Aitareya Āraṇyaka (Ṛgveda) 2.1.1

एष पन्थैतत् कर्मैतद् ब्रह्मैतत् सत्यम्

eṣa panthaitat karmaitad brahmaitat satyam

Sanskrit only: no published translation is held for this verse.

तस्मान् न प्रमाद्येत् तन् नातीयात्

tasmān na pramādyet tan nātīyāt

Sanskrit only: no published translation is held for this verse.

न ह्य् अत्यायन् पूर्वे ये ऽत्यायंस् ते पराबभूवुः

na hy atyāyan pūrve ye 'tyāyaṃs te parābabhūvuḥ

Sanskrit only: no published translation is held for this verse.

तद् उक्तम् ऋषिणा

tad uktam ṛṣiṇā

Sanskrit only: no published translation is held for this verse.

प्रजा ह तिस्रो अत्यायम् ईयुर् न्य् अन्या अर्कम् अभितो विविश्रे बृहद्ध तस्थौ भुवनेष्व् अन्तः पवमानो हरित आ विवेशेति

prajā ha tisro atyāyam īyur ny anyā arkam abhito viviśre bṛhaddha tasthau bhuvaneṣv antaḥ pavamāno harita ā viveśeti

Sanskrit only: no published translation is held for this verse.

प्रजा ह तिस्रो अत्यायम् ईयुर् इति या वै ता इमाः प्रजास् तिस्रो अत्यायम् आयंस् तानीमानि वयांसि वङ्गावगधाश् चेरपादाः

prajā ha tisro atyāyam īyur iti yā vai tā imāḥ prajās tisro atyāyam āyaṃs tānīmāni vayāṃsi vaṅgāvagadhāś cerapādāḥ

Sanskrit only: no published translation is held for this verse.

न्य् अन्या अर्कम् अभितो विविश्र इति ता इमाः प्रजा अर्कम् अभितो निविष्टा इमम् एवाग्निम्

ny anyā arkam abhito viviśra iti tā imāḥ prajā arkam abhito niviṣṭā imam evāgnim

Sanskrit only: no published translation is held for this verse.

बृहद्ध तस्थौ भुवनेष्व् अन्तर् इत्य् अद उ एव बृहद् भुवनेष्व् अन्तर् असाव् आदित्यः

bṛhaddha tasthau bhuvaneṣv antar ity ada u eva bṛhad bhuvaneṣv antar asāv ādityaḥ

Sanskrit only: no published translation is held for this verse.

पवमानो हरित आ विवेशेति वायुर् एव पवमानो दिशो हरित आविष्टः

pavamāno harita ā viveśeti vāyur eva pavamāno diśo harita āviṣṭaḥ

Sanskrit only: no published translation is held for this verse.