Aitareya Āraṇyaka (Ṛgveda) 2.3.3

स एष पुरुषः समुद्रः सर्वं लोकम् अति

sa eṣa puruṣaḥ samudraḥ sarvaṃ lokam ati

Sanskrit only: no published translation is held for this verse.

यद्ध किञ्चाश्नुते ऽत्य् एनं मन्यते यद्य् अन्तरिक्षलोकम् अश्नुते ऽत्य् एनं मन्यते यद्य् अमुं लोकम् अश्नुवीतात्य् एवैनं मन्येत

yaddha kiñcāśnute 'ty enaṃ manyate yady antarikṣalokam aśnute 'ty enaṃ manyate yady amuṃ lokam aśnuvītāty evainaṃ manyeta

Sanskrit only: no published translation is held for this verse.

स एष पुरुषः पञ्चविधस् तस्य यद् उष्णं तज् ज्योतिर् यानि खानि स आकाशो ऽथ यल् लोहितं श्लेष्मा रेतस् ता आपो यच्छरीरं सा पृथिवी यः प्राणः स वायुः

sa eṣa puruṣaḥ pañcavidhas tasya yad uṣṇaṃ taj jyotir yāni khāni sa ākāśo 'tha yal lohitaṃ śleṣmā retas tā āpo yaccharīraṃ sā pṛthivī yaḥ prāṇaḥ sa vāyuḥ

Sanskrit only: no published translation is held for this verse.

स एष वायुः पञ्चविधः प्राणो ऽपानो व्यान उदानः समानः

sa eṣa vāyuḥ pañcavidhaḥ prāṇo 'pāno vyāna udānaḥ samānaḥ

Sanskrit only: no published translation is held for this verse.

ता एता देवताः प्राणापानयोर् एव निविष्टाश् चक्षुः श्रोत्रं मनो वाग् इति प्राणस्य ह्य् अन्व् अपायम् एता अपियन्ति

tā etā devatāḥ prāṇāpānayor eva niviṣṭāś cakṣuḥ śrotraṃ mano vāg iti prāṇasya hy anv apāyam etā apiyanti

Sanskrit only: no published translation is held for this verse.

स एष वाचश् चित्तस्योत्तरोत्तरिक्रमो यद् यज्ञः

sa eṣa vācaś cittasyottarottarikramo yad yajñaḥ

Sanskrit only: no published translation is held for this verse.

स एष यज्ञः पञ्चविधो ऽग्निहोत्रं दर्शपूर्णमासौ चातुर्मास्यानि पशुः सोमः

sa eṣa yajñaḥ pañcavidho 'gnihotraṃ darśapūrṇamāsau cāturmāsyāni paśuḥ somaḥ

Sanskrit only: no published translation is held for this verse.

स एष यज्ञानां सम्पन्नतमो यत् सोम एतस्मिन् ह्य् एताः पञ्च विधा अधिगम्यन्ते यत् प्राक् सवनेभ्यः सैका विधा त्रीणि सवनानि यद् ऊर्ध्वं सा पञ्चमी

sa eṣa yajñānāṃ sampannatamo yat soma etasmin hy etāḥ pañca vidhā adhigamyante yat prāk savanebhyaḥ saikā vidhā trīṇi savanāni yad ūrdhvaṃ sā pañcamī

Sanskrit only: no published translation is held for this verse.