Atharvavedaparisistas 33.4

पुष्ये प्रयोगं कुर्वीत प्राजापत्ये ऽथ मारुते । वैष्णवे पूषदैवत्ये उत्तरेष्व् अथ वा त्रिषु ॥

puṣye prayogaṃ kurvīta prājāpatye 'tha mārute | vaiṣṇave pūṣadaivatye uttareṣv atha vā triṣu ||

Sanskrit only: no published translation is held for this verse.

तप्तकृछ्रावसाने वा सर्वकृछ्रस्य चान्ततः । यस्मिन् वा स्नातका ब्रूयुस् तत्र कुर्याद् विचक्षणः ॥

taptakṛchrāvasāne vā sarvakṛchrasya cāntataḥ | yasmin vā snātakā brūyus tatra kuryād vicakṣaṇaḥ ||

Sanskrit only: no published translation is held for this verse.

पाकयज्ञविधानेन कृत्वोपक्रमणं बुधः । निशाकाले बहिर्ग्रामे कुर्याद् अग्निनिवेशनम् ॥

pākayajñavidhānena kṛtvopakramaṇaṃ budhaḥ | niśākāle bahirgrāme kuryād agniniveśanam ||

Sanskrit only: no published translation is held for this verse.

यजेत निरृतिं तत्र कृष्णवासाश् चतुष्पथे । यथोक्तं नैरृतैर् मन्त्रैर् हविर्भिश् च यथाक्रमम् ॥

yajeta nirṛtiṃ tatra kṛṣṇavāsāś catuṣpathe | yathoktaṃ nairṛtair mantrair havirbhiś ca yathākramam ||

Sanskrit only: no published translation is held for this verse.

तृतीयेन तु सूक्तेन निवेद्य बलिम् अन्ततः । यथाव्यावर्तने चैव यद् उक्तं तत् समाचरेत् ॥

tṛtīyena tu sūktena nivedya balim antataḥ | yathāvyāvartane caiva yad uktaṃ tat samācaret ||

Sanskrit only: no published translation is held for this verse.