Aitareya Āraṇyaka (Ṛgveda) 1.3.8

ता नदेन विहरति

tā nadena viharati

Sanskrit only: no published translation is held for this verse.

प्राणो वै नदस् तस्मात् प्राणो नदन् सर्वः संनदतीव

prāṇo vai nadas tasmāt prāṇo nadan sarvaḥ saṃnadatīva

Sanskrit only: no published translation is held for this verse.

नदं व ओदतीनाम् इती३ꣳ उष्णिग् अक्षरैर् भवत्य् अनुष्टुप् पादैर् आयुर् वा उष्णिग् वाग् अनुष्टुप्

nadaṃ va odatīnām itī3ṁ uṣṇig akṣarair bhavaty anuṣṭup pādair āyur vā uṣṇig vāg anuṣṭup

Sanskrit only: no published translation is held for this verse.

तद् अस्मिन्न् आयुश् च वाचं च दधाति

tad asminn āyuś ca vācaṃ ca dadhāti

Sanskrit only: no published translation is held for this verse.

तास् त्रिः प्रथमया पञ्चविंशतिर् भवन्ति पञ्चविंश आत्मा पञ्चविंशः प्रजापतिर् दश हस्त्या अङ्गुलयो दश पाद्या द्वा ऊरू द्वौ बाहू आत्मैव पञ्चविंशस् तम् इमम् आत्मानं पञ्चविंशं संस्कुरुते

tās triḥ prathamayā pañcaviṃśatir bhavanti pañcaviṃśa ātmā pañcaviṃśaḥ prajāpatir daśa hastyā aṅgulayo daśa pādyā dvā ūrū dvau bāhū ātmaiva pañcaviṃśas tam imam ātmānaṃ pañcaviṃśaṃ saṃskurute

Sanskrit only: no published translation is held for this verse.

अथो पञ्चविंशं वा एतद् अहः पञ्चविंश एतस्याह्न स्तोमस् तत् समेन समं प्रतिपद्यते तस्माद् द्वे एव पञ्चविंशतिर् भवन्ति

atho pañcaviṃśaṃ vā etad ahaḥ pañcaviṃśa etasyāhna stomas tat samena samaṃ pratipadyate tasmād dve eva pañcaviṃśatir bhavanti

Sanskrit only: no published translation is held for this verse.

इत्य् अध्यात्मं पञ्चविंशः

ity adhyātmaṃ pañcaviṃśaḥ

Sanskrit only: no published translation is held for this verse.

अथाधिदैवतम्

athādhidaivatam

Sanskrit only: no published translation is held for this verse.

चक्षुः श्रोत्रं मनो वाक् प्राणः ता एताः पञ्च देवता इमं विष्टाः पुरुषं पञ्चो हैवैता देवता अयं विष्टः पुरुषः

cakṣuḥ śrotraṃ mano vāk prāṇaḥ tā etāḥ pañca devatā imaṃ viṣṭāḥ puruṣaṃ pañco haivaitā devatā ayaṃ viṣṭaḥ puruṣaḥ

Sanskrit only: no published translation is held for this verse.

सो ऽत्रा लोमभ्य आ नखेभ्यः सर्वः साङ्ग आप्यते तस्मात् सर्वाणि भूतान्य् आ पिपीलिकाभ्य आप्तान्य् एव जायन्ते

so 'trā lomabhya ā nakhebhyaḥ sarvaḥ sāṅga āpyate tasmāt sarvāṇi bhūtāny ā pipīlikābhya āptāny eva jāyante

Sanskrit only: no published translation is held for this verse.

तद् उक्तम् ऋषिणा

tad uktam ṛṣiṇā

Sanskrit only: no published translation is held for this verse.

सहस्रधा पञ्चदशान्य् उक्थेति पञ्च हि दशतो भवन्ति यावद् द्यावापृथिवी तावद् इत् तद् इति यावती वै द्यावापृथिवी तावान् आत्मा

sahasradhā pañcadaśāny uktheti pañca hi daśato bhavanti yāvad dyāvāpṛthivī tāvad it tad iti yāvatī vai dyāvāpṛthivī tāvān ātmā

Sanskrit only: no published translation is held for this verse.

सहस्रधा महिमानः सहस्रम् इत्य् उक्थान्य् एव तद् अनुमदति महयति

sahasradhā mahimānaḥ sahasram ity ukthāny eva tad anumadati mahayati

Sanskrit only: no published translation is held for this verse.

यावद् ब्रह्म विष्ठितं तावती वाग् इति यत्र ह क्व च ब्रह्म तद् वाग् यत्र वा वाक् तद् वा ब्रह्मेत्य् एतत् तद् उक्तं भवति

yāvad brahma viṣṭhitaṃ tāvatī vāg iti yatra ha kva ca brahma tad vāg yatra vā vāk tad vā brahmety etat tad uktaṃ bhavati

Sanskrit only: no published translation is held for this verse.

एषां वा एषां सूक्तानां नवर्चं प्रथमं नव वै प्राणाः प्राणानां क्ﾱप्त्यै

eṣāṃ vā eṣāṃ sūktānāṃ navarcaṃ prathamaṃ nava vai prāṇāḥ prāṇānāṃ kﾱptyai

Sanskrit only: no published translation is held for this verse.

षﾱऋचं भवति षड् वा ऋतव ऋतूनाम् आप्त्यै

ṣaﾱṛcaṃ bhavati ṣaḍ vā ṛtava ṛtūnām āptyai

Sanskrit only: no published translation is held for this verse.

पञ्चर्चं भवति पञ्चपदा पङ्क्तिः पङ्क्तिर् वा अन्नम् अन्नाद्यस्यावरुद्ध्यै

pañcarcaṃ bhavati pañcapadā paṅktiḥ paṅktir vā annam annādyasyāvaruddhyai

Sanskrit only: no published translation is held for this verse.

तृचो भवति

tṛco bhavati

Sanskrit only: no published translation is held for this verse.

त्रयो वा इमे त्रिवृतो लोका एषाम् एव लोकानाम् अभिजित्यै

trayo vā ime trivṛto lokā eṣām eva lokānām abhijityai

Sanskrit only: no published translation is held for this verse.

ता अभिसंपद्यन्ते बृहतीं छन्दो ऽमृतं देवलोकम् एष आत्मा

tā abhisaṃpadyante bṛhatīṃ chando 'mṛtaṃ devalokam eṣa ātmā

Sanskrit only: no published translation is held for this verse.

एवम् उ हैवैवंविद् एतयैव संपदामृतम् एवात्मानम् अभिसंभवति सम्भवति

evam u haivaivaṃvid etayaiva saṃpadāmṛtam evātmānam abhisaṃbhavati sambhavati

Sanskrit only: no published translation is held for this verse.