Atharvavedaparisistas 37

ॐ भृग्वङ्गिरोरूपधारिणे शिवाय नमः ॥ अथ यत्रैतद् अपहन्यमाने मुसलं पतति तद् घोरं भवति तद् अप्य् एतद् ऋचोक्तम् ॥

oṃ bhṛgvaṅgirorūpadhāriṇe śivāya namaḥ || atha yatraitad apahanyamāne musalaṃ patati tad ghoraṃ bhavati tad apy etad ṛcoktam ||

Sanskrit only: no published translation is held for this verse.

उलूल्हलान् मुसलं पतितं हिनस्ति पत्नींकुले ज्येष्ठम् । कृषीः प्रजाः पशवः संविशेअन्ते यथेन्द्रसृष्टं प्रपतेत वज्रम् इति ॥

ulūlhalān musalaṃ patitaṃ hinasti patnīṃkule jyeṣṭham | kṛṣīḥ prajāḥ paśavaḥ saṃviśeante yathendrasṛṣṭaṃ prapateta vajram iti ||

Sanskrit only: no published translation is held for this verse.

तद् वज्रं शान्त्युदकेन संप्रोक्ष्य अरातीयोर् इत्य् उल्लिख्य यत् त्वा शिक्व इति प्रक्षाल्य बर्हिष्य् आधाय जुहोति ॥

tad vajraṃ śāntyudakena saṃprokṣya arātīyor ity ullikhya yat tvā śikva iti prakṣālya barhiṣy ādhāya juhoti ||

Sanskrit only: no published translation is held for this verse.

वज्रः पतितस् तु वरं हिनस्ति तं त्वा वयम् अपहन्म घोरम् । स नः शिवो ऽस्तु द्विषतां वधाय सपत्नान् मे द्विषतो हन्तु सर्वान् ॥

vajraḥ patitas tu varaṃ hinasti taṃ tvā vayam apahanma ghoram | sa naḥ śivo 'stu dviṣatāṃ vadhāya sapatnān me dviṣato hantu sarvān ||

Sanskrit only: no published translation is held for this verse.

यद्वत् प्रजाः पपनयद् धस्ताद् यदि वोलूखलात् । सपत्नान् मे परिपाहि मां त्व् एवं परिपाहि नः ॥

yadvat prajāḥ papanayad dhastād yadi volūkhalāt | sapatnān me paripāhi māṃ tv evaṃ paripāhi naḥ ||

Sanskrit only: no published translation is held for this verse.

यद्य् अन्तरिक्षे यदि वासि सोच्चैर् वज्रः सृष्टो यदि वा पार्थिवैर् उत । मन्त्राः प्रयुक्ता वितता महान्तो ऽघोरो वज्रो मुसलप्रपातः ॥

yady antarikṣe yadi vāsi soccair vajraḥ sṛṣṭo yadi vā pārthivair uta | mantrāḥ prayuktā vitatā mahānto 'ghoro vajro musalaprapātaḥ ||

Sanskrit only: no published translation is held for this verse.

वज्रो ऽसि सपत्नहेति तिस्रः ॥

vajro 'si sapatnaheti tisraḥ ||

Sanskrit only: no published translation is held for this verse.

वज्रो ऽसि सपत्नहा त्वयाद्य वृत्रं साक्षीय । त्वाम् अद्य वनस्पते वृक्षाणाम् उद् अयुष्महि ॥

vajro 'si sapatnahā tvayādya vṛtraṃ sākṣīya | tvām adya vanaspate vṛkṣāṇām ud ayuṣmahi ||

Sanskrit only: no published translation is held for this verse.

स न इन्द्रपुरोहितो विश्वतः पाहि रक्षसः । अभि गावो अनूषताभि द्युम्नं बृहस्पते ॥

sa na indrapurohito viśvataḥ pāhi rakṣasaḥ | abhi gāvo anūṣatābhi dyumnaṃ bṛhaspate ||

Sanskrit only: no published translation is held for this verse.

प्राण प्राणं त्रायस्वासो असवे मृड । निरृते निरृत्या नः पाशेभ्यो मुञ्च इति ॥

prāṇa prāṇaṃ trāyasvāso asave mṛḍa | nirṛte nirṛtyā naḥ pāśebhyo muñca iti ||

Sanskrit only: no published translation is held for this verse.

त्यम् ऊ षु त्रातारम् इन्द्रः सुत्रामा स सुत्रामा आ मन्द्रैर् इन्द्र मर्माणि ते वर्मणा छादयामीति उलूखलमुसले संपातान् आनीय संस्थाप्य होमान् उलूखलम् अन्नेनैव पूरयित्वा प्रतिप्रवर्तयेद् उलूखलमुसलं वसनं च गां च कर्त्रे दद्यात् सा तत्र प्रायश्चित्तिः ॥

tyam ū ṣu trātāram indraḥ sutrāmā sa sutrāmā ā mandrair indra marmāṇi te varmaṇā chādayāmīti ulūkhalamusale saṃpātān ānīya saṃsthāpya homān ulūkhalam annenaiva pūrayitvā pratipravartayed ulūkhalamusalaṃ vasanaṃ ca gāṃ ca kartre dadyāt sā tatra prāyaścittiḥ ||

Sanskrit only: no published translation is held for this verse.

अथ यत् काको ऽभिमृशति तन् मृत्युम् आशङ्क्यं भवति ॥ तद् अप्य् एतद् ऋचोक्तम् ॥॥॥अन्तकाय मृत्यव आ रभस्व प्राणाय नम इति स्वाहेति अग्नौ हुत्वा सा तत्र प्रायश्चित्तिः ॥

atha yat kāko 'bhimṛśati tan mṛtyum āśaṅkyaṃ bhavati || tad apy etad ṛcoktam ||....antakāya mṛtyava ā rabhasva prāṇāya nama iti svāheti agnau hutvā sā tatra prāyaścittiḥ ||

Sanskrit only: no published translation is held for this verse.

अथात आज्यस्थाली च्यवते प्रचलति वा का तत्र प्रायश्चित्तिः ॥ संनतिमहाव्याहृतिसावित्रीकूष्माण्ड्यः स सर्वाभिर् जुहुयात् सा तत्र प्रायश्चित्तिः ॥

athāta ājyasthālī cyavate pracalati vā kā tatra prāyaścittiḥ || saṃnatimahāvyāhṛtisāvitrīkūṣmāṇḍyaḥ sa sarvābhir juhuyāt sā tatra prāyaścittiḥ ||

Sanskrit only: no published translation is held for this verse.

अथ पवित्रम् <चेत्> प्रणश्येत कर्ममध्यात् प्रमादतः । अन्यच् छित्त्वा मन्त्रयेत कर्मशेषम् उपक्रमेत् । आत्मेन्द्रियसमायुक्तं तेन मन्त्रेण कारयेत् ॥

atha pavitram <cet> praṇaśyeta karmamadhyāt pramādataḥ | anyac chittvā mantrayeta karmaśeṣam upakramet | ātmendriyasamāyuktaṃ tena mantreṇa kārayet ||

Sanskrit only: no published translation is held for this verse.

वायोः पूतः पवित्रेण यन् मे छिद्रं पुनर् मैत्व् इन्द्रियं मा न आपो मेधां मा नो मेधां मा नः पिपरिद् अश्विनेति संनतिभिर् आज्यं जुहुयाद् व्याहृतिभिश् च गां च कर्त्रे दद्यात् सा तत्र प्रायश्चित्तिः ॥

vāyoḥ pūtaḥ pavitreṇa yan me chidraṃ punar maitv indriyaṃ mā na āpo medhāṃ mā no medhāṃ mā naḥ piparid aśvineti saṃnatibhir ājyaṃ juhuyād vyāhṛtibhiś ca gāṃ ca kartre dadyāt sā tatra prāyaścittiḥ ||

Sanskrit only: no published translation is held for this verse.

अथ यस्यासमाप्ते कर्मणि बर्हिर् आदीप्येत ततस् तन् निर्वाप्य जुहुयात् ॥

atha yasyāsamāpte karmaṇi barhir ādīpyeta tatas tan nirvāpya juhuyāt ||

Sanskrit only: no published translation is held for this verse.

यद् अग्निर् बर्हिर् अदहद् वेद्या वासो अपां ततः । त्वम् एव नो जातवेदो दुरितात् पाहि तस्मात् ॥

yad agnir barhir adahad vedyā vāso apāṃ tataḥ | tvam eva no jātavedo duritāt pāhi tasmāt ||

Sanskrit only: no published translation is held for this verse.

निर्दग्धा नो अमित्रास् तु यथेदं बर्हिस् तथा । अमित्राणां श्रियं भूतिं ताम् एषां परि निर् जहि ॥

nirdagdhā no amitrās tu yathedaṃ barhis tathā | amitrāṇāṃ śriyaṃ bhūtiṃ tām eṣāṃ pari nir jahi ||

Sanskrit only: no published translation is held for this verse.

यत्कामास् ते जुहुमस् तन् नो अस्तु विशाम्पते । ये देवा यज्ञम् आयान्ति ते नो रक्षन्तु सर्वतः ॥

yatkāmās te juhumas tan no astu viśāmpate | ye devā yajñam āyānti te no rakṣantu sarvataḥ ||

Sanskrit only: no published translation is held for this verse.

अवदग्धं दुःस्वप्न्यम् अवदग्धा अरातयः । सर्वाश् च यातुधान्यः ॥

avadagdhaṃ duḥsvapnyam avadagdhā arātayaḥ | sarvāś ca yātudhānyaḥ ||

Sanskrit only: no published translation is held for this verse.

मा त्वा दभन् यातुधाना मा ब्रध्नः शम्युम् इच्छत । दर्भो राजा समुद्रियः परि नः पातु विश्वतः ॥

mā tvā dabhan yātudhānā mā bradhnaḥ śamyum icchata | darbho rājā samudriyaḥ pari naḥ pātu viśvataḥ ||

Sanskrit only: no published translation is held for this verse.

अतो ऽन्यद् बर्हिर् उपकल्प्योदकेन संप्रोक्ष्य पुनः स्तृणाति ॥

ato 'nyad barhir upakalpyodakena saṃprokṣya punaḥ stṛṇāti ||

Sanskrit only: no published translation is held for this verse.

इदं बर्हिर् अमृतेनेह सिक्तं हिरण्मयं हरितं ते स्तृणामि । तद् वै पुराणम् अभिनवं स्तृणीष्व वासः प्रशस्तं प्रति मे गृहाणेत्य् अन्येन च बर्हिषाभिप्रछादये ॥

idaṃ barhir amṛteneha siktaṃ hiraṇmayaṃ haritaṃ te stṛṇāmi | tad vai purāṇam abhinavaṃ stṛṇīṣva vāsaḥ praśastaṃ prati me gṛhāṇety anyena ca barhiṣābhiprachādaye ||

Sanskrit only: no published translation is held for this verse.

आहुत्यां तु गृहीतायां हुतोच्छिष्टं प्रमादतः । तम् आहुतिं प्रतिष्ठाप्य शं नो देवीर् इत्य् आचम्य ब्रह्मापरम् इत्य् अर्धर्चेनेमां हुत्वा ब्रह्मज्येष्ठेति हुत्वा सा तत्र प्रायश्चित्तिः ॥

āhutyāṃ tu gṛhītāyāṃ hutocchiṣṭaṃ pramādataḥ | tam āhutiṃ pratiṣṭhāpya śaṃ no devīr ity ācamya brahmāparam ity ardharcenemāṃ hutvā brahmajyeṣṭheti hutvā sā tatra prāyaścittiḥ ||

Sanskrit only: no published translation is held for this verse.

केशकीटावपन्ना चेच् छंभुवाय स्वाहेति भस्मनि हुत्वा हविर् उत्पूयान्यां जुहुयात् सा तत्र प्रायश्चित्तिः ॥

keśakīṭāvapannā cec chaṃbhuvāya svāheti bhasmani hutvā havir utpūyānyāṃ juhuyāt sā tatra prāyaścittiḥ ||

Sanskrit only: no published translation is held for this verse.

अथ चेच् चलितदन्तं पतितदन्तं वोपनयेत् तत्र प्रायश्चित्तम् आह गृहे वा बर्हिः [वा] पिता वाचार्यो वा द्वादशरात्रं दीक्षेयातां कर्ता त्रिरात्रं गौरसर्षपसर्पिःपयोभिः स्नातः प्रयतः शुचिः शुक्लवासाः पौर्णमासं तन्त्रम् आज्यभागान्ते सावित्रीम् अनुयोजयेत् तेन शान्त्युदकेनैनम् आचामयति संप्रोक्षति च ॥

atha cec calitadantaṃ patitadantaṃ vopanayet tatra prāyaścittam āha gṛhe vā barhiḥ [vā] pitā vācāryo vā dvādaśarātraṃ dīkṣeyātāṃ kartā trirātraṃ gaurasarṣapasarpiḥpayobhiḥ snātaḥ prayataḥ śuciḥ śuklavāsāḥ paurṇamāsaṃ tantram ājyabhāgānte sāvitrīm anuyojayet tena śāntyudakenainam ācāmayati saṃprokṣati ca ||

Sanskrit only: no published translation is held for this verse.

सावित्री शान्तिर् ब्रह्म जज्ञानं ये त्रिषप्ता अग्निं ब्रूम आयुष्यवर्चस्यस्वस्त्ययनाभयापराजितशर्मवर्मभिर् जुहुयात् तं संपात्य यः श्रमात् तपसो यो वेतसं यो भूतम् ऊर्ध्वा अस्येदावत्सराय यद्य् अन्तरिक्षे पुनर् मैत्व् इन्द्रियम् इत्य् आप्लावयति सा तत्र प्रायश्चित्तिः ॥

sāvitrī śāntir brahma jajñānaṃ ye triṣaptā agniṃ brūma āyuṣyavarcasyasvastyayanābhayāparājitaśarmavarmabhir juhuyāt taṃ saṃpātya yaḥ śramāt tapaso yo vetasaṃ yo bhūtam ūrdhvā asyedāvatsarāya yady antarikṣe punar maitv indriyam ity āplāvayati sā tatra prāyaścittiḥ ||

Sanskrit only: no published translation is held for this verse.

नश्येच् चेन् मदुघमणिः शाम्येद् वाग्निर् विवाहजः । अत्यद्भुतं द्वयम् इदं दम्पत्योस् तु विनाशनम् ॥

naśyec cen madughamaṇiḥ śāmyed vāgnir vivāhajaḥ | atyadbhutaṃ dvayam idaṃ dampatyos tu vināśanam ||

Sanskrit only: no published translation is held for this verse.

पूतुदारुमणिस् तत्र बन्ध्यो मन्त्राश् च मादुघाः । पूतुदारु न विन्द्याच् चेद् यवं तत्र नियोजयेत् ॥

pūtudārumaṇis tatra bandhyo mantrāś ca mādughāḥ | pūtudāru na vindyāc ced yavaṃ tatra niyojayet ||

Sanskrit only: no published translation is held for this verse.

आयुष्मन्तौ सुप्रजसौ सुवीरौ धाता पूषा द्रविणे नौ दधातु । विमुञ्चतां शमलं किल्बिषं नौ दीर्घम् आयुश् च सविता कृणोत्व् इति शान्त्युदकेनाङ्गुलिं संप्रोक्ष्य बध्नीयात्

āyuṣmantau suprajasau suvīrau dhātā pūṣā draviṇe nau dadhātu | vimuñcatāṃ śamalaṃ kilbiṣaṃ nau dīrgham āyuś ca savitā kṛṇotv iti śāntyudakenāṅguliṃ saṃprokṣya badhnīyāt

Sanskrit only: no published translation is held for this verse.

समिधो ऽभ्यादध्याद् उपतिष्टेत संनतिभिर् व्याहृतिभिर् जुहुयाद् गां च कर्त्रे दद्यात् सा अत्र प्रायश्चित्त्ः ॥

samidho 'bhyādadhyād upatiṣṭeta saṃnatibhir vyāhṛtibhir juhuyād gāṃ ca kartre dadyāt sā atra prāyaścittḥ ||

Sanskrit only: no published translation is held for this verse.

ओम् अथ यस्य तन्त्रे ऽप्रणीतो ऽहुतो ऽग्निर् उपशाम्यति ॥ पुनस् त्वादित्या इत्य् अग्निं प्राणीय संनतिभिर् व्याहृतिभिः समास् त्वाग्ने ऽभ्य् अर्चतेति च सूक्ताभ्यां जुहुयात् परिसंख्याहोमांश् च ॥

om atha yasya tantre 'praṇīto 'huto 'gnir upaśāmyati || punas tvādityā ity agniṃ prāṇīya saṃnatibhir vyāhṛtibhiḥ samās tvāgne 'bhy arcateti ca sūktābhyāṃ juhuyāt parisaṃkhyāhomāṃś ca ||

Sanskrit only: no published translation is held for this verse.

अथ यत्रैतद् विवाहग्निर् उपशाम्यति अग्निप्रणयनमन्त्रैः प्राजापत्यं प्रणीय प्राक्तन्त्रं प्रणीय यद् देवा यद् विद्वांसो ऽपमित्यम् अप्रतीतं यद् धस्ताभ्यं यद् अदीव्यन्न् इत्य् एतैः सूक्तैर् आज्यं जुहुयात् समिधो ऽभ्यादध्याद् उपतिष्ठेत वासः कर्त्रे दद्यात् ॥

atha yatraitad vivāhagnir upaśāmyati agnipraṇayanamantraiḥ prājāpatyaṃ praṇīya prāktantraṃ praṇīya yad devā yad vidvāṃso 'pamityam apratītaṃ yad dhastābhyaṃ yad adīvyann ity etaiḥ sūktair ājyaṃ juhuyāt samidho 'bhyādadhyād upatiṣṭheta vāsaḥ kartre dadyāt ||

Sanskrit only: no published translation is held for this verse.

अथ यत्रैतत् कालातीतासु क्रियास्व् अतीत उत्तरायणे आज्यभागान्ते यन् मे स्कन्नं यद् अस्मृतीत्य् अनुमन्त्रयेत् तस्मै प्राच्या दिशो अन्तर्देशाद् इति पर्यायान् एकविंशतिं जुहुयात् संस्कारातीते च कर्मणि ॥

atha yatraitat kālātītāsu kriyāsv atīta uttarāyaṇe ājyabhāgānte yan me skannaṃ yad asmṛtīty anumantrayet tasmai prācyā diśo antardeśād iti paryāyān ekaviṃśatiṃ juhuyāt saṃskārātīte ca karmaṇi ||

Sanskrit only: no published translation is held for this verse.

अथ यत्रैतत् प्राणीतो ऽग्निर् उपशाम्यति ॥ यद्य् अन्तरिक्षे पुनर् मैत्व् इन्द्रियं पुनस् त्वादित्या इत्य् अग्निं प्रणीय प्रज्वाल्य ममाग्ने वर्च इति समिधम् आधाय शेषं कर्म समापयेत् ॥

atha yatraitat prāṇīto 'gnir upaśāmyati || yady antarikṣe punar maitv indriyaṃ punas tvādityā ity agniṃ praṇīya prajvālya mamāgne varca iti samidham ādhāya śeṣaṃ karma samāpayet ||

Sanskrit only: no published translation is held for this verse.

अथ यस्योपयामो ऽवपतेद् धस्तात् स यन् मे उपयाम इत्य् आददीत,

atha yasyopayāmo 'vapated dhastāt sa yan me upayāma ity ādadīta,

Sanskrit only: no published translation is held for this verse.

यन् मे उपयामो ऽपतद् धस्ताद् य आयुषा परिष्कृतः । तम् अहं पुनर् आददे ॥

yan me upayāmo 'patad dhastād ya āyuṣā pariṣkṛtaḥ | tam ahaṃ punar ādade ||

Sanskrit only: no published translation is held for this verse.

पुनर् इन्द्रः पुनर् भगः पुनर् मे ब्रह्मणस्पतिः । ब्रह्म जीवितु दाद् इत्य् [आददीत]

punar indraḥ punar bhagaḥ punar me brahmaṇaspatiḥ | brahma jīvitu dād ity [ādadīta]

Sanskrit only: no published translation is held for this verse.

यन् मे छिद्रं यद् अस्मृतीति जुहुयात् ॥

yan me chidraṃ yad asmṛtīti juhuyāt ||

Sanskrit only: no published translation is held for this verse.

यन् मे स्रुवो ऽपतद् धस्ताद् इत्य् उपयामेन व्याख्यातम् ॥

yan me sruvo 'patad dhastād ity upayāmena vyākhyātam ||

Sanskrit only: no published translation is held for this verse.

मेखलादीनि चेत् प्लवेरन् पुनर् उपनयेत ॥ विमोचनीयान् होमान् हुत्वान्यं ब्राह्मणम् अनूचानम् उपवेश्योदपात्रं चापराजितेन निष्क्रम्य वासो यज्ञोपवीतादि दत्त्वाभ्युक्ष्याचम्यापां सूक्तैः पवित्रैश् च संप्रोक्ष्य प्रियं मा कृणु देवेष्व् इति यज्ञोपवीतं दत्त्वा विमृग्वरीं मा नः पश्चाद् इति द्वाभ्यां प्राङ्मुख उपविश्य महाव्याहृतिभिः सावित्री शान्तिसूक्तं ब्रह्म जज्ञानं यद् अस्मृत्य् अनुमतिः सर्वम् इति जुहुयाद् अभ्यातानैश् च ॥

mekhalādīni cet plaveran punar upanayeta || vimocanīyān homān hutvānyaṃ brāhmaṇam anūcānam upaveśyodapātraṃ cāparājitena niṣkramya vāso yajñopavītādi dattvābhyukṣyācamyāpāṃ sūktaiḥ pavitraiś ca saṃprokṣya priyaṃ mā kṛṇu deveṣv iti yajñopavītaṃ dattvā vimṛgvarīṃ mā naḥ paścād iti dvābhyāṃ prāṅmukha upaviśya mahāvyāhṛtibhiḥ sāvitrī śāntisūktaṃ brahma jajñānaṃ yad asmṛty anumatiḥ sarvam iti juhuyād abhyātānaiś ca ||

Sanskrit only: no published translation is held for this verse.

अथ यत्रैतन् मेखला प्रपतति जीर्णा वा स्यात् तां सावित्र्योद्धृत्यान्तं कृत्वा शान्त्युदकेन संप्रोक्ष्य महाव्याहृतिभिः सावित्री शान्तिसूक्तं ब्रह्म जज्ञानं ये त्रिषप्ता इदावत्सराय घृतेन त्वाग्निं ब्र्हूम इति ॥

atha yatraitan mekhalā prapatati jīrṇā vā syāt tāṃ sāvitryoddhṛtyāntaṃ kṛtvā śāntyudakena saṃprokṣya mahāvyāhṛtibhiḥ sāvitrī śāntisūktaṃ brahma jajñānaṃ ye triṣaptā idāvatsarāya ghṛtena tvāgniṃ brhūma iti ||

Sanskrit only: no published translation is held for this verse.

चतुर्थ्याम् अहुतायां यदि घटोदकं नश्येत तथैव पुनर् आनीय शं नो देवीर् इहेत देवीर् इत्य् अनुमन्त्र्याम्बयो यन्त्य् आपो हि ष्ठा शं नो देवीर् इति संपात्य व्याहृत्या संनत्या च जुहुयात् आपो भृग्वङ्गिरोरूपम् अपां पुष्पम् इत्य् उदकुम्भम् अभिमन्त्रयेत् ॥ वासो दक्षिणा ॥

caturthyām ahutāyāṃ yadi ghaṭodakaṃ naśyeta tathaiva punar ānīya śaṃ no devīr iheta devīr ity anumantryāmbayo yanty āpo hi ṣṭhā śaṃ no devīr iti saṃpātya vyāhṛtyā saṃnatyā ca juhuyāt āpo bhṛgvaṅgirorūpam apāṃ puṣpam ity udakumbham abhimantrayet || vāso dakṣiṇā ||

Sanskrit only: no published translation is held for this verse.

अथ यस्यासमाप्ते कर्मण्य् उदपात्रं प्रवर्तेत तद् अनुमन्त्रयते

atha yasyāsamāpte karmaṇy udapātraṃ pravarteta tad anumantrayate

Sanskrit only: no published translation is held for this verse.

यद् उदपात्रं प्रवर्तते ब्रह्मणास्थापितं महत् । स्थानाच् च्युतं प्रवर्तितं तन् मे वहतु किल्बिषम् ॥ इत्य् आस्थापयति ॥

yad udapātraṃ pravartate brahmaṇāsthāpitaṃ mahat | sthānāc cyutaṃ pravartitaṃ tan me vahatu kilbiṣam || ity āsthāpayati ||

Sanskrit only: no published translation is held for this verse.

पूरणेन पूरयित्वा पुनः पूर्णम् इत्य् एतया ।

pūraṇena pūrayitvā punaḥ pūrṇam ity etayā |

Sanskrit only: no published translation is held for this verse.

पुनः पूर्णम् इदं पात्रं ब्रह्मणास्थापयामसि । विश्वैस् [तद्] देवैर् अभिष्टुतम् ॥

punaḥ pūrṇam idaṃ pātraṃ brahmaṇāsthāpayāmasi | viśvais [tad] devair abhiṣṭutam ||

Sanskrit only: no published translation is held for this verse.

ऊर्जं पुष्टं दधातु नो रायस् पोषं श्रियम् आयुः । मयि कर्म समृध्यताम् इति ॥

ūrjaṃ puṣṭaṃ dadhātu no rāyas poṣaṃ śriyam āyuḥ | mayi karma samṛdhyatām iti ||

Sanskrit only: no published translation is held for this verse.

अथ चेत् प्रभज्येत भूमिर् भूमिम् अगाद् इत्य् अनुमन्त्र्यान्यतरम् आहृत्य यद्य् अन्तरिक्षे पुनर् मैत्व् इन्द्रियम् इत्य् अनुमन्त्र्य वैश्वानरो न ऊतय उद् एनं वैश्वानरो रश्मिभिर् इति जुहुयात् सा तत्र प्रायश्चित्तिः ॥

atha cet prabhajyeta bhūmir bhūmim agād ity anumantryānyataram āhṛtya yady antarikṣe punar maitv indriyam ity anumantrya vaiśvānaro na ūtaya ud enaṃ vaiśvānaro raśmibhir iti juhuyāt sā tatra prāyaścittiḥ ||

Sanskrit only: no published translation is held for this verse.