Aitareya Āraṇyaka (Ṛgveda) 2.3.4

यो ह वै यज्ञे यज्ञं वेदाहन्य् अहर् देवेषु देवम् अध्यूढं स संप्रतिवित्

yo ha vai yajñe yajñaṃ vedāhany ahar deveṣu devam adhyūḍhaṃ sa saṃprativit

Sanskrit only: no published translation is held for this verse.

एष वै यज्ञे यज्ञो ऽहन्य् अहर् देवेषु देवो ऽध्यूढो यद् एतन् महद् उक्थम्

eṣa vai yajñe yajño 'hany ahar deveṣu devo 'dhyūḍho yad etan mahad uktham

Sanskrit only: no published translation is held for this verse.

तद् एतत् पञ्चविधं त्रिवृत् पञ्चदशं सप्तदशम् एकविंशं पञ्चविंशम् इति स्तोमतो गायत्रं रथन्तरं बृहद् भद्रं राजनम् इति सामतो गायत्र्य् उष्णिग् बृहती त्रिष्टुब् द्विपदेति छन्दस्तः शिरो दक्षिणः पक्ष उत्तरः पक्षः पुच्छम् आत्मेत्य् आख्यानम्

tad etat pañcavidhaṃ trivṛt pañcadaśaṃ saptadaśam ekaviṃśaṃ pañcaviṃśam iti stomato gāyatraṃ rathantaraṃ bṛhad bhadraṃ rājanam iti sāmato gāyatry uṣṇig bṛhatī triṣṭub dvipadeti chandastaḥ śiro dakṣiṇaḥ pakṣa uttaraḥ pakṣaḥ puccham ātmety ākhyānam

Sanskrit only: no published translation is held for this verse.

पञ्चकृत्वः प्रस्तौति पञ्चकृत्व उद्गायति पञ्चकृत्वः प्रतिहरति पञ्चकृत्व उपद्रवति पञ्चकृत्वो निधनम् उपयन्ति तत् स्तोभसहस्रं भवति

pañcakṛtvaḥ prastauti pañcakṛtva udgāyati pañcakṛtvaḥ pratiharati pañcakṛtva upadravati pañcakṛtvo nidhanam upayanti tat stobhasahasraṃ bhavati

Sanskrit only: no published translation is held for this verse.

एवं ह्य् एताः पञ्च विधा अनुशस्यन्ते यत् प्राक् तृचाशीतिभ्यः सैका विधा तिस्रस् तृचाशीतयो यद् ऊर्ध्वं सा पञ्चमी

evaṃ hy etāḥ pañca vidhā anuśasyante yat prāk tṛcāśītibhyaḥ saikā vidhā tisras tṛcāśītayo yad ūrdhvaṃ sā pañcamī

Sanskrit only: no published translation is held for this verse.

तद् एतत् सहस्रं तत् सर्वं तानि दश दशेति वै सर्वम् एतावती हि संख्या दश दशतस् तच्छतं दश शतानि तत् सहस्रं तत् सर्वम्

tad etat sahasraṃ tat sarvaṃ tāni daśa daśeti vai sarvam etāvatī hi saṃkhyā daśa daśatas tacchataṃ daśa śatāni tat sahasraṃ tat sarvam

Sanskrit only: no published translation is held for this verse.

तानि त्रीणि छन्दांसि भवन्ति त्रेधाविहितं वा इदम् अन्नम् अशनं पानं खादस् तद् एतैर् आप्नोति

tāni trīṇi chandāṃsi bhavanti tredhāvihitaṃ vā idam annam aśanaṃ pānaṃ khādas tad etair āpnoti

Sanskrit only: no published translation is held for this verse.