Atharvavedaparisistas 72.6

ग्रामे कुले वा यदि वापि देशे राजन्य् अमात्येषु तथा द्विजेषु । भावः पशूनां विकृतो विरूपस् तद् अद्भुतं तस्य देशस्य विद्यात् ॥

grāme kule vā yadi vāpi deśe rājany amātyeṣu tathā dvijeṣu | bhāvaḥ paśūnāṃ vikṛto virūpas tad adbhutaṃ tasya deśasya vidyāt ||

Sanskrit only: no published translation is held for this verse.

अमात्यभेदो विविधैकशीर्ष एकद्विशीर्षे भवति द्विराज्यम् । अपादहस्ते म्रियते ह्य् अमात्यो जाते कवन्धे नृपतिर् विनश्येत् ॥

amātyabhedo vividhaikaśīrṣa ekadviśīrṣe bhavati dvirājyam | apādahaste mriyate hy amātyo jāte kavandhe nṛpatir vinaśyet ||

Sanskrit only: no published translation is held for this verse.

यदाधिकाङ्गो यदि वाङ्गहीनो भवेत् पशूनां विकृतो विरूपः । स्त्रीणां तथैव विकृतो विरूपस् तद् अद्भुतं तस्य देशस्य विद्यात् ॥

yadādhikāṅgo yadi vāṅgahīno bhavet paśūnāṃ vikṛto virūpaḥ | strīṇāṃ tathaiva vikṛto virūpas tad adbhutaṃ tasya deśasya vidyāt ||

Sanskrit only: no published translation is held for this verse.

अनास्यं वाप्य् अनोष्ठं वा जायते चेद् विदूलकम् । अरूपम् असरूपं वा जायते चेद् विदूलकम् ॥

anāsyaṃ vāpy anoṣṭhaṃ vā jāyate ced vidūlakam | arūpam asarūpaṃ vā jāyate ced vidūlakam ||

Sanskrit only: no published translation is held for this verse.

अधरादीन्न् अचक्षुर् वा जायते चेद् विदूलकम् । एतद् अत्यद्भुतं नाम राष्ट्रे राज्यक्षयम्करम् ॥

adharādīnn acakṣur vā jāyate ced vidūlakam | etad atyadbhutaṃ nāma rāṣṭre rājyakṣayamkaram ||

Sanskrit only: no published translation is held for this verse.

तम् अद्भिः स्नातं सुरभिं सुगन्धिं गतासुम् अग्नौ जुहुयाद् घृताक्तम् । गनेण रौद्रेण घृतं च हुत्वा तथा महात्मा शिवम् अस्य कुर्यात् ॥

tam adbhiḥ snātaṃ surabhiṃ sugandhiṃ gatāsum agnau juhuyād ghṛtāktam | ganeṇa raudreṇa ghṛtaṃ ca hutvā tathā mahātmā śivam asya kuryāt ||

Sanskrit only: no published translation is held for this verse.