Aitareya Āraṇyaka (Ṛgveda) 2.1.8

आपा३ इत्य् आप इति तद् इदम् आप एवेदं वै मूलम् अदस् तूलम् अयं पितैते पुत्रा यत्र ह क्व च पुत्रस्य तत् पितुर् यत्र वा पितुस् तद् वा पुत्रस्येत्य् एतत् तद् उक्तं भवति

āpā3 ity āpa iti tad idam āpa evedaṃ vai mūlam adas tūlam ayaṃ pitaite putrā yatra ha kva ca putrasya tat pitur yatra vā pitus tad vā putrasyety etat tad uktaṃ bhavati

Sanskrit only: no published translation is held for this verse.

एतद्ध स्म वै तद् विद्वान् आह महिदास ऐतरेय आहं मां देवेभ्यो वेद ओ मद् देवान् वेदेतःप्रदाना ह्य् एत इतः संभृता इति

etaddha sma vai tad vidvān āha mahidāsa aitareya āhaṃ māṃ devebhyo veda o mad devān vedetaḥpradānā hy eta itaḥ saṃbhṛtā iti

Sanskrit only: no published translation is held for this verse.

स एष गिरिश् चक्षुः श्रोत्रं मनो वाक् प्राणस् तं ब्रह्मगिरिर् इत्य् आचक्षते

sa eṣa giriś cakṣuḥ śrotraṃ mano vāk prāṇas taṃ brahmagirir ity ācakṣate

Sanskrit only: no published translation is held for this verse.

गिरति ह वै द्विषन्तं पाप्मानं भ्रातृव्यं परास्य द्विषन् पाप्मा भ्रातृव्यो भवति य एवं वेद

girati ha vai dviṣantaṃ pāpmānaṃ bhrātṛvyaṃ parāsya dviṣan pāpmā bhrātṛvyo bhavati ya evaṃ veda

Sanskrit only: no published translation is held for this verse.

स एषो ऽसुः स एष प्राणः स एष भूतिश् चाभूतिश् च

sa eṣo 'suḥ sa eṣa prāṇaḥ sa eṣa bhūtiś cābhūtiś ca

Sanskrit only: no published translation is held for this verse.

तं भूतिर् इति देवा उपासांचक्रिरे ते बभूवुस् तस्माद्धाप्येतर्हि सुप्तो भूर् भूर् इत्य् एव प्रश्वसिति

taṃ bhūtir iti devā upāsāṃcakrire te babhūvus tasmāddhāpyetarhi supto bhūr bhūr ity eva praśvasiti

Sanskrit only: no published translation is held for this verse.

अभूतिर् इत्य् असुरास् ते ह पराबभूवुः

abhūtir ity asurās te ha parābabhūvuḥ

Sanskrit only: no published translation is held for this verse.

भवत्य् आत्मना परास्य द्विषन् पाप्मा भ्रातृव्यो भवति य एवम् वेद

bhavaty ātmanā parāsya dviṣan pāpmā bhrātṛvyo bhavati ya evam veda

Sanskrit only: no published translation is held for this verse.

स एष मृत्युश् चैवामृतं च

sa eṣa mṛtyuś caivāmṛtaṃ ca

Sanskrit only: no published translation is held for this verse.

तद् उक्तम् ऋषिणा

tad uktam ṛṣiṇā

Sanskrit only: no published translation is held for this verse.

अपाङ् प्राङ् एति स्वधया गृभीत इत्य् अपानेन ह्य् अयं यतः प्राणो न पराङ् भवति

apāṅ prāṅ eti svadhayā gṛbhīta ity apānena hy ayaṃ yataḥ prāṇo na parāṅ bhavati

Sanskrit only: no published translation is held for this verse.

अमर्त्यो मर्त्येना सयोनिर् इत्य् एतेन हीदं सर्वं सयोनि मर्त्यानि हीमानि शरीराणी३ं अमृतैषा देवता

amartyo martyenā sayonir ity etena hīdaṃ sarvaṃ sayoni martyāni hīmāni śarīrāṇī3ṃ amṛtaiṣā devatā

Sanskrit only: no published translation is held for this verse.

ता शश्वन्ता विषूचीना वियन्ता न्य् अन्यं चिक्युर् न नि चिक्युर् अन्यम् इति निचिन्वन्ति हैवेमानि शरीराणी३ं अमृतैवैषा देवता

tā śaśvantā viṣūcīnā viyantā ny anyaṃ cikyur na ni cikyur anyam iti nicinvanti haivemāni śarīrāṇī3ṃ amṛtaivaiṣā devatā

Sanskrit only: no published translation is held for this verse.

अमृतो ह वा अमुष्मिंल् लोके सम्भवत्य् अमृतः सर्वेभ्यो भूतेभ्यो ददृशे य एवं वेद य एवं वेद

amṛto ha vā amuṣmiṃl loke sambhavaty amṛtaḥ sarvebhyo bhūtebhyo dadṛśe ya evaṃ veda ya evaṃ veda

Sanskrit only: no published translation is held for this verse.