Atharvavedaparisistas 33.1

ॐ ब्रह्मणे ब्रह्मवेदाय नमस्कृत्वा स्वयंभुवे । घृतकम्बलं प्रवक्ष्यामि ब्रह्मणो निगदो यथा ॥

oṃ brahmaṇe brahmavedāya namaskṛtvā svayaṃbhuve | ghṛtakambalaṃ pravakṣyāmi brahmaṇo nigado yathā ||

Sanskrit only: no published translation is held for this verse.

बृहस्पतिर् महेन्द्राय चकार घृतकम्बलम् ॥

bṛhaspatir mahendrāya cakāra ghṛtakambalam ||

Sanskrit only: no published translation is held for this verse.

तं सविताब्रवीत् प्रायश्चित्तं कुरुष्वाप्रतिरुद्धो भविष्यसीति

taṃ savitābravīt prāyaścittaṃ kuruṣvāpratiruddho bhaviṣyasīti

Sanskrit only: no published translation is held for this verse.

तम् इन्द्रो ऽब्रवीत् ॥ भगवन् त्वम् एवाप्रतिरुद्धः प्रायश्चित्तं कुर्व् इति ॥

tam indro 'bravīt || bhagavan tvam evāpratiruddhaḥ prāyaścittaṃ kurv iti ||

Sanskrit only: no published translation is held for this verse.

स प्रायश्चित्तम् अकरोत्

sa prāyaścittam akarot

Sanskrit only: no published translation is held for this verse.

पुण्ये नक्षत्रे बार्हस्पत्ये मुहूर्ते ऽभिजित्य् औदुम्बरं कुम्भं द्रोणेन साढकेन पूरयित्वा तस्मिन्न् एव वासप्रभृतयः ओषधयो दर्भप्रभृतयश् च बिल्वगौरसर्षपाश् चेत्य् एतान् संभारान् संभृत्य घृतकुम्भं बर्हिष्य् आधायैतैर् गणैर् आज्यं जुहुयात् ॥

puṇye nakṣatre bārhaspatye muhūrte 'bhijity audumbaraṃ kumbhaṃ droṇena sāḍhakena pūrayitvā tasminn eva vāsaprabhṛtayaḥ oṣadhayo darbhaprabhṛtayaś ca bilvagaurasarṣapāś cety etān saṃbhārān saṃbhṛtya ghṛtakumbhaṃ barhiṣy ādhāyaitair gaṇair ājyaṃ juhuyāt ||

Sanskrit only: no published translation is held for this verse.

प्र पतेत इत्य् एकेनाङ्गादङ्गाच् छमलम् अवलिख्य सपत्नं भ्रातृव्यं हृदये इमर्मणि वासिनाविध्य गोमयेन काषायेण वाच्छाद्य शान्तेर् अप्रतिघातकं कर्म ततो ज्येष्ठं घृतकम्बलं ब्रह्मणः पुत्रम् अकरोत्

pra pateta ity ekenāṅgādaṅgāc chamalam avalikhya sapatnaṃ bhrātṛvyaṃ hṛdaye imarmaṇi vāsināvidhya gomayena kāṣāyeṇa vācchādya śānter apratighātakaṃ karma tato jyeṣṭhaṃ ghṛtakambalaṃ brahmaṇaḥ putram akarot

Sanskrit only: no published translation is held for this verse.

तस्य ह वा एतस्य घृतकम्बलस्य सावित्रीगणशरीरस्य शन्तातीयः शिरः त्रिषप्तीयो मुखं रुद्ररौद्रौ चक्षुषी घृतलिङ्ग आस्यं नैरृतो जिह्वा दन्तोष्ठाव् अभयापराजितौ कृत्यादूषणचातनौ श्रोत्रे शर्मवर्मस्वस्त्ययनौ बाहू मातृनामवाष्टोष्पत्यौ पादौ॥॥पायुश् च भैषज्यं न्यायः प्राणापानाव् इति मीमांसत इत्य्

tasya ha vā etasya ghṛtakambalasya sāvitrīgaṇaśarīrasya śantātīyaḥ śiraḥ triṣaptīyo mukhaṃ rudraraudrau cakṣuṣī ghṛtaliṅga āsyaṃ nairṛto jihvā dantoṣṭhāv abhayāparājitau kṛtyādūṣaṇacātanau śrotre śarmavarmasvastyayanau bāhū mātṛnāmavāṣṭoṣpatyau pādau....pāyuś ca bhaiṣajyaṃ nyāyaḥ prāṇāpānāv iti mīmāṃsata ity

Sanskrit only: no published translation is held for this verse.

एष ह वै ज्येष्ठो घृतकम्बलो ब्रह्मणः पुत्रो ऽपराजितगणेनेष्ट्वेन्द्रो ऽसुरान् अजयन् मृत्युम् अलक्ष्मीम् अरातिं दुःस्वप्नदुर्भूतान्य् अजयद्

eṣa ha vai jyeṣṭho ghṛtakambalo brahmaṇaḥ putro 'parājitagaṇeneṣṭvendro 'surān ajayan mṛtyum alakṣmīm arātiṃ duḥsvapnadurbhūtāny ajayad

Sanskrit only: no published translation is held for this verse.

यथा चैवंविद्वान् घृतकम्बलं कुरुते सर्वकामान् आप्नोति सर्वव्याधिरहितो भवति ब्रह्मलोकम् अवाप्नोतीति ब्राह्मणम् ॥

yathā caivaṃvidvān ghṛtakambalaṃ kurute sarvakāmān āpnoti sarvavyādhirahito bhavati brahmalokam avāpnotīti brāhmaṇam ||

Sanskrit only: no published translation is held for this verse.

अथेन्द्रो ह वा असुरैः पराजितश् चिन्ताम् आपेदे

athendro ha vā asuraiḥ parājitaś cintām āpede

Sanskrit only: no published translation is held for this verse.