Aitareya Āraṇyaka (Ṛgveda) 1.3.3

तद् इति प्रतिपद्यते तत् तद् इति वा अन्नम् अन्नम् एव तद् अभिप्रतिपद्यते

tad iti pratipadyate tat tad iti vā annam annam eva tad abhipratipadyate

Sanskrit only: no published translation is held for this verse.

एतां वाव प्रजापतिः प्रथमां वाचं व्याहरद् एकाक्षरद्व्यक्षरां ततेति तातेति

etāṃ vāva prajāpatiḥ prathamāṃ vācaṃ vyāharad ekākṣaradvyakṣarāṃ tateti tāteti

Sanskrit only: no published translation is held for this verse.

तथैवैतत् कुमारः प्रथमवादी वाचं व्याहरत्य् एकाक्षरद्व्यक्षरां ततेति तातेति

tathaivaitat kumāraḥ prathamavādī vācaṃ vyāharaty ekākṣaradvyakṣarāṃ tateti tāteti

Sanskrit only: no published translation is held for this verse.

तयैव तत् ततवत्या वाचा प्रतिपद्यते

tayaiva tat tatavatyā vācā pratipadyate

Sanskrit only: no published translation is held for this verse.

तद् उक्तम् ऋषिणा बृहस्पते प्रथमं वाचो अग्रम् इत्य् एतद्ध्येव प्रथमं वाचो अग्रम्

tad uktam ṛṣiṇā bṛhaspate prathamaṃ vāco agram ity etaddhyeva prathamaṃ vāco agram

Sanskrit only: no published translation is held for this verse.

यत् प्रैरत नामधेयं दधाना इति वाचा हि नामधेयानि धीयन्ते

yat prairata nāmadheyaṃ dadhānā iti vācā hi nāmadheyāni dhīyante

Sanskrit only: no published translation is held for this verse.

यद् एषां श्रेष्ठं यद् अरिप्रम् आसीद् इत्य् एतद्ध्येव श्रेष्ठम् एतद् अरिप्रम्

yad eṣāṃ śreṣṭhaṃ yad aripram āsīd ity etaddhyeva śreṣṭham etad aripram

Sanskrit only: no published translation is held for this verse.

प्रेणा तद् एषां निहितं गुहाविर् इतीदम् उ ह गुहाध्यात्मम् इमा देवता अद उ आविर् अधिदैवतम् इत्य् एतत् तद् उक्तं भवति

preṇā tad eṣāṃ nihitaṃ guhāvir itīdam u ha guhādhyātmam imā devatā ada u āvir adhidaivatam ity etat tad uktaṃ bhavati

Sanskrit only: no published translation is held for this verse.