Aitareya Āraṇyaka (Ṛgveda) 2.3.7

तद् वा इदं बृहतीसहस्रं सम्पन्नं तद् यशः स इन्द्रः स भूतानाम् अधिपतिः

tad vā idaṃ bṛhatīsahasraṃ sampannaṃ tad yaśaḥ sa indraḥ sa bhūtānām adhipatiḥ

Sanskrit only: no published translation is held for this verse.

स य एवम् एतम् इन्द्रं भूतानाम् अधिपतिं वेद विस्रसा हैवास्माल् लोकात् प्रैतीति ह स्माह महिदास ऐतरेयः प्रेत्येन्द्रो भूत्वैषु लोकेषु राजति

sa ya evam etam indraṃ bhūtānām adhipatiṃ veda visrasā haivāsmāl lokāt praitīti ha smāha mahidāsa aitareyaḥ pretyendro bhūtvaiṣu lokeṣu rājati

Sanskrit only: no published translation is held for this verse.

तद् आहुर् यद् अनेन रूपेणामुं लोकम् अभिसंभवती३ं अथ केन रूपेणेमं लोकम् आभवती३ं

tad āhur yad anena rūpeṇāmuṃ lokam abhisaṃbhavatī3ṃ atha kena rūpeṇemaṃ lokam ābhavatī3ṃ

Sanskrit only: no published translation is held for this verse.

तद् यद् एतत् स्त्रियां लोहितं भवत्य् अग्नेस् तद् रूपं तस्मात् तस्मान् न बीभत्सेताथ यद् एतत् पुरुषे रेतो भवत्य् आदित्यस्य तद् रूपं तस्मात् तस्मान् न बीभत्सेत

tad yad etat striyāṃ lohitaṃ bhavaty agnes tad rūpaṃ tasmāt tasmān na bībhatsetātha yad etat puruṣe reto bhavaty ādityasya tad rūpaṃ tasmāt tasmān na bībhatseta

Sanskrit only: no published translation is held for this verse.

सो ऽयम् आत्मेमम् आत्मानम् अमुष्मा आत्मने सम्प्रयच्छत्य् असाव् आत्मामुम् आत्मानम् इमस्मा आत्मने सम्प्रयच्छति ताव् अन्योन्यम् अभिसंभवतो ऽनेनाह रूपेणामुं लोकम् अभिसंभवत्य् अमुनो रूपेणेमं लोकम् आभवति

so 'yam ātmemam ātmānam amuṣmā ātmane samprayacchaty asāv ātmāmum ātmānam imasmā ātmane samprayacchati tāv anyonyam abhisaṃbhavato 'nenāha rūpeṇāmuṃ lokam abhisaṃbhavaty amuno rūpeṇemaṃ lokam ābhavati

Sanskrit only: no published translation is held for this verse.