Aitareya Āraṇyaka (Ṛgveda) 2.3.2

तस्य य आत्मानम् आविस्तरां वेदाश्नुते हाविर् भूयः

tasya ya ātmānam āvistarāṃ vedāśnute hāvir bhūyaḥ

Sanskrit only: no published translation is held for this verse.

ओषधिवनस्पतयो यच् च किंच प्राणभृत् स आत्मानम् आविस्तरां वेद

oṣadhivanaspatayo yac ca kiṃca prāṇabhṛt sa ātmānam āvistarāṃ veda

Sanskrit only: no published translation is held for this verse.

ओषधिवनस्पतिषु हि रसो दृश्यते चित्तं प्राणभृत्सु

oṣadhivanaspatiṣu hi raso dṛśyate cittaṃ prāṇabhṛtsu

Sanskrit only: no published translation is held for this verse.

प्राणभृत्सु त्व् एवाविस्तराम् आत्मा तेषु हि रसो ऽपि दृश्यते न चित्तम् इतरेषु

prāṇabhṛtsu tv evāvistarām ātmā teṣu hi raso 'pi dṛśyate na cittam itareṣu

Sanskrit only: no published translation is held for this verse.

पुरुषे त्व् एवाविस्तराम् आत्मा स हि प्रज्ञानेन संपन्नतमो विज्ञातं वदति विज्ञातं पश्यति वेद श्वस्तनं वेद लोकालोकौ मर्त्येनामृतम् ईप्सत्य् एवं सम्पन्नः

puruṣe tv evāvistarām ātmā sa hi prajñānena saṃpannatamo vijñātaṃ vadati vijñātaṃ paśyati veda śvastanaṃ veda lokālokau martyenāmṛtam īpsaty evaṃ sampannaḥ

Sanskrit only: no published translation is held for this verse.

अथेतरेषां पशूनाम् अशनापिपासे एवाभिविज्ञानं न विज्ञातं वदन्ति न विज्ञातं पश्यन्ति न विदुः श्वस्तनं न लोकालोकौ त एतावन्तो भवन्ति यथाप्रज्ञं हि संभवाः

athetareṣāṃ paśūnām aśanāpipāse evābhivijñānaṃ na vijñātaṃ vadanti na vijñātaṃ paśyanti na viduḥ śvastanaṃ na lokālokau ta etāvanto bhavanti yathāprajñaṃ hi saṃbhavāḥ

Sanskrit only: no published translation is held for this verse.