Atharvavedaparisistas 4.2

अथ राजकर्माणि

atha rājakarmāṇi

Sanskrit only: no published translation is held for this verse.

विश्वावसौ मुहूर्ते स्नातो अभिषेकमन्त्रैर् अभिमन्त्रितः ॥

viśvāvasau muhūrte snāto abhiṣekamantrair abhimantritaḥ ||

Sanskrit only: no published translation is held for this verse.

अनुलेपनैर् अनुलिप्तः ॥

anulepanair anuliptaḥ ||

Sanskrit only: no published translation is held for this verse.

पूर्वोक्तेन विधिना वस्त्रालंकारादिभिः

pūrvoktena vidhinā vastrālaṃkārādibhiḥ

Sanskrit only: no published translation is held for this verse.

सुवर्णनिष्कं कृष्णलं वा वामहस्तेन संगृह्य ॥

suvarṇaniṣkaṃ kṛṣṇalaṃ vā vāmahastena saṃgṛhya ||

Sanskrit only: no published translation is held for this verse.

यद् दुःकृतं यच् छबलं सर्वं पाप्मानं दहत्व् इत्य्

yad duḥkṛtaṃ yac chabalaṃ sarvaṃ pāpmānaṃ dahatv ity

Sanskrit only: no published translation is held for this verse.

अनेन मन्त्रेण सुवर्णं शरीरे निघृष्य दक्षिणेन हस्तेन विप्राय दद्याद्

anena mantreṇa suvarṇaṃ śarīre nighṛṣya dakṣiṇena hastena viprāya dadyād

Sanskrit only: no published translation is held for this verse.

धेनुं चारोगाम्

dhenuṃ cārogām

Sanskrit only: no published translation is held for this verse.

अपरिमितगुणान् तिलान् सौवर्णमये ताम्रमये वा पात्रे स्थापयित्वा यद् अज्ञानाद् इत्य् अभिमन्त्र्य विप्राय दद्यात् ॥

aparimitaguṇān tilān sauvarṇamaye tāmramaye vā pātre sthāpayitvā yad ajñānād ity abhimantrya viprāya dadyāt ||

Sanskrit only: no published translation is held for this verse.

यद् अज्ञानात् तथा ज्ञानाद् यन् मया शबलं कृतम् । तत् सर्वं तिलदानेन दह्यताम् इति हि प्रभो ॥

yad ajñānāt tathā jñānād yan mayā śabalaṃ kṛtam | tat sarvaṃ tiladānena dahyatām iti hi prabho ||

Sanskrit only: no published translation is held for this verse.

भूमिश् च सस्यसंपन्ना ब्राह्मणे वेदपारगे । यथाशक्ति प्रदेया हि बृहस्पतिवचो यथा ॥

bhūmiś ca sasyasaṃpannā brāhmaṇe vedapārage | yathāśakti pradeyā hi bṛhaspativaco yathā ||

Sanskrit only: no published translation is held for this verse.

स भुक्त्वा विविधान् भोगान् सप्तसागरमेखलाम् । पृथिवीं प्राप्य मोदेत चन्द्रवत् पृथिवीपतिः ॥

sa bhuktvā vividhān bhogān saptasāgaramekhalām | pṛthivīṃ prāpya modeta candravat pṛthivīpatiḥ ||

Sanskrit only: no published translation is held for this verse.

अन्नं तु विविधं नित्यं प्रदद्यात् द्विजातये । तूर्यघोषेण संयुक्तः कृतस्वस्त्ययनस् तथा ॥

annaṃ tu vividhaṃ nityaṃ pradadyāt dvijātaye | tūryaghoṣeṇa saṃyuktaḥ kṛtasvastyayanas tathā ||

Sanskrit only: no published translation is held for this verse.

गृहदेवांस् तु संपूज्य कार्यश् चाप्य् उत्सवो गृहे । छत्त्रादीनि च यानानि पूजयेद् विधिवत् स्वयम् ॥

gṛhadevāṃs tu saṃpūjya kāryaś cāpy utsavo gṛhe | chattrādīni ca yānāni pūjayed vidhivat svayam ||

Sanskrit only: no published translation is held for this verse.

[पुष्पैश् च विविधैः शुभ्रैः फलैश् चाप्य् अर्चयेद् बुधः] तस्मात् सर्वाणि सततं दानानि तु महीपतिः । दत्त्वा श्रद्धान्वितो विप्रैर् वृतो भुञ्जीत वाग्यतः ॥

[puṣpaiś ca vividhaiḥ śubhraiḥ phalaiś cāpy arcayed budhaḥ] tasmāt sarvāṇi satataṃ dānāni tu mahīpatiḥ | dattvā śraddhānvito viprair vṛto bhuñjīta vāgyataḥ ||

Sanskrit only: no published translation is held for this verse.