Aitareya Āraṇyaka (Ṛgveda) 1.3.4

तद् इद् आस भुवनेषु ज्येष्ठम् इति प्रतिपद्यत एतद् वाव भुवनेषु ज्येष्ठम्

tad id āsa bhuvaneṣu jyeṣṭham iti pratipadyata etad vāva bhuvaneṣu jyeṣṭham

Sanskrit only: no published translation is held for this verse.

यतो जज्ञ उग्रस् त्वेषनृम्ण इत्य् अतो ह्य् एष जात उग्रस् त्वेषनृम्णः

yato jajña ugras tveṣanṛmṇa ity ato hy eṣa jāta ugras tveṣanṛmṇaḥ

Sanskrit only: no published translation is held for this verse.

सद्यो जज्ञानो नि रिणाति शत्रून् इति सद्यो ह्य् एष जातः पाप्मानम् अपाहत

sadyo jajñāno ni riṇāti śatrūn iti sadyo hy eṣa jātaḥ pāpmānam apāhata

Sanskrit only: no published translation is held for this verse.

अनु यं विश्वे मदन्त्य् ऊमा इति भूतानि वै विश्व ऊमास् त एनम् अनुमदन्त्य् उदगाद् उदगाद् इति

anu yaṃ viśve madanty ūmā iti bhūtāni vai viśva ūmās ta enam anumadanty udagād udagād iti

Sanskrit only: no published translation is held for this verse.

वावृधानः शवसा भूर्योजा इति एष वै वावृधानः शवसा भूर्योजाः

vāvṛdhānaḥ śavasā bhūryojā iti eṣa vai vāvṛdhānaḥ śavasā bhūryojāḥ

Sanskrit only: no published translation is held for this verse.

शत्रुर् दासाय भियसं दधातीति सर्वं ह्य् एतस्माद् बीभाय

śatrur dāsāya bhiyasaṃ dadhātīti sarvaṃ hy etasmād bībhāya

Sanskrit only: no published translation is held for this verse.

अव्यनच् च व्यनच् च सस्नीति यच् च प्राणि यच् चाप्राणकम् इत्य् एव तद् आह

avyanac ca vyanac ca sasnīti yac ca prāṇi yac cāprāṇakam ity eva tad āha

Sanskrit only: no published translation is held for this verse.

सं ते नवन्त प्रभृता मदेष्व् इति तव सर्वं वश इत्य् एव तद् आह

saṃ te navanta prabhṛtā madeṣv iti tava sarvaṃ vaśa ity eva tad āha

Sanskrit only: no published translation is held for this verse.

त्वे क्रतुम् अपि वृञ्जन्ति विश्व इति त्वयीमानि सर्वाणि भूतानि सर्वाणि मनांसि सर्वे क्रतवो ऽपि वृञ्जन्तीत्य् एव तद् आह

tve kratum api vṛñjanti viśva iti tvayīmāni sarvāṇi bhūtāni sarvāṇi manāṃsi sarve kratavo 'pi vṛñjantīty eva tad āha

Sanskrit only: no published translation is held for this verse.

द्विर् यद् एते त्रिर् भवन्त्य् ऊमा इति द्वौ वै सन्तौ मिथुनौ प्रजायेते प्रजात्यै

dvir yad ete trir bhavanty ūmā iti dvau vai santau mithunau prajāyete prajātyai

Sanskrit only: no published translation is held for this verse.

प्रजायते प्रजया पशुभिर् य एवं वेद

prajāyate prajayā paśubhir ya evaṃ veda

Sanskrit only: no published translation is held for this verse.

स्वादोः स्वादीयः स्वादुना सृजा सम् इति मिथुनं वै स्वादु प्रजा स्वादु मिथुनेनैव तत् प्रजां संसृजति

svādoḥ svādīyaḥ svādunā sṛjā sam iti mithunaṃ vai svādu prajā svādu mithunenaiva tat prajāṃ saṃsṛjati

Sanskrit only: no published translation is held for this verse.

अदः सु मधु मधुनाभि योधीर् इति मिथुनं वै मधु प्रजा मधु मिथुनेनैव तत् प्रजाम् अभियुध्यति

adaḥ su madhu madhunābhi yodhīr iti mithunaṃ vai madhu prajā madhu mithunenaiva tat prajām abhiyudhyati

Sanskrit only: no published translation is held for this verse.

तद् उक्तम् ऋषिणा

tad uktam ṛṣiṇā

Sanskrit only: no published translation is held for this verse.

स्वां यत् तनूं तन्वाम् ऐरयतेत्य् अस्यां शारीर्याम् इमां छन्दोमयीम् इत्य् एव तद् आह

svāṃ yat tanūṃ tanvām airayatety asyāṃ śārīryām imāṃ chandomayīm ity eva tad āha

Sanskrit only: no published translation is held for this verse.

अथो तनूर् एव तन्वो अस्तु भेषजम् इत्य् अस्यै शारीर्या इयं छन्दोमयीत्य् एव तद् आह

atho tanūr eva tanvo astu bheṣajam ity asyai śārīryā iyaṃ chandomayīty eva tad āha

Sanskrit only: no published translation is held for this verse.

तस्यै यान्य् अष्टाव् अक्षराणि सा गायत्री यान्य् एकादश सा त्रिष्टुब् यानि द्वादश सा जगत्य् अथ यानि दश सा विराट् दशिन्य् एषु त्रिषु छन्दःसु प्रतिष्ठिता

tasyai yāny aṣṭāv akṣarāṇi sā gāyatrī yāny ekādaśa sā triṣṭub yāni dvādaśa sā jagaty atha yāni daśa sā virāṭ daśiny eṣu triṣu chandaḥsu pratiṣṭhitā

Sanskrit only: no published translation is held for this verse.

पुरुष इति त्र्यक्षरं स उ विराजि

puruṣa iti tryakṣaraṃ sa u virāji

Sanskrit only: no published translation is held for this verse.

एतानि वाव सर्वाणि छन्दांसि यान्य् एतानि विराट्चतुर्थान्य् एवम् उ हैवैवं विदुष एतद् अहः सर्वैश् छन्दोभिः प्रतिपन्नं भवति

etāni vāva sarvāṇi chandāṃsi yāny etāni virāṭcaturthāny evam u haivaivaṃ viduṣa etad ahaḥ sarvaiś chandobhiḥ pratipannaṃ bhavati

Sanskrit only: no published translation is held for this verse.