Atharvavedaparisistas 41.3

अतो यथाकामं जपित्वा पश्येम शरदः शतम् इन्द्र जीवेत्य् आशिषः प्रार्थयते ॥

ato yathākāmaṃ japitvā paśyema śaradaḥ śatam indra jīvety āśiṣaḥ prārthayate ||

Sanskrit only: no published translation is held for this verse.

स्तुता मया वरदेति विसृज्योदीराणा उत सूर्यस्यावृतम् असपत्नं पुरस्ताद् यस्मात् कोशाद् इति यथार्थम् उपतिष्ठते ॥

stutā mayā varadeti visṛjyodīrāṇā uta sūryasyāvṛtam asapatnaṃ purastād yasmāt kośād iti yathārtham upatiṣṭhate ||

Sanskrit only: no published translation is held for this verse.

य इमां न विन्दन्ति नाधीयते संध्याकाले नोपासते ते ह्य् अश्रोत्रिया भवन्त्य् अनुपनीताः क्रियाहीनाश् छेदनभेदनभोजनमैथुनान्य् अभिचरन्तः ॥

ya imāṃ na vindanti nādhīyate saṃdhyākāle nopāsate te hy aśrotriyā bhavanty anupanītāḥ kriyāhīnāś chedanabhedanabhojanamaithunāny abhicarantaḥ ||

Sanskrit only: no published translation is held for this verse.

संध्याकाले ह्य् अजपन्तः श्वसूकरसृगालकुक्कुटसर्पयोनिषु वर्षसहस्राणि जायन्ते ॥

saṃdhyākāle hy ajapantaḥ śvasūkarasṛgālakukkuṭasarpayoniṣu varṣasahasrāṇi jāyante ||

Sanskrit only: no published translation is held for this verse.

समास् तस्यैवोपजायन्ते ॥

samās tasyaivopajāyante ||

Sanskrit only: no published translation is held for this verse.

तस्माद् यथोक्तां सायं प्रातः संध्याम् उपासीत ॥

tasmād yathoktāṃ sāyaṃ prātaḥ saṃdhyām upāsīta ||

Sanskrit only: no published translation is held for this verse.

अरण्यचरितो गुप्तः शुक्लब्राह्मणकर्मसु । प्रायेण लभते लोकान् यथोक्तांस् तां समाचरन् ॥

araṇyacarito guptaḥ śuklabrāhmaṇakarmasu | prāyeṇa labhate lokān yathoktāṃs tāṃ samācaran ||

Sanskrit only: no published translation is held for this verse.

सायं संध्याम् उपासीत कृतवीरासनो द्विजः । कृतोत्तानस् तथा प्रातः प्राञ्जलिः सुसमाहितः ॥

sāyaṃ saṃdhyām upāsīta kṛtavīrāsano dvijaḥ | kṛtottānas tathā prātaḥ prāñjaliḥ susamāhitaḥ ||

Sanskrit only: no published translation is held for this verse.

एतद् वीरासनं स्थानं ब्रह्मणा निर्मितं पुरा । द्विजानं बालवृद्धानां पुरश्चरणम् उत्तमम् ॥

etad vīrāsanaṃ sthānaṃ brahmaṇā nirmitaṃ purā | dvijānaṃ bālavṛddhānāṃ puraścaraṇam uttamam ||

Sanskrit only: no published translation is held for this verse.

सायं प्रातस् तु यः संध्याम् अस्कन्नाम् उपतिष्ठते । स तया पावितो देव्या ब्राह्महः पूतकिल्बिषः ॥

sāyaṃ prātas tu yaḥ saṃdhyām askannām upatiṣṭhate | sa tayā pāvito devyā brāhmahaḥ pūtakilbiṣaḥ ||

Sanskrit only: no published translation is held for this verse.

न सीदेत् प्रतिगृह्णानः पृथ्वीम् अपि ससागराम् । ये चास्य विषमाः के चिद् दिवि सूर्यादयो ग्रहाः ॥

na sīdet pratigṛhṇānaḥ pṛthvīm api sasāgarām | ye cāsya viṣamāḥ ke cid divi sūryādayo grahāḥ ||

Sanskrit only: no published translation is held for this verse.

ते चास्य सौम्या जायन्ते शिवाः सुखकराः सदा । स्थानं वीरासनं चएषां पृथिवी च प्रदक्षिणा । अग्निहोत्रं हुतं चैषां ये वै संध्याम् उपासते ॥

te cāsya saumyā jāyante śivāḥ sukhakarāḥ sadā | sthānaṃ vīrāsanaṃ caeṣāṃ pṛthivī ca pradakṣiṇā | agnihotraṃ hutaṃ caiṣāṃ ye vai saṃdhyām upāsate ||

Sanskrit only: no published translation is held for this verse.