Atharvavedaparisistas 65.2

संध्या च ज्वलनरवीन्दीवरकरण्दतपनीयार्कोदयहरितालनीलोत्पलघृतमधुबन्धुजीवकजपापुष्पकिंशुकराशिसंनिकाशा तथा द्रुतकनकविद्रुमस्फटिकवैडूर्यवर्णम् उद्द्योतयन्ति दिशः शान्तमृगशकुनिविशेषाः ॥

saṃdhyā ca jvalanaravīndīvarakaraṇdatapanīyārkodayaharitālanīlotpalaghṛtamadhubandhujīvakajapāpuṣpakiṃśukarāśisaṃnikāśā tathā drutakanakavidrumasphaṭikavaiḍūryavarṇam uddyotayanti diśaḥ śāntamṛgaśakuniviśeṣāḥ ||

Sanskrit only: no published translation is held for this verse.

किंतना स्निग्धा घना गभस्तिमालिनि संप्रति संध्यां दृष्ट्वा नीचैर् निर्मलस्निग्धपरिधिपरिवेषाभ्रवृक्षप्रतिसूर्यका लोहिताक्षपक्षिप्ता सार्धं पञ्चकावलिप्तैश् च महिषवृषवराहादिद्विरदजलगणैर् इवाचरितविषया अत्र श्लोकः ॥

kiṃtanā snigdhā ghanā gabhastimālini saṃprati saṃdhyāṃ dṛṣṭvā nīcair nirmalasnigdhaparidhipariveṣābhravṛkṣapratisūryakā lohitākṣapakṣiptā sārdhaṃ pañcakāvaliptaiś ca mahiṣavṛṣavarāhādidviradajalagaṇair ivācaritaviṣayā atra ślokaḥ ||

Sanskrit only: no published translation is held for this verse.

सांध्यैश् च परिवेषैश् च प्रतिघैः प्रतिसूर्यकैः । जलजैश् चावृतानिन्द्यैः सद्यः संध्या प्रवर्षति ॥

sāṃdhyaiś ca pariveṣaiś ca pratighaiḥ pratisūryakaiḥ | jalajaiś cāvṛtānindyaiḥ sadyaḥ saṃdhyā pravarṣati ||

Sanskrit only: no published translation is held for this verse.

यथालक्षणं शस्त्रकांस्यताम्रायसानां क्लेदवतां खद्योतानि ॥ तत्र स्वेदन्ति कामहुर्धुनिनाश् च उत्तटप्राकारगोपुरगृहागाधिरोहणपांसुस्नानम् अण्डजानाम्

yathālakṣaṇaṃ śastrakāṃsyatāmrāyasānāṃ kledavatāṃ khadyotāni || tatra svedanti kāmahurdhunināś ca uttaṭaprākāragopuragṛhāgādhirohaṇapāṃsusnānam aṇḍajānām

Sanskrit only: no published translation is held for this verse.

प्रचरणे तडागकूपान् सेतुबन्धाक्रीताश् च शिशूनां दृष्ट्वा प्रसंख्यायाश् च चित्राविशाखास्वातिबहुलाषाढाहिर्बुध्न्ययाम्यस्य संग्रहसंपातेषु महद्वर्षसंवृते च त्र्यहाद् ऊर्ध्वं चात्र श्लोकौ ॥

pracaraṇe taḍāgakūpān setubandhākrītāś ca śiśūnāṃ dṛṣṭvā prasaṃkhyāyāś ca citrāviśākhāsvātibahulāṣāḍhāhirbudhnyayāmyasya saṃgrahasaṃpāteṣu mahadvarṣasaṃvṛte ca tryahād ūrdhvaṃ cātra ślokau ||

Sanskrit only: no published translation is held for this verse.

आक्रीडाश् चैव मत्स्यानां गवां दृष्ट्वागमो गृहम् । प्राचुर्यदंशमशकैर् धिष्ण्यानां चाथ मोक्षेणे ॥

ākrīḍāś caiva matsyānāṃ gavāṃ dṛṣṭvāgamo gṛham | prācuryadaṃśamaśakair dhiṣṇyānāṃ cātha mokṣeṇe ||

Sanskrit only: no published translation is held for this verse.

जलाजलजसंतानान् एकत्र बिलवासिनाम् । पिपीलिकाण्डसंक्रान्तिर् अथोष्णं चाम्बु वृष्टये ॥

jalājalajasaṃtānān ekatra bilavāsinām | pipīlikāṇḍasaṃkrāntir athoṣṇaṃ cāmbu vṛṣṭaye ||

Sanskrit only: no published translation is held for this verse.

सत्कृत्य च दैवज्ञं पल्वलकूपतडागनदीतीरे ॥ साद्दालगृहेषु देशेष्व् आर्द्रवासार्द्रपाणिः प्रृच्छेत् ॥ सद्योवर्षम् अदिशेत् ॥

satkṛtya ca daivajñaṃ palvalakūpataḍāganadītīre || sāddālagṛheṣu deśeṣv ārdravāsārdrapāṇiḥ prṛcchet || sadyovarṣam adiśet ||

Sanskrit only: no published translation is held for this verse.

दिश्य् ऐशान्यां वा मधुरस्वररिष्टव्याहरणं जलगोत्रसाभूतं तल्लिङ्गानाम् अन्तरालं बालानां श्रुत्वा दृष्ट्वा वर्षतीति ब्रूयात् ॥

diśy aiśānyāṃ vā madhurasvarariṣṭavyāharaṇaṃ jalagotrasābhūtaṃ talliṅgānām antarālaṃ bālānāṃ śrutvā dṛṣṭvā varṣatīti brūyāt ||

Sanskrit only: no published translation is held for this verse.

रात्रिस्तनितो दिवा विद्युद्भिर् वाद्यमाक्षेत्रे वर्णः स्निग्धो द्विगुणेन्द्रचाप दर्शने व्योम्नि निरभ्रे पशुविरावाभ्रदण्डाभस्वल्पाञ् चाभ्रराजिप्रादुर्भावैः सद्योवृष्टिर् अत्र श्लोकाः ॥

rātristanito divā vidyudbhir vādyamākṣetre varṇaḥ snigdho dviguṇendracāpa darśane vyomni nirabhre paśuvirāvābhradaṇḍābhasvalpāñ cābhrarājiprādurbhāvaiḥ sadyovṛṣṭir atra ślokāḥ ||

Sanskrit only: no published translation is held for this verse.

प्रतिसूर्यको भवेद् यस् तु रवेर् उत्तरतो यदा । तोयं निवारयेन् नित्यं दक्षिणे सलिलाद् भयम् ॥

pratisūryako bhaved yas tu raver uttarato yadā | toyaṃ nivārayen nityaṃ dakṣiṇe salilād bhayam ||

Sanskrit only: no published translation is held for this verse.

त्रिधा निमित्तसंपन्ना वृष्टिर् भवति पार्थिवी । निमित्ते तावद् एकस्मिन् पञ्चयोजनिकं भवेत् ॥

tridhā nimittasaṃpannā vṛṣṭir bhavati pārthivī | nimitte tāvad ekasmin pañcayojanikaṃ bhavet ||

Sanskrit only: no published translation is held for this verse.

येषुयेषु निमित्तेषु नक्षत्रेषु च वर्त्मनि । प्रशस्तम् इति तेष्व् एव प्रादुर्भूतेषु वर्षति ॥

yeṣuyeṣu nimitteṣu nakṣatreṣu ca vartmani | praśastam iti teṣv eva prādurbhūteṣu varṣati ||

Sanskrit only: no published translation is held for this verse.