारणं तद् उलूखलम् ॥
idhmocchrayam ardhakhātaṃ khātenaiva tu vistaraḥ | madhye hīnaṃ tathordhvāgraṃ vāraṇaṃ tad ulūkhalam ||
Sanskrit only: no published translation is held for this verse.
स्थूलत्वान् मुष्टिमात्रं च स्कन्धमात्रं प्रमाणतः । वारणं मुसलं चैव अधस्ताल् लोहवेष्टितम् ॥
sthūlatvān muṣṭimātraṃ ca skandhamātraṃ pramāṇataḥ | vāraṇaṃ musalaṃ caiva adhastāl lohaveṣṭitam ||
Sanskrit only: no published translation is held for this verse.
स्रुवस् तु मूलदण्डश् च बिलं चाङ्गुष्ठपर्वणः । समवेते पृथग्भूते बिलार्धे दण्डवृत्तता ॥
sruvas tu mūladaṇḍaś ca bilaṃ cāṅguṣṭhaparvaṇaḥ | samavete pṛthagbhūte bilārdhe daṇḍavṛttatā ||
Sanskrit only: no published translation is held for this verse.
वैकङ्कती ध्रुवा प्रोक्ता सर्वयज्ञेषु या स्मृता । तथाग्निहोत्रहवणी स्रुवश् चापि तथा स्मृतः ॥
vaikaṅkatī dhruvā proktā sarvayajñeṣu yā smṛtā | tathāgnihotrahavaṇī sruvaś cāpi tathā smṛtaḥ ||
Sanskrit only: no published translation is held for this verse.