Atharvavedaparisistas 41.5

तद् यथाग्निर् देवानां ब्राह्मणो मनुष्याणां वसन्त ऋतूनाम् एवं गायत्री छन्दसाम् ॥

tad yathāgnir devānāṃ brāhmaṇo manuṣyāṇāṃ vasanta ṛtūnām evaṃ gāyatrī chandasām ||

Sanskrit only: no published translation is held for this verse.

तद् यथा गायत्री कत्यक्षरा कतिपदा किं वास्या गोत्रं किं वास्य रूपं कीदृशं तस्याः शरीरं भवति ॥

tad yathā gāyatrī katyakṣarā katipadā kiṃ vāsyā gotraṃ kiṃ vāsya rūpaṃ kīdṛśaṃ tasyāḥ śarīraṃ bhavati ||

Sanskrit only: no published translation is held for this verse.

यद् वै भूः स ऋग्वेदो यद् भुव इति सो ऽथर्ववेद इति

yad vai bhūḥ sa ṛgvedo yad bhuva iti so 'tharvaveda iti

Sanskrit only: no published translation is held for this verse.

तद् यथेदम् अक्षरम् ओम् इत्य् अक्षरं तत् परमं शम् इत्य् अक्षरं गुह्यं तत् परमं पवित्रम् ॥

tad yathedam akṣaram om ity akṣaraṃ tat paramaṃ śam ity akṣaraṃ guhyaṃ tat paramaṃ pavitram ||

Sanskrit only: no published translation is held for this verse.

आदित्यो वै सावित्र्य् आदित्येन सह सावित्री स्तौति सुवति प्रातः प्रसुवति तस्मात् सावित्रीत्<व्>अम् ॥

ādityo vai sāvitry ādityena saha sāvitrī stauti suvati prātaḥ prasuvati tasmāt sāvitrīt<v>am ||

Sanskrit only: no published translation is held for this verse.

अक्षरदैवतं व्याख्यास्यामः

akṣaradaivataṃ vyākhyāsyāmaḥ

Sanskrit only: no published translation is held for this verse.

प्रथमम् आग्नेयं द्वितीयम् आश्विनं तृतीयं सौम्यं चतुर्थं वैष्णवं सावित्रं पञ्चमं षष्ठं पौष्णं सप्तमं मारुतम् अष्टमं बार्हस्पत्यं नवमं मैत्रं दशमं वारुणम् एकादशम् ऐन्द्रं द्वादशं वैश्वदेवं वसूनां त्रयोदशं चतुर्दशं रुद्राणां पञ्चदशम् आदित्यानाम् अदितेः षोडशं वायव्यं सप्तदशमं भौमम् अष्टादशम् एकोनविंशम् आन्तरिक्षं दिव्यं विंशं दिग्देवतानि चत्वार्य् अक्षराणि ॥

prathamam āgneyaṃ dvitīyam āśvinaṃ tṛtīyaṃ saumyaṃ caturthaṃ vaiṣṇavaṃ sāvitraṃ pañcamaṃ ṣaṣṭhaṃ pauṣṇaṃ saptamaṃ mārutam aṣṭamaṃ bārhaspatyaṃ navamaṃ maitraṃ daśamaṃ vāruṇam ekādaśam aindraṃ dvādaśaṃ vaiśvadevaṃ vasūnāṃ trayodaśaṃ caturdaśaṃ rudrāṇāṃ pañcadaśam ādityānām aditeḥ ṣoḍaśaṃ vāyavyaṃ saptadaśamaṃ bhaumam aṣṭādaśam ekonaviṃśam āntarikṣaṃ divyaṃ viṃśaṃ digdevatāni catvāry akṣarāṇi ||

Sanskrit only: no published translation is held for this verse.