Angirasasmrti 1

पादप्रक्षालनार्थाय प्रदेयमुदकं परम् । त एते निखिला धर्मा मृताहे केवलं स्मृताः

pādaprakṣālanārthāya pradeyamudakaṃ param / ta ete nikhilā dharmā mṛtāhe kevalaṃ smṛtāḥ

Sanskrit only: no published translation is held for this verse.

न दर्शादिषु विज्ञेयास् तत्र धर्मा यथोक्तितः । प्रकर्तव्या विशेषेण विकारो ऽत्यन्तकुत्सितः

na darśādiṣu vijñeyās tatra dharmā yathoktitaḥ / prakartavyā viśeṣeṇa vikāro 'tyantakutsitaḥ

Sanskrit only: no published translation is held for this verse.

मृताह एव कथितो नान्यतो यत्र कुत्रचित् । श्राद्धान्ते वा परेद्युर्वा शक्तो यः पितृकर्मणि

mṛtāha eva kathito nānyato yatra kutracit / śrāddhānte vā paredyurvā śakto yaḥ pitṛkarmaṇi

Sanskrit only: no published translation is held for this verse.

न कुर्यान्मोहतस्तूष्णीं विप्राणां भूरिभोजनम् । अर्धतृप्ता हि पितरो भवेयुर्नात्र संशयः

na kuryānmohatastūṣṇīṃ viprāṇāṃ bhūribhojanam / ardhatṛptā hi pitaro bhaveyurnātra saṃśayaḥ

Sanskrit only: no published translation is held for this verse.

कर्तुर्भोजनाभावे श्राद्धं कृत्वा तु यो मूढो न भुङ्क्ते पितृसेवितम् । इष्टैः पुत्रैर्बन्धुभिश्च ब्राह्मणैर्बह्मवादिभिः

karturbhojanābhāve śrāddhaṃ kṛtvā tu yo mūḍho na bhuṅkte pitṛsevitam / iṣṭaiḥ putrairbandhubhiśca brāhmaṇairbahmavādibhiḥ

Sanskrit only: no published translation is held for this verse.

आचायैर्गुरुभिः सद्भिरागताभ्यागतैरपि पितरो नैव तृप्ताः स्युर् भुञ्जीयात्तेन तृप्तितः

ācāyairgurubhiḥ sadbhirāgatābhyāgatairapi pitaro naiva tṛptāḥ syur bhuñjīyāttena tṛptitaḥ

Sanskrit only: no published translation is held for this verse.

तद्वंश्यानामर्भकाणां विप्रभुक्तेरनन्तरम् । तत्कांक्षितानि वस्तूनि भक्ष्यादीनि फलान्यपि

tadvaṃśyānāmarbhakāṇāṃ viprabhukteranantaram / tatkāṃkṣitāni vastūni bhakṣyādīni phalānyapi

Sanskrit only: no published translation is held for this verse.

स्वच्छन्दनः प्रदेयानि तावन्मात्रेण ते परम् । अतितुष्टा महातुष्टाः परितुष्टाः प्रहर्षिताः

svacchandanaḥ pradeyāni tāvanmātreṇa te param / atituṣṭā mahātuṣṭāḥ parituṣṭāḥ praharṣitāḥ

Sanskrit only: no published translation is held for this verse.

पूजिताश्च भविष्यन्ति तस्माद्बालमनोरथम् । पूरयेत्पितृतृप्त्यर्थं तद्दिनेषु विशेषतः

pūjitāśca bhaviṣyanti tasmādbālamanoratham / pūrayetpitṛtṛptyarthaṃ taddineṣu viśeṣataḥ

Sanskrit only: no published translation is held for this verse.

तृप्ताः स्थेति तथा प्रोक्ते त्रिवारं पितृसूनुना । भावयन्ति तदा तं वै चेतसा तु वयं तथा

tṛptāḥ stheti tathā prokte trivāraṃ pitṛsūnunā / bhāvayanti tadā taṃ vai cetasā tu vayaṃ tathā

Sanskrit only: no published translation is held for this verse.

तृप्ता जातास्तथा त्वं च तृप्तो यदि तदा वयम् । तृप्ता भूम न चेन्नो ऽद्य का तृप्तिरिति वै तराम्

tṛptā jātāstathā tvaṃ ca tṛpto yadi tadā vayam / tṛptā bhūma na cenno 'dya kā tṛptiriti vai tarām

Sanskrit only: no published translation is held for this verse.

दूयमानन मनसा तिष्ठन्ति किल तेन वै । सम्यग्भुञ्जीत वै पूर्वं यथा कुर्वन् भुजिक्रियाम्

dūyamānana manasā tiṣṭhanti kila tena vai / samyagbhuñjīta vai pūrvaṃ yathā kurvan bhujikriyām

Sanskrit only: no published translation is held for this verse.

अतृप्ता एव नो ते स्युर् इष्टैः पुत्रैश्च बन्धुभिः । विप्रालंकरणे जाते गृहालंकरणं भवेत्

atṛptā eva no te syur iṣṭaiḥ putraiśca bandhubhiḥ / viprālaṃkaraṇe jāte gṛhālaṃkaraṇaṃ bhavet

Sanskrit only: no published translation is held for this verse.

पत्न्यादीनामलंकारः शिष्टब्राह्मणभोजनम् । अन्वेव भोजनं तषां तद्दिने क्रियते तु यत्

patnyādīnāmalaṃkāraḥ śiṣṭabrāhmaṇabhojanam / anveva bhojanaṃ taṣāṃ taddine kriyate tu yat

Sanskrit only: no published translation is held for this verse.

तत्सर्वं प्रीतये तेषां भवेदेवं न चान्यथा । यद्वा तद्वा प्रकर्तव्यं तत्तत्सर्वं प्रयत्नतः

tatsarvaṃ prītaye teṣāṃ bhavedevaṃ na cānyathā / yadvā tadvā prakartavyaṃ tattatsarvaṃ prayatnataḥ

Sanskrit only: no published translation is held for this verse.

अनन्तरं विप्रभुक्तेः पित्रुद्वामनतः परम् । तत्पूर्वं लवमात्रं वा वस्तु किञ्चिदपि स्वयम्

anantaraṃ viprabhukteḥ pitrudvāmanataḥ param / tatpūrvaṃ lavamātraṃ vā vastu kiñcidapi svayam

Sanskrit only: no published translation is held for this verse.

न दद्याच्छ्राद्धकृद्वाचा दास्यामीति वदेन्न वा । तिलद्रोणव्रयः तिलद्रोणव्रयं कुर्यात् तद्दिने समुपस्थिते

na dadyācchrāddhakṛdvācā dāsyāmīti vadenna vā / tiladroṇavrayaḥ tiladroṇavrayaṃ kuryāt taddine samupasthite

Sanskrit only: no published translation is held for this verse.

भक्ष्यास्तिलमयाः कार्यास् तिलकल्कं विशेषतः । तिलचूर्णं तैलपिष्टं तिलभर्जनमप्युत

bhakṣyāstilamayāḥ kāryās tilakalkaṃ viśeṣataḥ / tilacūrṇaṃ tailapiṣṭaṃ tilabharjanamapyuta

Sanskrit only: no published translation is held for this verse.

तिलार्चनं तिलमुखं रक्षोहननमाचरेत् । तिलैर्विकिरणं कुर्याद् द्रव्यलोपेषु कृत्स्नशः

tilārcanaṃ tilamukhaṃ rakṣohananamācaret / tilairvikiraṇaṃ kuryād dravyalopeṣu kṛtsnaśaḥ

Sanskrit only: no published translation is held for this verse.

समीचीनं तिलैः कुर्यात् तिलाः स्युः सोमदेवताः । सोमः पित्ःणामाधारः सोमायैव तु हूयते

samīcīnaṃ tilaiḥ kuryāt tilāḥ syuḥ somadevatāḥ / somaḥ pitḥṇāmādhāraḥ somāyaiva tu hūyate

Sanskrit only: no published translation is held for this verse.

सो ऽयं हि पितृभिः प्रीतस् तद्दत्तं कव्यमुत्तमम् । सोमतृप्त्यैकजनकं तस्मात्सोमहुतं हविः

so 'yaṃ hi pitṛbhiḥ prītas taddattaṃ kavyamuttamam / somatṛptyaikajanakaṃ tasmātsomahutaṃ haviḥ

Sanskrit only: no published translation is held for this verse.

तत्कलावृद्धिजनकं सा कला पीयते हि तैः । वस्वादिभिः पितृभिस्तु तदेव तत्तिलैः सदा

tatkalāvṛddhijanakaṃ sā kalā pīyate hi taiḥ / vasvādibhiḥ pitṛbhistu tadeva tattilaiḥ sadā

Sanskrit only: no published translation is held for this verse.

सर्वश्राद्धेषु पितरः पूजनीया विशेषतः । दर्शश्राद्धं तर्पणस्वरूपेण सर्वाभावे विशेषेण तिलैर्जलविमिश्रितैः

sarvaśrāddheṣu pitaraḥ pūjanīyā viśeṣataḥ / darśaśrāddhaṃ tarpaṇasvarūpeṇa sarvābhāve viśeṣeṇa tilairjalavimiśritaiḥ

Sanskrit only: no published translation is held for this verse.

दर्शादिकानि श्राद्धानि कार्याण्येव समन्त्रतः । स्वधा नमस्तर्पयामि पितरं च पितामहम्

darśādikāni śrāddhāni kāryāṇyeva samantrataḥ / svadhā namastarpayāmi pitaraṃ ca pitāmaham

Sanskrit only: no published translation is held for this verse.

प्रपितामहमेवं च वस्वादिकमयांस्तथा । नामगोत्रैकसंयुक्तान् श्राद्धं कृत्वापि तत्परम्

prapitāmahamevaṃ ca vasvādikamayāṃstathā / nāmagotraikasaṃyuktān śrāddhaṃ kṛtvāpi tatparam

Sanskrit only: no published translation is held for this verse.

तदङ्गतर्पणं कार्यं मृतस्यादौ तिलोदकम् । समारभ्य क्रियाः कार्यास् तस्मात्सन्तस्तिलोदकम्

tadaṅgatarpaṇaṃ kāryaṃ mṛtasyādau tilodakam / samārabhya kriyāḥ kāryās tasmātsantastilodakam

Sanskrit only: no published translation is held for this verse.

प्रयमश्राद्धमेवोचुः श्राद्धप्रतिविधित्वतः । तदेवोचुश्च निखिला दुर्बलानां हितेच्छवः

prayamaśrāddhamevocuḥ śrāddhapratividhitvataḥ / tadevocuśca nikhilā durbalānāṃ hitecchavaḥ

Sanskrit only: no published translation is held for this verse.

समालोक्यैव शास्त्राणि श्रुतिमूलानि ते पुरा । मन्वादयो महात्मानस् तिला स्युस्तादृशाः किल

samālokyaiva śāstrāṇi śrutimūlāni te purā / manvādayo mahātmānas tilā syustādṛśāḥ kila

Sanskrit only: no published translation is held for this verse.

सतिलैर्विद्यते श्राद्धं विना सर्वत्र केवलम् । मुख्यद्रव्यैस्तिलैरद्भिः पैतृकं निखिलं भवेत्

satilairvidyate śrāddhaṃ vinā sarvatra kevalam / mukhyadravyaistilairadbhiḥ paitṛkaṃ nikhilaṃ bhavet

Sanskrit only: no published translation is held for this verse.

सर्वेषां कर्मणामाद्या आप एव विशेषतः । परमाः कारणानीह तस्माद्ब्राह्मणपुंगवाः

sarveṣāṃ karmaṇāmādyā āpa eva viśeṣataḥ / paramāḥ kāraṇānīha tasmādbrāhmaṇapuṃgavāḥ

Sanskrit only: no published translation is held for this verse.

अप एव समाश्रित्य वर्षन्ते तोयदा महत् । जलं तत्रैव वर्तन्ते तदेव परमं स्थलम्

apa eva samāśritya varṣante toyadā mahat / jalaṃ tatraiva vartante tadeva paramaṃ sthalam

Sanskrit only: no published translation is held for this verse.

प्रभूतैधोदकग्रामः सर्वदेशोत्तमोत्तमः । नदीतीरं विशेषेण तच्छताधिकमुच्यते

prabhūtaidhodakagrāmaḥ sarvadeśottamottamaḥ / nadītīraṃ viśeṣeṇa tacchatādhikamucyate

Sanskrit only: no published translation is held for this verse.

तत्रैव सकला धर्मा अनुष्ठेया हि सन्ततम् । नदी च सजला ज्ञेया न तच्छून्या कदाचन

tatraiva sakalā dharmā anuṣṭheyā hi santatam / nadī ca sajalā jñeyā na tacchūnyā kadācana

Sanskrit only: no published translation is held for this verse.