Atharvavedaparisistas 23.3

मूलदण्डा त्वग्बिला च पुष्करं चतुरङ्गुलम् । पुष्कराद् द्विगुणं चाग्रं गजोष्ठं परिपठ्यते ॥

mūladaṇḍā tvagbilā ca puṣkaraṃ caturaṅgulam | puṣkarād dviguṇaṃ cāgraṃ gajoṣṭhaṃ paripaṭhyate ||

Sanskrit only: no published translation is held for this verse.

[नेत्रादिकरणैर् हीनं नासिकाभ्यां द्विजैस् तथा । द्व्यङ्गुलः खाता च बिलाद् अङ्गुलं चैव पिण्डिका । वृत्ता वा चतुरश्रा वा साधस्ताच् छोभना स्मृता] ॥

[netrādikaraṇair hīnaṃ nāsikābhyāṃ dvijais tathā | dvyaṅgulaḥ khātā ca bilād aṅgulaṃ caiva piṇḍikā | vṛttā vā caturaśrā vā sādhastāc chobhanā smṛtā] ||

Sanskrit only: no published translation is held for this verse.

अर्धाङ्गुलं पृथुत्वेन बिलबाह्यं समन्ततः । बिलं वृत्तं स्रुचो मध्ये दण्डस्थौल्यं बिलार्धतः ॥

ardhāṅgulaṃ pṛthutvena bilabāhyaṃ samantataḥ | bilaṃ vṛttaṃ sruco madhye daṇḍasthaulyaṃ bilārdhataḥ ||

Sanskrit only: no published translation is held for this verse.

चतुर्विंशत्यङ्गुलं दण्डं वदन्त्य् एके मनीषिणः । सप्तत्रिंशद् अङ्गुलानि सा स्रुक् चैव प्रकीर्तिता ॥

caturviṃśatyaṅgulaṃ daṇḍaṃ vadanty eke manīṣiṇaḥ | saptatriṃśad aṅgulāni sā sruk caiva prakīrtitā ||

Sanskrit only: no published translation is held for this verse.

भिन्ना विशीर्णा वक्रा च क्लिन्ना च स्फुटिता तथा । सुषिरा ग्रन्थिभिर् युक्ता चक्षुरादिविनाशिनी ॥

bhinnā viśīrṇā vakrā ca klinnā ca sphuṭitā tathā | suṣirā granthibhir yuktā cakṣurādivināśinī ||

Sanskrit only: no published translation is held for this verse.