Atharvavedaparisistas 47.3

ऋकाराक्षरयो रेफम् अणुमात्र सर्व॥। । स्वरितस्य द्वैधीभावे उपदेशेन वर्तयेत् ॥

ṛkārākṣarayo repham aṇumātra sarva... | svaritasya dvaidhībhāve upadeśena vartayet ||

Sanskrit only: no published translation is held for this verse.

ऋवर्णदेशसंदेहो ऽस्वरः स्यात् स्याद् अनन्तरम् । परो वा यदि वा पूर्वो रेफम् एव तु विद्धि तम् ॥

ṛvarṇadeśasaṃdeho 'svaraḥ syāt syād anantaram | paro vā yadi vā pūrvo repham eva tu viddhi tam ||

Sanskrit only: no published translation is held for this verse.

अकारश् च इकारश् च उकार ऋकार एव च । ह्रस्वदीर्घप्लुताः सर्वे ल्वर्णे नास्ति दीर्घता ॥

akāraś ca ikāraś ca ukāra ṛkāra eva ca | hrasvadīrghaplutāḥ sarve Lvarṇe nāsti dīrghatā ||

Sanskrit only: no published translation is held for this verse.

एकारश् च तथाइकार ओकार औकार एव च । दीर्घमात्रप्लुतास् तेषां संज्जा संध्यक्षराणि च ॥

ekāraś ca tathāikāra okāra aukāra eva ca | dīrghamātraplutās teṣāṃ saṃjjā saṃdhyakṣarāṇi ca ||

Sanskrit only: no published translation is held for this verse.

उदात्तश् चानुदात्ताश् च स्वरिताः कम्पिताश् च ये । अनुनासिकास् तथा शुद्धा दृश्यते ह्रस्वता बुधैः ॥

udāttaś cānudāttāś ca svaritāḥ kampitāś ca ye | anunāsikās tathā śuddhā dṛśyate hrasvatā budhaiḥ ||

Sanskrit only: no published translation is held for this verse.

वर्णाः पञ्चषष्टिः स्वरा द्वाविंशतिः समानाक्षराणि चतुर्दश अष्टौ संध्यक्षराण्य् एकोनविंशतिर् नामिनस् त्रिचत्वारिंशद् व्यञ्जनानिस्पर्शाः पञ्चविंशतिश् चत्वारस् त्व् अन्तःस्थाः चत्वारो यमाश् चाष्टाव् ऊष्माणो ऽयोगवाहा दशायोगवाहा दश ॥

varṇāḥ pañcaṣaṣṭiḥ svarā dvāviṃśatiḥ samānākṣarāṇi caturdaśa aṣṭau saṃdhyakṣarāṇy ekonaviṃśatir nāminas tricatvāriṃśad vyañjanānisparśāḥ pañcaviṃśatiś catvāras tv antaḥsthāḥ catvāro yamāś cāṣṭāv ūṣmāṇo 'yogavāhā daśāyogavāhā daśa ||

Sanskrit only: no published translation is held for this verse.