Library·Atharvavedaparisistas·43·43.6
यां कां चित् सरितं गत्वा कृष्णपक्षे चतुर्दशीम् । एकैकस्य तिलैर् मिश्रान् दद्यात् त्रीन् उदकाञ्जलीन् ॥
yāṃ kāṃ cit saritaṃ gatvā kṛṣṇapakṣe caturdaśīm | ekaikasya tilair miśrān dadyāt trīn udakāñjalīn ||
Sanskrit only: no published translation is held for this verse.
आ यातेति हि तिसृभिः पितॄन् आवाहयेत् ततः । उद् ईरताम् इति तिसृभिः पितृभ्यो दद्यात् तिलोदकम् ॥
ā yāteti hi tisṛbhiḥ pitṝn āvāhayet tataḥ | ud īratām iti tisṛbhiḥ pitṛbhyo dadyāt tilodakam ||
Sanskrit only: no published translation is held for this verse.
नाभिमात्रे जले स्थित्वा चिन्तयेन् मनसा पितॄन् । तथा मातामहेभ्यश् च शुचौ देशे ऽथ बर्हिषि ॥
nābhimātre jale sthitvā cintayen manasā pitṝn | tathā mātāmahebhyaś ca śucau deśe 'tha barhiṣi ||
Sanskrit only: no published translation is held for this verse.
परा यातेत्य् एतया पितॄंस् तृप्तान् विसर्जयेत् । मनो न्व् आ ह्वामहीत्य् एवं पञ्चभिर् मन उपाह्वयेत ॥
parā yātety etayā pitṝṃs tṛptān visarjayet | mano nv ā hvāmahīty evaṃ pañcabhir mana upāhvayeta ||
Sanskrit only: no published translation is held for this verse.
एतद्द् हि तर्पणं श्रेष्ठं स्वयम् उक्तं स्वयंभुवा । श्रद्धधानः समाचष्टे ब्रह्मलोकं स गच्छति ॥
etadd hi tarpaṇaṃ śreṣṭhaṃ svayam uktaṃ svayaṃbhuvā | śraddhadhānaḥ samācaṣṭe brahmalokaṃ sa gacchati ||
Sanskrit only: no published translation is held for this verse.