Library·Atharvavedaparisistas·53·53.6
स्निग्धवर्णो यदार्चिष्मान् पर्वस्थः स्नेहवान् ग्रहः । क्षिप्रं वाप्य् उदितं ब्रूहि सर्वभूतभयाय वै ॥
snigdhavarṇo yadārciṣmān parvasthaḥ snehavān grahaḥ | kṣipraṃ vāpy uditaṃ brūhi sarvabhūtabhayāya vai ||
Sanskrit only: no published translation is held for this verse.
प्रदक्षिणे तु सोमस्य अपसव्ये तु विग्रहः । रश्मिभेदे भयं घोरम् उल्लेखे मन्त्रिणां वधः ॥
pradakṣiṇe tu somasya apasavye tu vigrahaḥ | raśmibhede bhayaṃ ghoram ullekhe mantriṇāṃ vadhaḥ ||
Sanskrit only: no published translation is held for this verse.
दर्शयित्वा तु रूपाणि यदा राहुर् न दृश्यते । शस्त्रदुर्भिक्षसंपातैर् भयं घोरं विनिर्दिशेत् ॥
darśayitvā tu rūpāṇi yadā rāhur na dṛśyate | śastradurbhikṣasaṃpātair bhayaṃ ghoraṃ vinirdiśet ||
Sanskrit only: no published translation is held for this verse.
गृहीतास्तमितयोस् तु न भुञ्जीरन् द्विजातयः । आ पुनर्दर्शनात् ताभ्यां जपहोमौ विवर्तयेत् ॥
gṛhītāstamitayos tu na bhuñjīran dvijātayaḥ | ā punardarśanāt tābhyāṃ japahomau vivartayet ||
Sanskrit only: no published translation is held for this verse.
चन्द्रसूर्यग्रहे नाद्याद् अद्यात् स्नात्वा तु मुक्तयोः । अमुक्तयोर् अस्तंगयोर् अद्यात् स्नात्वा परे ऽहनि ॥
candrasūryagrahe nādyād adyāt snātvā tu muktayoḥ | amuktayor astaṃgayor adyāt snātvā pare 'hani ||
Sanskrit only: no published translation is held for this verse.
ततः षट्सु ततः षट्सु ततो ऽध्यर्धेषू वा पुनः । अर्धवर्षेषु मासेषु आदित्यस्य ततो ग्रहः ॥
tataḥ ṣaṭsu tataḥ ṣaṭsu tato 'dhyardheṣū vā punaḥ | ardhavarṣeṣu māseṣu ādityasya tato grahaḥ ||
Sanskrit only: no published translation is held for this verse.
ततः षट्सु ततः षट्सु त्रिषु वर्षेषु वा पुनः । एतावद् एव राहोस् तु चारम् आहुर् मनीषिणः ॥
tataḥ ṣaṭsu tataḥ ṣaṭsu triṣu varṣeṣu vā punaḥ | etāvad eva rāhos tu cāram āhur manīṣiṇaḥ ||
Sanskrit only: no published translation is held for this verse.