[सर्वपापप्रणाशाय सर्वकामार्थसिद्धये । सर्वरोगक्षयार्थाय प्रयोज्यो घृतकम्बलः] ॥
[sarvapāpapraṇāśāya sarvakāmārthasiddhaye | sarvarogakṣayārthāya prayojyo ghṛtakambalaḥ] ||
Sanskrit only: no published translation is held for this verse.
Library·Atharvavedaparisistas·33·33.3
Atharvavedaparisistas 33.3
घृतप्रमाणं वक्ष्यामि माषकं पञ्चकृष्णलम् । माषकाणि चतुह्षष्टिः पलम् एकं विधीयते ॥
ghṛtapramāṇaṃ vakṣyāmi māṣakaṃ pañcakṛṣṇalam | māṣakāṇi catuhṣaṣṭiḥ palam ekaṃ vidhīyate ||
Sanskrit only: no published translation is held for this verse.
द्वात्रिंशत्पलकं प्रस्थं मागधैः परिकीर्तितम् । आढकं तु चतुःप्रस्थं चतुर्भिर् द्रोणम् आढकैः ॥
dvātriṃśatpalakaṃ prasthaṃ māgadhaiḥ parikīrtitam | āḍhakaṃ tu catuḥprasthaṃ caturbhir droṇam āḍhakaiḥ ||
Sanskrit only: no published translation is held for this verse.
द्रोणप्रमाणं विज्ञेयं ब्रह्मणा निर्मितं पुरा । द्वादशाभ्यधिकैर् नित्यं पलानां पञ्चभिः शतैः ॥
droṇapramāṇaṃ vijñeyaṃ brahmaṇā nirmitaṃ purā | dvādaśābhyadhikair nityaṃ palānāṃ pañcabhiḥ śataiḥ ||
Sanskrit only: no published translation is held for this verse.
[घृतमात्रा तु विज्ञेया मागधप्रस्थसंमिता । शतानि पञ्च द्रोणानां पलानां वा शतोत्तरे] ॥
[ghṛtamātrā tu vijñeyā māgadhaprasthasaṃmitā | śatāni pañca droṇānāṃ palānāṃ vā śatottare] ||
Sanskrit only: no published translation is held for this verse.
घृतद्रोणशतेनोक्त एको द्रोणवरस् तथा । यथाशक्ति प्रयुञ्जीत घृतं कृत्वाथ भागशः ॥
ghṛtadroṇaśatenokta eko droṇavaras tathā | yathāśakti prayuñjīta ghṛtaṃ kṛtvātha bhāgaśaḥ ||
Sanskrit only: no published translation is held for this verse.
चतुर्भागो ऽभिषेकाय चतुर्भागस् तु हूयते । भागो देयः सदस्येभ्यः कर्ता भागेन युज्यते ॥
caturbhāgo 'bhiṣekāya caturbhāgas tu hūyate | bhāgo deyaḥ sadasyebhyaḥ kartā bhāgena yujyate ||
Sanskrit only: no published translation is held for this verse.