Atharvavedaparisistas 33.2

यदा सर्वम् इदं व्याप्तम् असुरैर् नावशेषितम् । स्थातुं देवाः पराभूतास् ते ऽथर्वाणम् उपागताः ॥

yadā sarvam idaṃ vyāptam asurair nāvaśeṣitam | sthātuṃ devāḥ parābhūtās te 'tharvāṇam upāgatāḥ ||

Sanskrit only: no published translation is held for this verse.

कर्माद्य् एकं कुरुष्व त्वं यद् भृग्वङ्गिरसोर् मतम् । असुराणां वधार्थायेत्य् उक्तः कर्ताथ सो ऽभवत् ॥

karmādy ekaṃ kuruṣva tvaṃ yad bhṛgvaṅgirasor matam | asurāṇāṃ vadhārthāyety uktaḥ kartātha so 'bhavat ||

Sanskrit only: no published translation is held for this verse.

परचक्रोपसृष्टस्य राज्ञो विजयम् इच्छतः । प्रतिरुद्धस्य वा भूयः श्रीकामस्येच्छतः श्रियम् ॥

paracakropasṛṣṭasya rājño vijayam icchataḥ | pratiruddhasya vā bhūyaḥ śrīkāmasyecchataḥ śriyam ||

Sanskrit only: no published translation is held for this verse.

प्रादुर्भावाद्भुतानां च ग्रहाणां विग्रहे तथा । शङ्कमानो ऽभिचाराद् वा कारयेद् घृतकम्बलम् ॥

prādurbhāvādbhutānāṃ ca grahāṇāṃ vigrahe tathā | śaṅkamāno 'bhicārād vā kārayed ghṛtakambalam ||

Sanskrit only: no published translation is held for this verse.

घृतमात्रा तु विज्ञेया मागधप्रस्थसंमिता । शतानि पञ्च द्रोणानां पलैकशतम् एव वा ॥

ghṛtamātrā tu vijñeyā māgadhaprasthasaṃmitā | śatāni pañca droṇānāṃ palaikaśatam eva vā ||

Sanskrit only: no published translation is held for this verse.