Aitareya Āraṇyaka (Ṛgveda) 1.3.5

ता नदेन विहरति

tā nadena viharati

Sanskrit only: no published translation is held for this verse.

पुरुषो वै नदस् तस्मात् पुरुषो वदन् सर्वः संनदतीव

puruṣo vai nadas tasmāt puruṣo vadan sarvaḥ saṃnadatīva

Sanskrit only: no published translation is held for this verse.

नदं व ओदतीनाम् इती३ꣳ आपो वा ओदत्यो या दिव्यास् ता हीदं सर्वम् उन्दन्त्य् आपो वा ओदत्यो या मुख्यास् ता हीदं सर्वम् अन्नाद्यम् उन्दन्ति

nadaṃ va odatīnām itī3ṁ āpo vā odatyo yā divyās tā hīdaṃ sarvam undanty āpo vā odatyo yā mukhyās tā hīdaṃ sarvam annādyam undanti

Sanskrit only: no published translation is held for this verse.

नदं योयुवतीनाम् इती३ꣳ आपो वाव योयुवत्यो या अन्तरिक्ष्यास् ता हि पोप्लूयन्त इवापो वाव योयुवत्यो याः स्वेदते ता हि सरीसृप्यन्त इव

nadaṃ yoyuvatīnām itī3ṁ āpo vāva yoyuvatyo yā antarikṣyās tā hi poplūyanta ivāpo vāva yoyuvatyo yāḥ svedate tā hi sarīsṛpyanta iva

Sanskrit only: no published translation is held for this verse.

पतिं वो अघ्न्यानाम् इती३ꣳ आपो वा अघ्न्या या अग्नेर् धूमाज् जायन्त आपो वा अघ्न्या या शिश्नात् प्रसृज्यन्ते

patiṃ vo aghnyānām itī3ṁ āpo vā aghnyā yā agner dhūmāj jāyanta āpo vā aghnyā yā śiśnāt prasṛjyante

Sanskrit only: no published translation is held for this verse.

धेनूनाम् इषुध्यसीती३ꣳ आपो वाव धेनवस् ता हीदं सर्वं धिन्वन्तीषुध्यसीति यद् आह पतीयसीत्य् एव तद् आह

dhenūnām iṣudhyasītī3ṁ āpo vāva dhenavas tā hīdaṃ sarvaṃ dhinvantīṣudhyasīti yad āha patīyasīty eva tad āha

Sanskrit only: no published translation is held for this verse.

त्रिष्टुभं चानुष्टुभं च विहरति वृषा वै त्रिष्टुब् योषानुष्टुप् तन् मिथुनं तस्माद् अपि पुरुषो जायां वित्त्वा कृत्स्नतरम् इवात्मानं मन्यते

triṣṭubhaṃ cānuṣṭubhaṃ ca viharati vṛṣā vai triṣṭub yoṣānuṣṭup tan mithunaṃ tasmād api puruṣo jāyāṃ vittvā kṛtsnataram ivātmānaṃ manyate

Sanskrit only: no published translation is held for this verse.

तास् त्रिः प्रथमया पञ्चविंशतिर् भवन्ति पञ्चविंश आत्मा पञ्चविंशः प्रजापतिर् दश हस्त्या अङ्गुलयो दश पाद्या द्वा ऊरू द्वौ बाहू आत्मैव पञ्चविंशस् तम् इमम् आत्मानं पञ्चविंशं संस्कुरुते

tās triḥ prathamayā pañcaviṃśatir bhavanti pañcaviṃśa ātmā pañcaviṃśaḥ prajāpatir daśa hastyā aṅgulayo daśa pādyā dvā ūrū dvau bāhū ātmaiva pañcaviṃśas tam imam ātmānaṃ pañcaviṃśaṃ saṃskurute

Sanskrit only: no published translation is held for this verse.

अथो पञ्चविंशं वा एतद् अहः पञ्चविंश एतस्याह्न स्तोमस् तत् समेन समं प्रतिपद्यते तस्माद् द्वे एव पञ्चविंशतिर् भवन्ति

atho pañcaviṃśaṃ vā etad ahaḥ pañcaviṃśa etasyāhna stomas tat samena samaṃ pratipadyate tasmād dve eva pañcaviṃśatir bhavanti

Sanskrit only: no published translation is held for this verse.