Aitareya Āraṇyaka (Ṛgveda) 2.1.6

तस्य वाक् तन्तिर् नामानि दामानि तद् अस्येदं वाचा तन्त्या नामभिर् दामभिः सर्वं सितं सर्वं हीदं नामानी३ं सर्वं वाचाभिवदति

tasya vāk tantir nāmāni dāmāni tad asyedaṃ vācā tantyā nāmabhir dāmabhiḥ sarvaṃ sitaṃ sarvaṃ hīdaṃ nāmānī3ṃ sarvaṃ vācābhivadati

Sanskrit only: no published translation is held for this verse.

वहन्ति ह वा एनं तन्तिसम्बद्धा य एवं वेद

vahanti ha vā enaṃ tantisambaddhā ya evaṃ veda

Sanskrit only: no published translation is held for this verse.

तस्योष्णिग् लोमानि त्वग् गायत्री त्रिष्टुम् मांसम् अनुष्टुप् स्नावान्य् अस्थि जगती पङ्क्तिर् मज्जा प्राणो बृहती स छन्दोभिश् छन्नो यच् छन्दोभिश् छन्नस् तस्माच् छन्दांसीत्य् आचक्षते

tasyoṣṇig lomāni tvag gāyatrī triṣṭum māṃsam anuṣṭup snāvāny asthi jagatī paṅktir majjā prāṇo bṛhatī sa chandobhiś channo yac chandobhiś channas tasmāc chandāṃsīty ācakṣate

Sanskrit only: no published translation is held for this verse.

छादयन्ति ह वा एनं छन्दांसि पापात् कर्मणो यस्यां कस्यांचिद् दिशि कामयते य एवम् एतच् छन्दसां छन्दस्त्वं वेद

chādayanti ha vā enaṃ chandāṃsi pāpāt karmaṇo yasyāṃ kasyāṃcid diśi kāmayate ya evam etac chandasāṃ chandastvaṃ veda

Sanskrit only: no published translation is held for this verse.

तद् उक्तम् ऋषिणा

tad uktam ṛṣiṇā

Sanskrit only: no published translation is held for this verse.

अपश्यं गोपाम् इत्य् एष वै गोपा एष हीदं सर्वं गोपायति

apaśyaṃ gopām ity eṣa vai gopā eṣa hīdaṃ sarvaṃ gopāyati

Sanskrit only: no published translation is held for this verse.

अनिपद्यमानम् इति न ह्य् एष कदाचन संविशति

anipadyamānam iti na hy eṣa kadācana saṃviśati

Sanskrit only: no published translation is held for this verse.

आ च परा च पथिभिश् चरन्तम् इत्य् आ च ह्य् एष परा च पथिभिश् चरति

ā ca parā ca pathibhiś carantam ity ā ca hy eṣa parā ca pathibhiś carati

Sanskrit only: no published translation is held for this verse.

स सध्रीचीः स विषूचीर् वसान इति सध्रीचीश् च ह्य् एष विषूचीश् च वस्त इमा एव दिशः

sa sadhrīcīḥ sa viṣūcīr vasāna iti sadhrīcīś ca hy eṣa viṣūcīś ca vasta imā eva diśaḥ

Sanskrit only: no published translation is held for this verse.

आ वरीवर्ति भुवनेष्व् अन्तर् इत्य् एष ह्य् अन्तर् भुवनेष्व् आवरीवर्ति

ā varīvarti bhuvaneṣv antar ity eṣa hy antar bhuvaneṣv āvarīvarti

Sanskrit only: no published translation is held for this verse.

अथो आवृतासो ऽवतासो न कर्तृभिर् इति सर्वं हीदं प्राणेनावृतम्

atho āvṛtāso 'vatāso na kartṛbhir iti sarvaṃ hīdaṃ prāṇenāvṛtam

Sanskrit only: no published translation is held for this verse.

सो ऽयम् आकाशः प्राणेन बृहत्या विष्टब्धस् तद् यथायम् आकाशः प्राणेन बृहत्या विष्टब्ध एवं सर्वाणि भूतान्य् आ पिपीलिकाभ्यः प्राणेन बृहत्या विष्टब्धानीत्य् एवं विद्यात्

so 'yam ākāśaḥ prāṇena bṛhatyā viṣṭabdhas tad yathāyam ākāśaḥ prāṇena bṛhatyā viṣṭabdha evaṃ sarvāṇi bhūtāny ā pipīlikābhyaḥ prāṇena bṛhatyā viṣṭabdhānīty evaṃ vidyāt

Sanskrit only: no published translation is held for this verse.