Aitareya Āraṇyaka (Ṛgveda) 2.3.8

तत्रैते श्लोकाः

tatraite ślokāḥ

Sanskrit only: no published translation is held for this verse.

यद् अक्षरं पञ्चविधं समेति युजो युक्ता अभि यत् संवहन्ति सत्यस्य सत्यम् अनु यत्र युज्यते तत्र देवाः सर्व एकं भवन्ति

yad akṣaraṃ pañcavidhaṃ sameti yujo yuktā abhi yat saṃvahanti satyasya satyam anu yatra yujyate tatra devāḥ sarva ekaṃ bhavanti

Sanskrit only: no published translation is held for this verse.

यद् अक्षराद् अक्षरम् एति युक्तम् युजो युक्ता अभि यत् संवहन्ति सत्यस्य सत्यम् अनु यत्र युज्यते तत्र देवाः सर्व एकं भवन्ति

yad akṣarād akṣaram eti yuktam yujo yuktā abhi yat saṃvahanti satyasya satyam anu yatra yujyate tatra devāḥ sarva ekaṃ bhavanti

Sanskrit only: no published translation is held for this verse.

यद् वाच ओम् इति यच् च नेति यच् चास्याः क्रूरं यद् उ चोल्बणिष्णु तद् वियूया कवयो अन्वविन्दन् नामायत्ता समतृप्यञ्छ्रुते ऽधि

yad vāca om iti yac ca neti yac cāsyāḥ krūraṃ yad u colbaṇiṣṇu tad viyūyā kavayo anvavindan nāmāyattā samatṛpyañchrute 'dhi

Sanskrit only: no published translation is held for this verse.

यस्मिन् नामा समतृप्यञ्छ्रुते ऽधि तत्र देवाः सर्वयुजो भवन्ति तेन पाप्मानम् अपहत्य ब्रह्मणा स्वर्गं लोकम् अप्येति विद्वान्

yasmin nāmā samatṛpyañchrute 'dhi tatra devāḥ sarvayujo bhavanti tena pāpmānam apahatya brahmaṇā svargaṃ lokam apyeti vidvān

Sanskrit only: no published translation is held for this verse.

नैनं वाचा स्त्रियं ब्रुवन् नैनम् अस्त्रीपुमान् ब्रुवन् पुमांसं न ब्रुवन्न् एनम् वदन् वदति कश्चन

nainaṃ vācā striyaṃ bruvan nainam astrīpumān bruvan pumāṃsaṃ na bruvann enam vadan vadati kaścana

Sanskrit only: no published translation is held for this verse.

अ इति ब्रह्म तत्रागतम् अहम् इति

a iti brahma tatrāgatam aham iti

Sanskrit only: no published translation is held for this verse.

तद् वा इदं बृहतीसहस्रं सम्पन्नं तस्य वा एतस्य बृहतीसहस्रस्य सम्पन्नस्य षट्त्रिंशतम् अक्षराणां सहस्राणि भवन्ति तावन्ति पुरुषायुषो ऽह्नां सहस्राणि भवन्ति

tad vā idaṃ bṛhatīsahasraṃ sampannaṃ tasya vā etasya bṛhatīsahasrasya sampannasya ṣaṭtriṃśatam akṣarāṇāṃ sahasrāṇi bhavanti tāvanti puruṣāyuṣo 'hnāṃ sahasrāṇi bhavanti

Sanskrit only: no published translation is held for this verse.

जीवाक्षरेणैव जीवाहर् आप्नोति जीवाह्ना जीवाक्षरम् इति

jīvākṣareṇaiva jīvāhar āpnoti jīvāhnā jīvākṣaram iti

Sanskrit only: no published translation is held for this verse.

अनकाममारो ऽथ देवरथस् तस्य वाग् उद्धिः श्रोत्रे पक्षसी चक्षुषी युक्ते मनः संग्रहीता तद् अयं प्राणो ऽधितिष्ठति

anakāmamāro 'tha devarathas tasya vāg uddhiḥ śrotre pakṣasī cakṣuṣī yukte manaḥ saṃgrahītā tad ayaṃ prāṇo 'dhitiṣṭhati

Sanskrit only: no published translation is held for this verse.

तद् उक्तम् ऋषिणा

tad uktam ṛṣiṇā

Sanskrit only: no published translation is held for this verse.

आ तेन यातं मनसो जवीयसा निमिषश् चिज् जवीयसेति जवीयसेति

ā tena yātaṃ manaso javīyasā nimiṣaś cij javīyaseti javīyaseti

Sanskrit only: no published translation is held for this verse.