Atharvavedaparisistas 44.1

ओम् अथातः श्राद्धविधिं व्याख्यास्यामः ॥

om athātaḥ śrāddhavidhiṃ vyākhyāsyāmaḥ ||

Sanskrit only: no published translation is held for this verse.

चतुष्प्रकारं श्राद्धं भवति ॥

catuṣprakāraṃ śrāddhaṃ bhavati ||

Sanskrit only: no published translation is held for this verse.

नित्यम् आभ्युदयिकं काम्यम् एकोद्दिष्टं चेति ॥

nityam ābhyudayikaṃ kāmyam ekoddiṣṭaṃ ceti ||

Sanskrit only: no published translation is held for this verse.

तत्र नित्यम् अमावास्यायाम् ॥

tatra nityam amāvāsyāyām ||

Sanskrit only: no published translation is held for this verse.

आभ्युदयिकं मातृपूर्वकं पुंसवनादिषु संस्कारेषु ॥

ābhyudayikaṃ mātṛpūrvakaṃ puṃsavanādiṣu saṃskāreṣu ||

Sanskrit only: no published translation is held for this verse.

काम्यं तिथिद्रव्यब्राह्मणसंयोगे ॥

kāmyaṃ tithidravyabrāhmaṇasaṃyoge ||

Sanskrit only: no published translation is held for this verse.

एकोद्दिष्टं संचयनप्रभृत्य् आ सपिण्डीकरणात् ॥

ekoddiṣṭaṃ saṃcayanaprabhṛty ā sapiṇḍīkaraṇāt ||

Sanskrit only: no published translation is held for this verse.

तत्र नित्ये युग्मान् दैवे ब्राह्मणान् उपामन्त्रयेत् ॥

tatra nitye yugmān daive brāhmaṇān upāmantrayet ||

Sanskrit only: no published translation is held for this verse.

आभ्युदयिके उभयत्र युग्मान् ॥

ābhyudayike ubhayatra yugmān ||

Sanskrit only: no published translation is held for this verse.

यवैस् तिलार्था ऋजवो दर्भाः प्रदक्षिणं कुर्यात् ॥

yavais tilārthā ṛjavo darbhāḥ pradakṣiṇaṃ kuryāt ||

Sanskrit only: no published translation is held for this verse.

काम्यं तु नित्यवत् ॥

kāmyaṃ tu nityavat ||

Sanskrit only: no published translation is held for this verse.

अथैकोद्दिष्टं तूष्णीं यावद् उक्तम् ॥

athaikoddiṣṭaṃ tūṣṇīṃ yāvad uktam ||

Sanskrit only: no published translation is held for this verse.

नाग्नेवं न दैवम् अयुग्मान्ब्राह्मणान् ॥

nāgnevaṃ na daivam ayugmānbrāhmaṇān ||

Sanskrit only: no published translation is held for this verse.

दक्षिणामुख उपविश्य पित्र्येणोपचर्यैकं पवित्रम् एकम् उदपात्रम् अप्रत्यावृत्तिम् आसनं नामगोत्रेणैकं पिण्डम् एतत् ते अन्नम् इति ॥

dakṣiṇāmukha upaviśya pitryeṇopacaryaikaṃ pavitram ekam udapātram apratyāvṛttim āsanaṃ nāmagotreṇaikaṃ piṇḍam etat te annam iti ||

Sanskrit only: no published translation is held for this verse.