Atharvavedaparisistas 23.9

होमार्थेष्व् एतद् द्रष्टव्यम् आहिताग्निगृहेष्व् अपि । तत्प्रयोजनमात्रं तु न दोषः सूतकेषु च ॥

homārtheṣv etad draṣṭavyam āhitāgnigṛheṣv api | tatprayojanamātraṃ tu na doṣaḥ sūtakeṣu ca ||

Sanskrit only: no published translation is held for this verse.

सद्यःशौचादिकं प्रोक्तं सूतकं च द्विजातिभिः । स्वयंहोमीति वचनान् न दोषः श्रुतिचोदनात् ॥

sadyaḥśaucādikaṃ proktaṃ sūtakaṃ ca dvijātibhiḥ | svayaṃhomīti vacanān na doṣaḥ śruticodanāt ||

Sanskrit only: no published translation is held for this verse.

व्रतिनां सत्त्रिणां चैव महाराजाहिताग्नयः । एषां दोषो न विद्येत सायम्प्रातः क्रिये स्थिते ॥

vratināṃ sattriṇāṃ caiva mahārājāhitāgnayaḥ | eṣāṃ doṣo na vidyeta sāyamprātaḥ kriye sthite ||

Sanskrit only: no published translation is held for this verse.

पालाश्यः समिधो ऽदोषा नित्यं होमे प्रकीर्तिताः । अथ वा कौशिकोक्तानां यज्ञियानां महीरुहाम् ॥

pālāśyaḥ samidho 'doṣā nityaṃ home prakīrtitāḥ | atha vā kauśikoktānāṃ yajñiyānāṃ mahīruhām ||

Sanskrit only: no published translation is held for this verse.

अङ्गुलत्रयम् आवर्त्य उच्छ्रये ऽप्य् अङ्गुलत्रयम् । पुरोडाशप्रमाणं तु सर्वत्र कथितं नृणाम् ॥

aṅgulatrayam āvartya ucchraye 'py aṅgulatrayam | puroḍāśapramāṇaṃ tu sarvatra kathitaṃ nṛṇām ||

Sanskrit only: no published translation is held for this verse.