Library·Atharvavedaparisistas·53·53.3
प्रलम्बः प्रमदान् हन्ति क्षत्रं राष्ट्रं च सर्वशः । त्रैगर्ताश् चात्र पीड्यन्ते ये च दण्डभृतो जनाः ॥
pralambaḥ pramadān hanti kṣatraṃ rāṣṭraṃ ca sarvaśaḥ | traigartāś cātra pīḍyante ye ca daṇḍabhṛto janāḥ ||
Sanskrit only: no published translation is held for this verse.
उपरक्तो यदोदेति यदा वा प्रतितिष्ठति । अयोगक्षेमम् आदिश्येत् त्रिषु लोकेषु दारुणम् ॥
uparakto yadodeti yadā vā pratitiṣṭhati | ayogakṣemam ādiśyet triṣu lokeṣu dāruṇam ||
Sanskrit only: no published translation is held for this verse.
शारदं त्रीणि वर्षाणि सस्यं जातं न पच्यते । नैदाघेनात्र जीवन्ति प्रजा मूलफलेन वा ॥
śāradaṃ trīṇi varṣāṇi sasyaṃ jātaṃ na pacyate | naidāghenātra jīvanti prajā mūlaphalena vā ||
Sanskrit only: no published translation is held for this verse.
सर्वं संग्रसते ज्योतिश् चिरम् अन्तर्दधाति वा । हन्ति स्फीतानि राष्ट्राणि प्रधानं च महीपतिम् ॥
sarvaṃ saṃgrasate jyotiś ciram antardadhāti vā | hanti sphītāni rāṣṭrāṇi pradhānaṃ ca mahīpatim ||
Sanskrit only: no published translation is held for this verse.
यदि <तु> राहुर् उभौ शशिभास्करौ ग्रसति पक्षम् अनन्तरम् अन्ततः । पुरुषशोणितकर्दमवाहिनी भवति भूर् न च वर्षति माधवः ॥
yadi <tu> rāhur ubhau śaśibhāskarau grasati pakṣam anantaram antataḥ | puruṣaśoṇitakardamavāhinī bhavati bhūr na ca varṣati mādhavaḥ ||
Sanskrit only: no published translation is held for this verse.