Atharvavedaparisistas 23.6

हस्तमात्रं स्रुवः खड्गं सकृदाछिन्नम् एव च । बाहुमात्रा जुहूः प्रोक्ता ध्रुवा बर्हिस् तथैव च ॥

hastamātraṃ sruvaḥ khaḍgaṃ sakṛdāchinnam eva ca | bāhumātrā juhūḥ proktā dhruvā barhis tathaiva ca ||

Sanskrit only: no published translation is held for this verse.

ताम्रश् चैव स्रुवः प्रोक्तः खड्गं खादिरम् एव च । पालाशी च जुहूः कार्या इध्माश् चैव विशेषतः ॥

tāmraś caiva sruvaḥ proktaḥ khaḍgaṃ khādiram eva ca | pālāśī ca juhūḥ kāryā idhmāś caiva viśeṣataḥ ||

Sanskrit only: no published translation is held for this verse.

ग्रहाः पात्राणि चमसा दण्डयूपासनानि च । वृक्षेषु याज्ञिकेषु स्युर् यथालाभेषु नान्यतः ॥

grahāḥ pātrāṇi camasā daṇḍayūpāsanāni ca | vṛkṣeṣu yājñikeṣu syur yathālābheṣu nānyataḥ ||

Sanskrit only: no published translation is held for this verse.

समिधः प्रादेशमात्र्यो नित्यहोमे प्रकीर्तिताः । समिल्लक्षणदृष्टानि प्रमाणानि यथाक्रमम् ॥

samidhaḥ prādeśamātryo nityahome prakīrtitāḥ | samillakṣaṇadṛṣṭāni pramāṇāni yathākramam ||

Sanskrit only: no published translation is held for this verse.

शम्य् अश्वत्थ[ः] पलाशश् च खादिरो ऽथ विकङ्कतः । काश्मर्योदुम्बरो बिल्वो यज्ञवृक्षाः प्रकीर्तिताः ॥

śamy aśvattha[ḥ] palāśaś ca khādiro 'tha vikaṅkataḥ | kāśmaryodumbaro bilvo yajñavṛkṣāḥ prakīrtitāḥ ||

Sanskrit only: no published translation is held for this verse.