Atharvavedaparisistas 72.3

नानुत्पन्नेषु दैवेषु राज्ञां शान्तिर् विधीयते । अस्थानेषु कृता शान्तिर् निमित्तायोपपद्यते । तस्मात् स्थानं समुद्दिश्य कारयेच् छान्तिम् आत्मनः ॥

nānutpanneṣu daiveṣu rājñāṃ śāntir vidhīyate | asthāneṣu kṛtā śāntir nimittāyopapadyate | tasmāt sthānaṃ samuddiśya kārayec chāntim ātmanaḥ ||

Sanskrit only: no published translation is held for this verse.

सर्पसमितौ वायुसंभ्रमे उदकप्रादुर्भावगमनेषु

sarpasamitau vāyusaṃbhrame udakaprādurbhāvagamaneṣu

Sanskrit only: no published translation is held for this verse.

धनुःसंध्योल्कापरिवेषविद्युद्दण्डाशनिपरिघपरिधिनिर्घाते

dhanuḥsaṃdhyolkāpariveṣavidyuddaṇḍāśaniparighaparidhinirghāte

Sanskrit only: no published translation is held for this verse.

रजोवर्षम् उपलवर्षं दधिमधुघृतक्षीरवर्षं मज्जारुधिर<वर्षम्> वर्षति

rajovarṣam upalavarṣaṃ dadhimadhughṛtakṣīravarṣaṃ majjārudhira<varṣam> varṣati

Sanskrit only: no published translation is held for this verse.

हीनगभस्ती द्वे मार्गे वीथ्यौ वित्तक्षये सोमस्य क्षये ऽपूर्णपूरणे क्षयस्यावभासाः सद्यो ऽपररात्राद् दिग्दाहोपधूपनम्

hīnagabhastī dve mārge vīthyau vittakṣaye somasya kṣaye 'pūrṇapūraṇe kṣayasyāvabhāsāḥ sadyo 'pararātrād digdāhopadhūpanam

Sanskrit only: no published translation is held for this verse.

ग्रहवैषम्यम् आरोहणम् आक्रमणं गन्धर्वनगरं मारुतप्रकोपस् तिथिकरणमुहूर्तनक्षत्रग्रहादीनां सोमवियोगः

grahavaiṣamyam ārohaṇam ākramaṇaṃ gandharvanagaraṃ mārutaprakopas tithikaraṇamuhūrtanakṣatragrahādīnāṃ somaviyogaḥ

Sanskrit only: no published translation is held for this verse.

प्रतिस्रोतोगामिन्यो नद्यः प्रासादतोरणध्वजेषु वायससमवाया वृकशकटारोहणं वृषदंशातिमार्जनम् उलूकप्रतिगर्जनं श्येनगृध्रादीनां ध्वजाभिलपनम्

pratisrotogāminyo nadyaḥ prāsādatoraṇadhvajeṣu vāyasasamavāyā vṛkaśakaṭārohaṇaṃ vṛṣadaṃśātimārjanam ulūkapratigarjanaṃ śyenagṛdhrādīnāṃ dhvajābhilapanam

Sanskrit only: no published translation is held for this verse.

विकृताश् च मानुषामानुषप्रभवाः स्त्रीबालवृद्धप्रलापाः प्रदीप्तेन्द्रयष्टिपादभग्ने ऽद्रव्येष्व् एकवृक्षे द्विछाये प्रतिछाये परिवृक्तम्

vikṛtāś ca mānuṣāmānuṣaprabhavāḥ strībālavṛddhapralāpāḥ pradīptendrayaṣṭipādabhagne 'dravyeṣv ekavṛkṣe dvichāye pratichāye parivṛktam

Sanskrit only: no published translation is held for this verse.

अत ऊर्ध्वम् [छायो] ऽकस्माच् चैत्यवृक्षस्तम्भपतने विरोहत्स्व् अविरोहेष्व् अछिन्नपर्णप्रपाताच् छुष्कशाखिनो द्रुमा धूमरजोदकप्रादुर्भावगमनेषु वनस्पतिषु

ata ūrdhvam [chāyo] 'kasmāc caityavṛkṣastambhapatane virohatsv aviroheṣv achinnaparṇaprapātāc chuṣkaśākhino drumā dhūmarajodakaprādurbhāvagamaneṣu vanaspatiṣu

Sanskrit only: no published translation is held for this verse.

बहुशस्त्रभङ्ग इन्द्रकीलगोपुराट्टालकध्वजादीनां भङ्ग उचितानां व्युच्छेदने ऽनुचितानां प्रवर्धने दृढभङ्गेसु

bahuśastrabhaṅga indrakīlagopurāṭṭālakadhvajādīnāṃ bhaṅga ucitānāṃ vyucchedane 'nucitānāṃ pravardhane dṛḍhabhaṅgesu

Sanskrit only: no published translation is held for this verse.

शुष्कविरोहे गृहे वल्मीके शयनदेशे दर्हस्तम्बोत्पत्तौ मित्रविरोधे ऽमित्रप्रीतौ च देवतार्चयो तथछेदने

śuṣkavirohe gṛhe valmīke śayanadeśe darhastambotpattau mitravirodhe 'mitraprītau ca devatārcayo tathachedane

Sanskrit only: no published translation is held for this verse.

यत्र राजाप्रसादमुखः पौरेषु च भृत्यादिषु भवति भवन्ति चात्र श्लोकाः

yatra rājāprasādamukhaḥ paureṣu ca bhṛtyādiṣu bhavati bhavanti cātra ślokāḥ

Sanskrit only: no published translation is held for this verse.

यदा तु प्रतिपत् सोमो विकृत्या विकृतो भवेत् । अनुद्भिन्नो विलूनो वा राज्ञो मरणम् आदिशेत् ॥

yadā tu pratipat somo vikṛtyā vikṛto bhavet | anudbhinno vilūno vā rājño maraṇam ādiśet ||

Sanskrit only: no published translation is held for this verse.

आयुधाकाररूपाणि श्वेतवर्णाकृतीनि च । पञ्चवर्णानि चाभ्राणि तथा दण्डनिभानि च ॥

āyudhākārarūpāṇi śvetavarṇākṛtīni ca | pañcavarṇāni cābhrāṇi tathā daṇḍanibhāni ca ||

Sanskrit only: no published translation is held for this verse.

यदा चन्द्रार्कयोर् मध्ये कृष्णं भवति मण्डलम् । स शङ्कुर् इति विज्ञेयो ग्रहः परमदारुणः ॥

yadā candrārkayor madhye kṛṣṇaṃ bhavati maṇḍalam | sa śaṅkur iti vijñeyo grahaḥ paramadāruṇaḥ ||

Sanskrit only: no published translation is held for this verse.

तत्र राज्ञो वधं विद्यात् सर्वभूतभयावहम् । तत्र कुर्यान् महाशान्तिम् अमृतां विश्वभेषजीम् इति ॥

tatra rājño vadhaṃ vidyāt sarvabhūtabhayāvaham | tatra kuryān mahāśāntim amṛtāṃ viśvabheṣajīm iti ||

Sanskrit only: no published translation is held for this verse.