ताल्व् एयशचवर्गाणाम् इवर्णस्य च भाष्यते । मूर्धा स्थानं षकारस्य टवर्गस्य तथा मतः ॥
tālv eyaśacavargāṇām ivarṇasya ca bhāṣyate | mūrdhā sthānaṃ ṣakārasya ṭavargasya tathā mataḥ ||
Sanskrit only: no published translation is held for this verse.
Library·Atharvavedaparisistas·47·47.2
Atharvavedaparisistas 47.2
दन्ता लसतवर्गाणाम् उवर्णस् त्व् ओष्ठ्य उच्यते । उपध्मानीय ओकारो वः पवर्गश् च तथा मताः ॥
dantā lasatavargāṇām uvarṇas tv oṣṭhya ucyate | upadhmānīya okāro vaḥ pavargaś ca tathā matāḥ ||
Sanskrit only: no published translation is held for this verse.
नासिक्ये नासिका स्थानं तथानुस्वार इष्यते । यमा वर्गोत्तमाश् चापि यथोक्तं चैव ते मताः ॥
nāsikye nāsikā sthānaṃ tathānusvāra iṣyate | yamā vargottamāś cāpi yathoktaṃ caiva te matāḥ ||
Sanskrit only: no published translation is held for this verse.
रेफस्य दन्तमूलानि प्रत्यग् वा तेभ्य इष्यते । इति स्थानानि वर्णानां कीर्तितानि यथाक्रमम् ॥
rephasya dantamūlāni pratyag vā tebhya iṣyate | iti sthānāni varṇānāṃ kīrtitāni yathākramam ||
Sanskrit only: no published translation is held for this verse.
अपर आह । हनुमूले तु रेफः स्याद् दन्तमूलेषु वा पुनः । प्रत्यग् वा दन्तमूलेभ्यो मूर्धन्य इति चापरे ॥
apara āha | hanumūle tu rephaḥ syād dantamūleṣu vā punaḥ | pratyag vā dantamūlebhyo mūrdhanya iti cāpare ||
Sanskrit only: no published translation is held for this verse.
उरःस्थो घोषो विसृष्टः कण्ठदेशे निहन्यते । ततो नादो वितिष्ठते तस्य विकृतिर् अक्षरम् ॥
uraḥstho ghoṣo visṛṣṭaḥ kaṇṭhadeśe nihanyate | tato nādo vitiṣṭhate tasya vikṛtir akṣaram ||
Sanskrit only: no published translation is held for this verse.
पूर्वाभिर् अणुमात्राभिः कण्ठ्यं संसेव्यते ऽक्षरम् । उत्तराभिस् तु मात्राभिर् मुखविकृतिर् उच्यते ॥
pūrvābhir aṇumātrābhiḥ kaṇṭhyaṃ saṃsevyate 'kṣaram | uttarābhis tu mātrābhir mukhavikṛtir ucyate ||
Sanskrit only: no published translation is held for this verse.
अपि प्रयोगस्य हेतोः संयोगः सह धार्यते । अव्यवहितो ऽक्षरेण नानावर्णः स्वरोदयः ॥
api prayogasya hetoḥ saṃyogaḥ saha dhāryate | avyavahito 'kṣareṇa nānāvarṇaḥ svarodayaḥ ||
Sanskrit only: no published translation is held for this verse.
द्वितीयेषु तथोष्मणां तृतीयेषु च घोषाणाम् । चतुर्थेषु घोषोष्मणाम् उपदेशेन वर्तयेत् ॥
dvitīyeṣu tathoṣmaṇāṃ tṛtīyeṣu ca ghoṣāṇām | caturtheṣu ghoṣoṣmaṇām upadeśena vartayet ||
Sanskrit only: no published translation is held for this verse.
उत्तमेषु तु नासिक्यम् अन्तःस्थेषु घोषं स्मृतम् । हकारस्य घोषोष्माणाव् उपदेशेन वर्तयेत् ॥
uttameṣu tu nāsikyam antaḥstheṣu ghoṣaṃ smṛtam | hakārasya ghoṣoṣmāṇāv upadeśena vartayet ||
Sanskrit only: no published translation is held for this verse.