Aitareya Āraṇyaka (Ṛgveda) 2.3.1

यो ह वा आत्मानं पञ्चविधम् उक्थं वेद यस्माद् इदं सर्वम् उत्तिष्ठति स संप्रतिवित्

yo ha vā ātmānaṃ pañcavidham ukthaṃ veda yasmād idaṃ sarvam uttiṣṭhati sa saṃprativit

Sanskrit only: no published translation is held for this verse.

पृथिवी वायुर् आकाश आपो ज्योतींषीत्य् एष वा आत्मोक्थं पञ्चविधम् एतस्माद्धीदं सर्वम् उत्तिष्ठत्य् एतम् एवाप्येति

pṛthivī vāyur ākāśa āpo jyotīṃṣīty eṣa vā ātmokthaṃ pañcavidham etasmāddhīdaṃ sarvam uttiṣṭhaty etam evāpyeti

Sanskrit only: no published translation is held for this verse.

अयनं ह वै समानानां भवति य एवं वेद

ayanaṃ ha vai samānānāṃ bhavati ya evaṃ veda

Sanskrit only: no published translation is held for this verse.

तस्मिन् यो ऽन्नं चान्नादं च वेदाहास्मिन्न् अन्नादो जायते भवत्य् अस्यान्नम्

tasmin yo 'nnaṃ cānnādaṃ ca vedāhāsminn annādo jāyate bhavaty asyānnam

Sanskrit only: no published translation is held for this verse.

आपश् च पृथिवी चान्नम् एतन्मयानि ह्य् अन्नानि भवन्ति ज्योतिश् च वायुश् चान्नादम् एताभ्यां हीदं सर्वम् अन्नम् अत्त्य् आवपनम् आकाश आकाशे हीदं सर्वं समोप्यते

āpaś ca pṛthivī cānnam etanmayāni hy annāni bhavanti jyotiś ca vāyuś cānnādam etābhyāṃ hīdaṃ sarvam annam atty āvapanam ākāśa ākāśe hīdaṃ sarvaṃ samopyate

Sanskrit only: no published translation is held for this verse.

आवपनं ह वै समानानां भवति य एवं वेद

āvapanaṃ ha vai samānānāṃ bhavati ya evaṃ veda

Sanskrit only: no published translation is held for this verse.

तस्मिन् यो ऽन्नं चान्नादं च वेदाहास्मिन्न् अन्नादो जायते भवत्य् अस्यान्नम्

tasmin yo 'nnaṃ cānnādaṃ ca vedāhāsminn annādo jāyate bhavaty asyānnam

Sanskrit only: no published translation is held for this verse.

ओषधिवनस्पतयो ऽन्नं प्राणभृतो ऽन्नादम् ओषधिवनस्पतीन् हि प्राणभृतो ऽदन्ति

oṣadhivanaspatayo 'nnaṃ prāṇabhṛto 'nnādam oṣadhivanaspatīn hi prāṇabhṛto 'danti

Sanskrit only: no published translation is held for this verse.

तेषां य उभयतोदन्ताः पुरुषस्यानु विधां विहितास् ते ऽन्नादा अन्नम् इतरे पशवस् तस्मात् त इतरान् पशून् अधीव चरन्त्य् अधीव ह्य् अन्ने ऽन्नादो भवति

teṣāṃ ya ubhayatodantāḥ puruṣasyānu vidhāṃ vihitās te 'nnādā annam itare paśavas tasmāt ta itarān paśūn adhīva caranty adhīva hy anne 'nnādo bhavati

Sanskrit only: no published translation is held for this verse.

अधीव ह समानानां जायते य एवं वेद

adhīva ha samānānāṃ jāyate ya evaṃ veda

Sanskrit only: no published translation is held for this verse.