Aitareya Āraṇyaka (Ṛgveda) 2.1.5

तं देवाः प्राणयन्त स प्रणीतः प्रातायत प्रातायीती३ं तत् प्रातर् अभवत् समागाद् इती३ं तत् सायम् अभवद् अहर् एव प्राणो रात्रिर् अपानः

taṃ devāḥ prāṇayanta sa praṇītaḥ prātāyata prātāyītī3ṃ tat prātar abhavat samāgād itī3ṃ tat sāyam abhavad ahar eva prāṇo rātrir apānaḥ

Sanskrit only: no published translation is held for this verse.

वाग् अग्निश् चक्षुर् असाव् आदित्यश् चन्द्रमा मनो दिशः श्रोत्रं स एष प्रहितां संयोगो ऽध्यात्मम् इमा देवता अद उ आविर् अधिदैवतम् इत्य् एतत् तद् उक्तं भवति

vāg agniś cakṣur asāv ādityaś candramā mano diśaḥ śrotraṃ sa eṣa prahitāṃ saṃyogo 'dhyātmam imā devatā ada u āvir adhidaivatam ity etat tad uktaṃ bhavati

Sanskrit only: no published translation is held for this verse.

एतद्ध स्म वै तद् विद्वान् आह हिरण्यदन् वैदो न तस्येशे यन् मह्यं न दद्युर् इति प्रहितां वा अहम् अध्यात्मं संयोगं निविष्टं वेदैतद्ध तत्

etaddha sma vai tad vidvān āha hiraṇyadan vaido na tasyeśe yan mahyaṃ na dadyur iti prahitāṃ vā aham adhyātmaṃ saṃyogaṃ niviṣṭaṃ vedaitaddha tat

Sanskrit only: no published translation is held for this verse.

अनीशानानि ह वा अस्मै भूतानि बलिं हरन्ति य एवं वेद

anīśānāni ha vā asmai bhūtāni baliṃ haranti ya evaṃ veda

Sanskrit only: no published translation is held for this verse.

तत् सत्यं सद् इति प्राणस् तीत्य् अन्नं यम् इत्य् असाव् आदित्यस् तद् एतत् त्रिवृत् त्रिवृद् इव वै चक्षुः शुक्लं कृष्णं कनीनिकेति

tat satyaṃ sad iti prāṇas tīty annaṃ yam ity asāv ādityas tad etat trivṛt trivṛd iva vai cakṣuḥ śuklaṃ kṛṣṇaṃ kanīniketi

Sanskrit only: no published translation is held for this verse.

स यदि ह वा अपि मृषा वदति सत्यं हैवास्योदितं भवति य एवम् एतत् सत्यस्य सत्यत्वं वेद

sa yadi ha vā api mṛṣā vadati satyaṃ haivāsyoditaṃ bhavati ya evam etat satyasya satyatvaṃ veda

Sanskrit only: no published translation is held for this verse.