Aitareya Āraṇyaka (Ṛgveda) 1.3.2

तद् आहुः कैतस्याह्नः प्रतिपद् इति

tad āhuḥ kaitasyāhnaḥ pratipad iti

Sanskrit only: no published translation is held for this verse.

मनश् च वाक् चेति ब्रूयात्

manaś ca vāk ceti brūyāt

Sanskrit only: no published translation is held for this verse.

सर्वे ऽन्यस्मिन् कामाः श्रिताः सर्वान् अन्या कामान् दुहे

sarve 'nyasmin kāmāḥ śritāḥ sarvān anyā kāmān duhe

Sanskrit only: no published translation is held for this verse.

मनसि वै सर्वे कामाः श्रिता मनसा हि सर्वान् कामान् ध्यायति

manasi vai sarve kāmāḥ śritā manasā hi sarvān kāmān dhyāyati

Sanskrit only: no published translation is held for this verse.

सर्वे हास्मिन् कामाः श्रयन्ते य एवं वेद

sarve hāsmin kāmāḥ śrayante ya evaṃ veda

Sanskrit only: no published translation is held for this verse.

वाग् वै सर्वान् कामान् दुहे वाचा हि सर्वान् कामान् वदति

vāg vai sarvān kāmān duhe vācā hi sarvān kāmān vadati

Sanskrit only: no published translation is held for this verse.

सर्वान् हास्मै कामान् वाग् दुहे य एवं वेद

sarvān hāsmai kāmān vāg duhe ya evaṃ veda

Sanskrit only: no published translation is held for this verse.

तद् आहुर् नैतद् अहर् ऋचा न यजुषा न साम्ना प्रत्यक्षात् प्रतिपद्येत नर्चो न यजुषो न साम्न इयाद् इति

tad āhur naitad ahar ṛcā na yajuṣā na sāmnā pratyakṣāt pratipadyeta narco na yajuṣo na sāmna iyād iti

Sanskrit only: no published translation is held for this verse.

तद् एता एव व्याहृतीः पुरस्ताज् जपेत्

tad etā eva vyāhṛtīḥ purastāj japet

Sanskrit only: no published translation is held for this verse.

भूर् भुवः स्वर् इत्य् एता वाव व्याहृतय इमे त्रयो वेदा भूर् इत्य् एव ऋग्वेदो भुव इति यजुर्वेदः स्वर् इति सामवेदः

bhūr bhuvaḥ svar ity etā vāva vyāhṛtaya ime trayo vedā bhūr ity eva ṛgvedo bhuva iti yajurvedaḥ svar iti sāmavedaḥ

Sanskrit only: no published translation is held for this verse.

तन् नर्चा न यजुषा न साम्ना प्रत्यक्षात् प्रतिपद्यते नर्चो न यजुषो न साम्न एति

tan narcā na yajuṣā na sāmnā pratyakṣāt pratipadyate narco na yajuṣo na sāmna eti

Sanskrit only: no published translation is held for this verse.