Atharvavedaparisistas 41.6

अथ यत् पूर्वां संध्याम् उपास्ते तद् गायत्र्याः शिरस् तेन पृथिवीं जयति ॥

atha yat pūrvāṃ saṃdhyām upāste tad gāyatryāḥ śiras tena pṛthivīṃ jayati ||

Sanskrit only: no published translation is held for this verse.

अथ यन् मध्याह्ने तीक्ष्णं रुद्रस् तपति <तद्> द्वितीयं शिरस् तेनान्तरिक्षं जयति ॥

atha yan madhyāhne tīkṣṇaṃ rudras tapati <tad> dvitīyaṃ śiras tenāntarikṣaṃ jayati ||

Sanskrit only: no published translation is held for this verse.

अथ यद् अस्तमियात् तत् तृतीयं शिरस् तेन दिवं जयति ॥

atha yad astamiyāt tat tṛtīyaṃ śiras tena divaṃ jayati ||

Sanskrit only: no published translation is held for this verse.

तस्या ॐकारः शिरः सह व्याहृतिभिर् दर्भाः केशा ओषधीवनस्पतयो लोमानि चक्षुषी सूर्याचन्द्रमसौ विद्युद् धसितं विष्णुवरुणौ उरसी रुद्रो हृदये पौर्णमासी चामावास्या च स्तनौ अहश् च रात्री च पार्श्वे

tasyā oṃkāraḥ śiraḥ saha vyāhṛtibhir darbhāḥ keśā oṣadhīvanaspatayo lomāni cakṣuṣī sūryācandramasau vidyud dhasitaṃ viṣṇuvaruṇau urasī rudro hṛdaye paurṇamāsī cāmāvāsyā ca stanau ahaś ca rātrī ca pārśve

Sanskrit only: no published translation is held for this verse.

दश दिशः कुक्षी सर्वज्ञानानि व्याकरणम् उदरं पृथिवी श्रोणी वायुः स्थानं भूषणं नक्षत्राणि श्रीसरस्वतीरूपा पदक्रममन्त्रब्राह्मणकल्पशरीरा सावित्री गोत्रेण ब्रह्मदेया भवति ब्रह्मदेया भवतीति ब्राह्मणम् ॥

daśa diśaḥ kukṣī sarvajñānāni vyākaraṇam udaraṃ pṛthivī śroṇī vāyuḥ sthānaṃ bhūṣaṇaṃ nakṣatrāṇi śrīsarasvatīrūpā padakramamantrabrāhmaṇakalpaśarīrā sāvitrī gotreṇa brahmadeyā bhavati brahmadeyā bhavatīti brāhmaṇam ||

Sanskrit only: no published translation is held for this verse.