Abhinavagupta: Tantraloka 16

नियत्या मनसो देहमात्रे वृत्तिस्ततः परम् । नानुसन्धा यतः सैकस्वान्तयुक्ताक्षकल्पिता ॥ २४१

niyatyā manaso dehamātre vṛttistataḥ param / nānusandhā yataḥ saikasvāntayuktākṣakalpitā // 241

Sanskrit only: no published translation is held for this verse.

प्रदेशवृत्ति च ज्ञानमात्मनस्तत्र तत्र तत् । भोग्यज्ञानं नान्यदेहेष्वनुसन्धानमर्हति ॥ २४२

pradeśavṛtti ca jñānamātmanastatra tatra tat / bhogyajñānaṃ nānyadeheṣvanusandhānamarhati // 242

Sanskrit only: no published translation is held for this verse.

यदा तु मनसस्तस्य देहवृत्तेरपि ध्रुवम् । योगमन्त्रक्रियादेः स्याद्वैमल्यं तद्विदा तदा ॥ २४३

yadā tu manasastasya dehavṛtterapi dhruvam / yogamantrakriyādeḥ syādvaimalyaṃ tadvidā tadā // 243

Sanskrit only: no published translation is held for this verse.

यथामलं मनो दूरस्थितमप्याशु पश्यति । तथा प्रत्ययदीक्षायां तत्तद्भुवनदर्शनम् ॥ २४४

yathāmalaṃ mano dūrasthitamapyāśu paśyati / tathā pratyayadīkṣāyāṃ tattadbhuvanadarśanam // 244

Sanskrit only: no published translation is held for this verse.

जननादिवियुक्तां तु यदा दीक्षां चिकीर्षति । तदास्मादुद्धरामीति युक्तमूहप्रकल्पनम् ॥ २४५

jananādiviyuktāṃ tu yadā dīkṣāṃ cikīrṣati / tadāsmāduddharāmīti yuktamūhaprakalpanam // 245

Sanskrit only: no published translation is held for this verse.

यदा शोध्यं विना शोद्धृन्यासस्तत्रापि मन्त्रतः । जननादिक्रमं कुर्यात्तत्त्वसंश्लेषवर्जितम् ॥ २४६

yadā śodhyaṃ vinā śoddhṛnyāsastatrāpi mantrataḥ / jananādikramaṃ kuryāttattvasaṃśleṣavarjitam // 246

Sanskrit only: no published translation is held for this verse.

एकाकिशोद्धृन्यासे च जननादिविवर्जने । तच्छोद्धृसंपुटं नाम केवलं परिकल्पयेत् ॥ २४७

ekākiśoddhṛnyāse ca jananādivivarjane / tacchoddhṛsaṃpuṭaṃ nāma kevalaṃ parikalpayet // 247

Sanskrit only: no published translation is held for this verse.

द्रव्ययोगेन दीक्षायां तिलाज्याक्षततण्डुलम् । तत्तन्मन्त्रेण जुहुयाज्जन्मयोगवियोगयोः ॥ २४८

dravyayogena dīkṣāyāṃ tilājyākṣatataṇḍulam / tattanmantreṇa juhuyājjanmayogaviyogayoḥ // 248

Sanskrit only: no published translation is held for this verse.

यदा विज्ञानदीक्षां तु कुर्याच्छिष्यं तदा भृशम् । तन्मन्त्रसंजल्पबलात् पश्येदा चाविकल्पकात् ॥ २४९

yadā vijñānadīkṣāṃ tu kuryācchiṣyaṃ tadā bhṛśam / tanmantrasaṃjalpabalāt paśyedā cāvikalpakāt // 249

Sanskrit only: no published translation is held for this verse.

विकल्पः किल संजल्पमयो यत्स विमर्शकः । मन्त्रात्मासौ विमर्शश्च शुद्धो पाशवतात्मकः ॥ २५०

vikalpaḥ kila saṃjalpamayo yatsa vimarśakaḥ / mantrātmāsau vimarśaśca śuddho pāśavatātmakaḥ // 250

Sanskrit only: no published translation is held for this verse.

नित्यश्चानादिवरदशिवाभेदोपकल्पितः । तद्योगाद्दैशिकस्यापि विकल्पः शिवतां व्रजेत् ॥ २५१

nityaścānādivaradaśivābhedopakalpitaḥ / tadyogāddaiśikasyāpi vikalpaḥ śivatāṃ vrajet // 251

Sanskrit only: no published translation is held for this verse.

श्रीसारशास्त्रे तदिदं परमेशेन भाषितम् । अर्थस्य प्रतिपत्तिर्या ग्राह्यग्राहकरूपिणी ॥ २५२

śrīsāraśāstre tadidaṃ parameśena bhāṣitam / arthasya pratipattiryā grāhyagrāhakarūpiṇī // 252

Sanskrit only: no published translation is held for this verse.

सा एव मन्त्रशक्तिस्तु वितता मन्त्रसन्ततौ । परामर्शस्वभावेत्थं मन्त्रशक्तिरुदाहृता ॥ २५३

sā eva mantraśaktistu vitatā mantrasantatau / parāmarśasvabhāvetthaṃ mantraśaktirudāhṛtā // 253

Sanskrit only: no published translation is held for this verse.

परामर्शो द्विधा शुद्धाशुद्धत्वान्मन्त्रभेदकः । उक्तं श्रीपौष्करे न्ये च ब्रह्मविष्ण्वादयो ण्डगाः ॥ २५४

parāmarśo dvidhā śuddhāśuddhatvānmantrabhedakaḥ / uktaṃ śrīpauṣkare nye ca brahmaviṣṇvādayo ṇḍagāḥ // 254

Sanskrit only: no published translation is held for this verse.

प्राधानिकाः साञ्जनास्ते सात्त्वराजसतामसाः । तैरशुद्धपरामर्शात्तन्मयीभावितो गुरुः ॥ २५५

prādhānikāḥ sāñjanāste sāttvarājasatāmasāḥ / tairaśuddhaparāmarśāttanmayībhāvito guruḥ // 255

Sanskrit only: no published translation is held for this verse.

वैष्णवादिः पशुः प्रोक्तो न योग्यः पतिशासने । ये मन्त्राः शुद्धमार्गस्थाः शिवभट्टारकादयः ॥ २५६

vaiṣṇavādiḥ paśuḥ prokto na yogyaḥ patiśāsane / ye mantrāḥ śuddhamārgasthāḥ śivabhaṭṭārakādayaḥ // 256

Sanskrit only: no published translation is held for this verse.

श्रीमन्मतङ्गादिदृशा तन्मयो हि गुरुः शिवः । ननु स्वतन्त्रसंजल्पयोगादस्तु विमर्शिता ॥ २५७

śrīmanmataṅgādidṛśā tanmayo hi guruḥ śivaḥ / nanu svatantrasaṃjalpayogādastu vimarśitā // 257

Sanskrit only: no published translation is held for this verse.

प्राक्कुतः स विमर्शाच्चेत्कुतः सो पि निरूपणे । आद्यस्तथाविकल्पत्वप्रदः स्यादुपदेष्टृतः ॥ २५८

prākkutaḥ sa vimarśāccetkutaḥ so pi nirūpaṇe / ādyastathāvikalpatvapradaḥ syādupadeṣṭṛtaḥ // 258

Sanskrit only: no published translation is held for this verse.

यः संक्रान्तो भिजल्पः स्यात्तस्याप्यन्योपदेष्टृतः । पूर्वपूर्वक्रमादित्थं य एवादिगुरोः पुरा ॥ २५९

yaḥ saṃkrānto bhijalpaḥ syāttasyāpyanyopadeṣṭṛtaḥ / pūrvapūrvakramāditthaṃ ya evādiguroḥ purā // 259

Sanskrit only: no published translation is held for this verse.

संजल्पो ह्यभिसंक्रान्तः सो द्याप्यस्तीति गृह्यताम् । यस्तथाविधसंजल्पबलात्को पि स्वतन्त्रकः ॥ २६०

saṃjalpo hyabhisaṃkrāntaḥ so dyāpyastīti gṛhyatām / yastathāvidhasaṃjalpabalātko pi svatantrakaḥ // 260

Sanskrit only: no published translation is held for this verse.

विमर्शः कल्प्यते सो पि तदात्मैव सुनिश्चितः । घटकुम्भ इतीत्थं वा यदि भेदो निरूप्यते ॥ २६१

vimarśaḥ kalpyate so pi tadātmaiva suniścitaḥ / ghaṭakumbha itītthaṃ vā yadi bhedo nirūpyate // 261

Sanskrit only: no published translation is held for this verse.

सो प्यन्यकल्पनादायी ह्यनादृत्यः प्रयत्नतः । पणायते करोतीति विकल्पस्योचितौ स्फुटम् ॥ २६२

so pyanyakalpanādāyī hyanādṛtyaḥ prayatnataḥ / paṇāyate karotīti vikalpasyocitau sphuṭam // 262

Sanskrit only: no published translation is held for this verse.

करपाण्यभिजल्पौ तौ संकीर्येतां कथं किल । शब्दाच्छब्दान्तरे तेन व्युत्पत्तिर्व्यवधानतः ॥ २६३

karapāṇyabhijalpau tau saṃkīryetāṃ kathaṃ kila / śabdācchabdāntare tena vyutpattirvyavadhānataḥ // 263

Sanskrit only: no published translation is held for this verse.

व्यवहारात्तु सा साक्षाच्चित्रोपाख्याविमर्शिनी । तद्विमर्शोदयः प्राच्यस्वविमर्शमयः स्फुरेत् ॥ २६४

vyavahārāttu sā sākṣāccitropākhyāvimarśinī / tadvimarśodayaḥ prācyasvavimarśamayaḥ sphuret // 264

Sanskrit only: no published translation is held for this verse.

यावद्बालस्य संवित्तिरकृत्रिमविमर्शने । तेन तन्मन्त्रशब्दार्थविशेषोत्थं विकल्पनम् ॥ २६५

yāvadbālasya saṃvittirakṛtrimavimarśane / tena tanmantraśabdārthaviśeṣotthaṃ vikalpanam // 265

Sanskrit only: no published translation is held for this verse.

शब्दान्तरोत्थाद्भेदेन पश्यता मन्त्र आदृतः । यच्चापि बीजपिण्डादेरुक्तं प्राग्बोधरूपकम् ॥ २६६

śabdāntarotthādbhedena paśyatā mantra ādṛtaḥ / yaccāpi bījapiṇḍāderuktaṃ prāgbodharūpakam // 266

Sanskrit only: no published translation is held for this verse.

तत्तस्यैव कुतो न्यस्य तत्कस्मादन्यकल्पना । एतदर्थं गुरोर्यत्नाल्लक्षणे तत्र तत्र तत् ॥ २६७

tattasyaiva kuto nyasya tatkasmādanyakalpanā / etadarthaṃ guroryatnāllakṣaṇe tatra tatra tat // 267

Sanskrit only: no published translation is held for this verse.

लक्षणं कथितं ह्येष मन्त्रतन्त्रविशारदः । तेन मन्त्रार्थसंबोधे मन्त्रवार्तिकमादरात् ॥ २६८

lakṣaṇaṃ kathitaṃ hyeṣa mantratantraviśāradaḥ / tena mantrārthasaṃbodhe mantravārtikamādarāt // 268

Sanskrit only: no published translation is held for this verse.

ऊहापोहप्रयोगं वा सर्वथा गुरुराचरेत् । मन्त्रार्थविदभावे तु सर्वथा मन्त्रतन्मयम् ॥ २६९

ūhāpohaprayogaṃ vā sarvathā gururācaret / mantrārthavidabhāve tu sarvathā mantratanmayam // 269

Sanskrit only: no published translation is held for this verse.

गुरुं कुर्यात् तदभ्यासात्तत्संकल्पमयो ह्यसौ । तत्समानाभिसंजल्पो यदा मन्त्रार्थभावनात् ॥ २७०

guruṃ kuryāt tadabhyāsāttatsaṃkalpamayo hyasau / tatsamānābhisaṃjalpo yadā mantrārthabhāvanāt // 270

Sanskrit only: no published translation is held for this verse.

गुरोर्भवेत्तदा सर्वसाम्ये को भेद उच्यताम् । अंशेनाप्यथ वैषम्ये न ततो र्थक्रिया हि सा ॥ २७१

gurorbhavettadā sarvasāmye ko bheda ucyatām / aṃśenāpyatha vaiṣamye na tato rthakriyā hi sā // 271

Sanskrit only: no published translation is held for this verse.

गोमयात्कीटतः कीट इत्येवं न्यायतो यदा । संजल्पान्तरतो प्यर्थक्रियां तामेव पश्यति ॥ २७२

gomayātkīṭataḥ kīṭa ityevaṃ nyāyato yadā / saṃjalpāntarato pyarthakriyāṃ tāmeva paśyati // 272

Sanskrit only: no published translation is held for this verse.

तदैष सत्यसंजल्पः शिव एवेति कथ्यते । स यद्वक्ति तदेव स्यान्मन्त्रो भोगापवर्गदः ॥ २७३

tadaiṣa satyasaṃjalpaḥ śiva eveti kathyate / sa yadvakti tadeva syānmantro bhogāpavargadaḥ // 273

Sanskrit only: no published translation is held for this verse.

नैषो भिनवगुप्तस्य पक्षो मन्त्रार्पितात्मनः । यो र्थक्रियामाह भिन्नां कीटयोरपि तादृशोः ॥ २७४

naiṣo bhinavaguptasya pakṣo mantrārpitātmanaḥ / yo rthakriyāmāha bhinnāṃ kīṭayorapi tādṛśoḥ // 274

Sanskrit only: no published translation is held for this verse.

मन्त्रार्पितमनाः किंचिद्वदन्यत्तु विषं हरेत् । तन्मन्त्र एव शब्दः स परं तत्र घटादिवत् ॥ २७५

mantrārpitamanāḥ kiṃcidvadanyattu viṣaṃ haret / tanmantra eva śabdaḥ sa paraṃ tatra ghaṭādivat // 275

Sanskrit only: no published translation is held for this verse.

कान्तासंभोगसंजल्पसुन्दरः कामुकः सदा । तत्संस्कृतो प्यन्यदेष कुर्वन्स्वात्मनि तृप्यति ॥ २७६

kāntāsaṃbhogasaṃjalpasundaraḥ kāmukaḥ sadā / tatsaṃskṛto pyanyadeṣa kurvansvātmani tṛpyati // 276

Sanskrit only: no published translation is held for this verse.

तथा तन्मन्त्रसंजल्पभावितो न्यदपि ब्रुवन् । अनिच्छुरपि तद्रूपस्तथा कार्यकरो ध्रुवम् ॥ २७७

tathā tanmantrasaṃjalpabhāvito nyadapi bruvan / anicchurapi tadrūpastathā kāryakaro dhruvam // 277

Sanskrit only: no published translation is held for this verse.

विकल्पयन्नप्येकार्थं यतो न्यदपि पश्यति । विषापहारिमन्त्रादीत्युक्तं श्रीपूर्वशासने ॥ २७८

vikalpayannapyekārthaṃ yato nyadapi paśyati / viṣāpahārimantrādītyuktaṃ śrīpūrvaśāsane // 278

Sanskrit only: no published translation is held for this verse.

यदि वा विषनाशे पि हेतुभेदाद्विचित्रता । धात्वाप्यायादिकानन्तकार्यभेदाद्भविष्यति ॥ २७९

yadi vā viṣanāśe pi hetubhedādvicitratā / dhātvāpyāyādikānantakāryabhedādbhaviṣyati // 279

Sanskrit only: no published translation is held for this verse.

तदेवं मन्त्रसंजल्पविकल्पाभ्यासयोगतः । भाव्यवस्तुस्फुटीभावः संजल्पह्रासयोगतः ॥ २८०

tadevaṃ mantrasaṃjalpavikalpābhyāsayogataḥ / bhāvyavastusphuṭībhāvaḥ saṃjalpahrāsayogataḥ // 280

Sanskrit only: no published translation is held for this verse.

वस्त्वेव भावयत्येष न संजल्पमिमं पुनः । गृह्णाति भासनोपायं भाते तत्र तु तेन किम् ॥ २८१

vastveva bhāvayatyeṣa na saṃjalpamimaṃ punaḥ / gṛhṇāti bhāsanopāyaṃ bhāte tatra tu tena kim // 281

Sanskrit only: no published translation is held for this verse.

एवं संजल्पनिर्ह्रासे सुपरिस्फुटतात्मकम् । अकृत्त्रिमविमर्शात्म स्फुरेद्वस्त्वविकल्पकम् ॥ २८२

evaṃ saṃjalpanirhrāse suparisphuṭatātmakam / akṛttrimavimarśātma sphuredvastvavikalpakam // 282

Sanskrit only: no published translation is held for this verse.

निर्विकल्पा च सा संविद्यद्यथा पश्यति स्फुटम् । तत्तथैव तथात्मत्वाद्वस्तुनो पि बहिःस्थितेः ॥ २८३

nirvikalpā ca sā saṃvidyadyathā paśyati sphuṭam / tattathaiva tathātmatvādvastuno pi bahiḥsthiteḥ // 283

Sanskrit only: no published translation is held for this verse.

विशेषतस्त्वमायीयशिवताभेदशालिनः । मोक्षे भ्युपायः संजल्पो बन्धमोक्षौ ततः किल ॥ २८४

viśeṣatastvamāyīyaśivatābhedaśālinaḥ / mokṣe bhyupāyaḥ saṃjalpo bandhamokṣau tataḥ kila // 284

Sanskrit only: no published translation is held for this verse.

विकल्पे पि गुरोः सम्यगभिन्नशिवताजुषः । अविकल्पकपर्यन्तप्रतीक्षा नोपयुज्यते ॥ २८५

vikalpe pi guroḥ samyagabhinnaśivatājuṣaḥ / avikalpakaparyantapratīkṣā nopayujyate // 285

Sanskrit only: no published translation is held for this verse.

तद्विमर्शस्वभावा हि सा वाच्या मन्त्रदेवता । महासंवित्समासन्नेत्युक्तं श्रीगमशासने ॥ २८६

tadvimarśasvabhāvā hi sā vācyā mantradevatā / mahāsaṃvitsamāsannetyuktaṃ śrīgamaśāsane // 286

Sanskrit only: no published translation is held for this verse.

निकटस्था यथा राज्ञामन्येषां साधयन्त्यलम् । सिद्धिं राजोपगां शीघ्रमेवं मन्त्रादयः पराम् ॥ २८७

nikaṭasthā yathā rājñāmanyeṣāṃ sādhayantyalam / siddhiṃ rājopagāṃ śīghramevaṃ mantrādayaḥ parām // 287

Sanskrit only: no published translation is held for this verse.

उक्ताभिप्रायगर्भं तदुक्तं श्रीमालिनीमते । मन्त्राणां लक्षणं कस्मादित्युक्ते मुनिभिः किल ॥ २८८

uktābhiprāyagarbhaṃ taduktaṃ śrīmālinīmate / mantrāṇāṃ lakṣaṇaṃ kasmādityukte munibhiḥ kila // 288

Sanskrit only: no published translation is held for this verse.

योगमेकत्वमिच्छन्ति वस्तुनो न्येन वस्तुना । तद्वस्तु ज्ञेयमित्युक्तं हेयत्वादिप्रसिद्धये ॥ २८९

yogamekatvamicchanti vastuno nyena vastunā / tadvastu jñeyamityuktaṃ heyatvādiprasiddhaye // 289

Sanskrit only: no published translation is held for this verse.

तत्प्रसिद्ध्यै शिवेनोक्तं ज्ञानं यदुपवर्णितम् । सबीजयोगसंसिद्ध्यै मन्त्रलक्षणमप्यलम् ॥ २९०

tatprasiddhyai śivenoktaṃ jñānaṃ yadupavarṇitam / sabījayogasaṃsiddhyai mantralakṣaṇamapyalam // 290

Sanskrit only: no published translation is held for this verse.

न चाधिकारिता दीक्षां विना योगे स्ति शाङ्करे । क्रियाज्ञानविभेदेन सा च द्वेधा निगद्यते ॥ २९१

na cādhikāritā dīkṣāṃ vinā yoge sti śāṅkare / kriyājñānavibhedena sā ca dvedhā nigadyate // 291

Sanskrit only: no published translation is held for this verse.

द्विविधा सा प्रकर्तव्या तेन चैतदुदाहृतम् । नच योगाधिकारित्वमेकमेवानया भवेत् ॥ २९२

dvividhā sā prakartavyā tena caitadudāhṛtam / naca yogādhikāritvamekamevānayā bhavet // 292

Sanskrit only: no published translation is held for this verse.

अपि मन्त्राधिकारित्वं मुक्तिश्च शिवदीक्षया । अनेनैतदपि प्रोक्तं योगी तत्त्वैक्यसिद्धये ॥ २९३

api mantrādhikāritvaṃ muktiśca śivadīkṣayā / anenaitadapi proktaṃ yogī tattvaikyasiddhaye // 293

Sanskrit only: no published translation is held for this verse.

मन्त्रमेवाश्रयेन्मूलं निर्विकल्पान्तमादृतः । मन्त्राभ्यासेन भोगं वा मोक्षं वापि प्रसाधयन् ॥ २९४

mantramevāśrayenmūlaṃ nirvikalpāntamādṛtaḥ / mantrābhyāsena bhogaṃ vā mokṣaṃ vāpi prasādhayan // 294

Sanskrit only: no published translation is held for this verse.

तत्राधिकारितालब्ध्यै दीक्षां गृह्णीत दैशिकात् । तेन मन्त्रज्ञानयोगबलाद्यद्यत्प्रसाधयेत् ॥ २९५

tatrādhikāritālabdhyai dīkṣāṃ gṛhṇīta daiśikāt / tena mantrajñānayogabalādyadyatprasādhayet // 295

Sanskrit only: no published translation is held for this verse.

तत्स्यादस्यान्यतत्त्वे पि युक्तस्य गुरुणा शिशोः । दीक्षा ह्यस्योपयुज्येत संस्क्रियायां स संस्कृतः ॥ २९६

tatsyādasyānyatattve pi yuktasya guruṇā śiśoḥ / dīkṣā hyasyopayujyeta saṃskriyāyāṃ sa saṃskṛtaḥ // 296

Sanskrit only: no published translation is held for this verse.

स्वबलेनैव भोगं वा मोक्षं वा लभते बुधः । तेन विज्ञानयोगादिबली प्राक् समयी भवन् ॥ २९७

svabalenaiva bhogaṃ vā mokṣaṃ vā labhate budhaḥ / tena vijñānayogādibalī prāk samayī bhavan // 297

Sanskrit only: no published translation is held for this verse.

पुत्रको वा न तावान्स्यादपितु स्वबलोचितः । यस्तु विज्ञानयोगादिवन्ध्यः सो न्धो यथा पथि ॥ २९८

putrako vā na tāvānsyādapitu svabalocitaḥ / yastu vijñānayogādivandhyaḥ so ndho yathā pathi // 298

Sanskrit only: no published translation is held for this verse.

दैशिकायत्त एव स्याद्भोगे मुक्तौ च सर्वथा । दीक्षा च केवला ज्ञानं विनापि निजमान्तरम् ॥ २९९

daiśikāyatta eva syādbhoge muktau ca sarvathā / dīkṣā ca kevalā jñānaṃ vināpi nijamāntaram // 299

Sanskrit only: no published translation is held for this verse.

मोचिकैवेति कथितं युक्त्या चागमतः पुरा । यस्तु दीक्षाकृतामेवापेक्ष्य योजनिकां शिशुः ॥ ३००

mocikaiveti kathitaṃ yuktyā cāgamataḥ purā / yastu dīkṣākṛtāmevāpekṣya yojanikāṃ śiśuḥ // 300

Sanskrit only: no published translation is held for this verse.

स्फुटीभूत्यै तदुचितं ज्ञानं योगमथाश्रितः । सो पि यत्रैव युक्तः स्यात्तन्मयत्वं प्रपद्यते ॥ ३०१

sphuṭībhūtyai taducitaṃ jñānaṃ yogamathāśritaḥ / so pi yatraiva yuktaḥ syāttanmayatvaṃ prapadyate // 301

Sanskrit only: no published translation is held for this verse.

गुरुदीक्षामन्त्रशास्त्राधीनसर्वस्थितिस्ततः । दुष्टानामेव सर्वेषां भूतभव्यभविष्यताम् ॥ ३०२

gurudīkṣāmantraśāstrādhīnasarvasthitistataḥ / duṣṭānāmeva sarveṣāṃ bhūtabhavyabhaviṣyatām // 302

Sanskrit only: no published translation is held for this verse.

कर्मणां शोधनं कार्यं बुभुक्षोर्न शुभात्मनाम् । यः पुनर्लौकिकं भोगं राज्यस्वर्गादिकं शिशुः ॥ ३०३

karmaṇāṃ śodhanaṃ kāryaṃ bubhukṣorna śubhātmanām / yaḥ punarlaukikaṃ bhogaṃ rājyasvargādikaṃ śiśuḥ // 303

Sanskrit only: no published translation is held for this verse.

त्यक्त्वा लोकोत्तरं भोगमीप्सुस्तस्य शुभेष्वपि । तत्र द्रव्यमयीं दीक्षां कुर्वन्नाज्यतिलादिकैः ॥ ३०४

tyaktvā lokottaraṃ bhogamīpsustasya śubheṣvapi / tatra dravyamayīṃ dīkṣāṃ kurvannājyatilādikaiḥ // 304

Sanskrit only: no published translation is held for this verse.

कर्मास्य शोधयामीति जुहुयाद्दैशिकोत्तमः । ज्ञानमय्यां तु दीक्षायां तद्विशुद्ध्यति सन्धितः ॥ ३०५

karmāsya śodhayāmīti juhuyāddaiśikottamaḥ / jñānamayyāṃ tu dīkṣāyāṃ tadviśuddhyati sandhitaḥ // 305

Sanskrit only: no published translation is held for this verse.

गुरोः स्वसंविद्रूढस्य बलात्तत्प्रक्षयो भवेत् । यदास्याशुभकर्माणि शुद्धानि स्युस्तदा शुभम् ॥ ३०६

guroḥ svasaṃvidrūḍhasya balāttatprakṣayo bhavet / yadāsyāśubhakarmāṇi śuddhāni syustadā śubham // 306

Sanskrit only: no published translation is held for this verse.

स्वतारतम्याश्रयणादध्वमध्ये प्रसूतिदम् । शुभपाकक्रमोपात्तफलभोगसमाप्तितः ॥ ३०७

svatāratamyāśrayaṇādadhvamadhye prasūtidam / śubhapākakramopāttaphalabhogasamāptitaḥ // 307

Sanskrit only: no published translation is held for this verse.

यत्रैष योजितस्तत्स्थो भाविकर्मक्षये कृते । भाविनां चाद्यदेहस्थदेहान्तरविभेदिनाम् ॥ ३०८

yatraiṣa yojitastatstho bhāvikarmakṣaye kṛte / bhāvināṃ cādyadehasthadehāntaravibhedinām // 308

Sanskrit only: no published translation is held for this verse.

अशुभांशविशुद्धौ स्याद्भोगस्यैवानुपक्षयः । भुञ्जानस्यास्य सततं भोगान्मायालयान्ततः ॥ ३०९

aśubhāṃśaviśuddhau syādbhogasyaivānupakṣayaḥ / bhuñjānasyāsya satataṃ bhogānmāyālayāntataḥ // 309

Sanskrit only: no published translation is held for this verse.

न दुःखफलदं देहाद्यध्वमध्ये पि किंचन । ततो मायालये भुक्तसमस्तसुखभोगकः ॥ ३१०

na duḥkhaphaladaṃ dehādyadhvamadhye pi kiṃcana / tato māyālaye bhuktasamastasukhabhogakaḥ // 310

Sanskrit only: no published translation is held for this verse.

निष्कले सकले वैति लयं योजनिकाबलात् । इति प्रमेयं कथितं दीक्षा काले गुरोर्यथा ॥ ३११

niṣkale sakale vaiti layaṃ yojanikābalāt / iti prameyaṃ kathitaṃ dīkṣā kāle guroryathā // 311

Sanskrit only: no published translation is held for this verse.