Library·Atharvavedaparisistas·72·72.5
अथ यत्रैतच् छयने वाथ वस्त्रे वा जायते यद् धुताशनः । एतद् अत्यद्भुतं नाम सर्वक्षयकरं नृणाम् ॥
atha yatraitac chayane vātha vastre vā jāyate yad dhutāśanaḥ | etad atyadbhutaṃ nāma sarvakṣayakaraṃ nṛṇām ||
Sanskrit only: no published translation is held for this verse.
अत्र ब्राह्मीं महाशान्तिं कारयेद् बहुदक्षिणाम् । बह्वन्नां बहुसंभाराम् अनूचानसुदक्षिणाम् । राज्यकामो ऽर्थकामो वा पूजयेत् तु बृहस्पतिम् ॥
atra brāhmīṃ mahāśāntiṃ kārayed bahudakṣiṇām | bahvannāṃ bahusaṃbhārām anūcānasudakṣiṇām | rājyakāmo 'rthakāmo vā pūjayet tu bṛhaspatim ||
Sanskrit only: no published translation is held for this verse.
सृजन्ति देवा दिव्याद्भुतानि प्राग् उपसर्गात् प्रतिबोधनार्थम् । कार्याणि विघ्नानि तथा जनानां कर्माकुले वर्णसमाकुले च ॥
sṛjanti devā divyādbhutāni prāg upasargāt pratibodhanārtham | kāryāṇi vighnāni tathā janānāṃ karmākule varṇasamākule ca ||
Sanskrit only: no published translation is held for this verse.
दैव्योपसृष्टेन बलेन कार्यं कार्य च शान्तिः प्रणिपत्य देवान् । ततोपसर्गाद् विघ्नात् प्रमुच्यते दिवि चेद् अनिष्टं न पुनः स कुर्यात् ॥
daivyopasṛṣṭena balena kāryaṃ kārya ca śāntiḥ praṇipatya devān | tatopasargād vighnāt pramucyate divi ced aniṣṭaṃ na punaḥ sa kuryāt ||
Sanskrit only: no published translation is held for this verse.
पृथिव्याम् अन्तरिक्षे च दिवि चाप्य् उपलक्षयेत् । चेष्टितं सर्वभूतानां रुतं च मृगपक्षिणाम् ॥
pṛthivyām antarikṣe ca divi cāpy upalakṣayet | ceṣṭitaṃ sarvabhūtānāṃ rutaṃ ca mṛgapakṣiṇām ||
Sanskrit only: no published translation is held for this verse.