Angirasasmrti 2.1

उत्तराङ्गिरसम् प्रथमो ऽध्यायः विश्वरूपं नमस्कृत्य देवं त्रिभुवनेश्वरम् । धर्मस्य दर्शनार्थाय अङ्गिरा इदमब्रवीत्

uttarāṅgirasam prathamo 'dhyāyaḥ viśvarūpaṃ namaskṛtya devaṃ tribhuvaneśvaram / dharmasya darśanārthāya aṅgirā idamabravīt

Sanskrit only: no published translation is held for this verse.

अथ त्रयाणां वक्ष्यामि प्रमाणं विधिमादितः । धर्मस्य पर्षदश्चैव प्रायश्चित्तक्रमस्य च

atha trayāṇāṃ vakṣyāmi pramāṇaṃ vidhimāditaḥ / dharmasya parṣadaścaiva prāyaścittakramasya ca

Sanskrit only: no published translation is held for this verse.

प्रायश्चित्तं चतुष्पादं विहितं धर्मकर्तृभिः । परिषद्दशधा प्रोक्ता त्रिविधा वा समासतः

prāyaścittaṃ catuṣpādaṃ vihitaṃ dharmakartṛbhiḥ / pariṣaddaśadhā proktā trividhā vā samāsataḥ

Sanskrit only: no published translation is held for this verse.

प्रमाणाभिहितं यत्तु सर्वमङ्गिरसा तदा । अप्रमेयप्रमाणस्य दुःखेनाधिगमो भवेत्

pramāṇābhihitaṃ yattu sarvamaṅgirasā tadā / aprameyapramāṇasya duḥkhenādhigamo bhavet

Sanskrit only: no published translation is held for this verse.

उपस्थानव्रनादेशचर्याशुद्धिप्रकाशनम्

upasthānavranādeśacaryāśuddhiprakāśanam

Sanskrit only: no published translation is held for this verse.

स धर्मस्तु कृतो ज्ञेयः स्वाधिष्ठानक एव वै । चतुर्भिः साधनैश्चैव धर्मः प्रोक्तः सनातनः

sa dharmastu kṛto jñeyaḥ svādhiṣṭhānaka eva vai / caturbhiḥ sādhanaiścaiva dharmaḥ proktaḥ sanātanaḥ

Sanskrit only: no published translation is held for this verse.

कृत्वा पूर्वमुदाहार्य यथोक्तं धर्मकर्तृभिः । पश्चात्कार्यानुसारेण शक्त्या कुर्युरनुग्रहम्

kṛtvā pūrvamudāhārya yathoktaṃ dharmakartṛbhiḥ / paścātkāryānusāreṇa śaktyā kuryuranugraham

Sanskrit only: no published translation is held for this verse.

यत्पूर्वमृषिभिः प्रोक्तं धर्मशास्त्रमनुत्तमम् । तत्प्रमाणं तु सर्वेषां लोकधर्मानुवर्णनम्

yatpūrvamṛṣibhiḥ proktaṃ dharmaśāstramanuttamam / tatpramāṇaṃ tu sarveṣāṃ lokadharmānuvarṇanam

Sanskrit only: no published translation is held for this verse.

न हि तेषामतिक्रम्य वचनानि महात्मनाम् । प्रज्ञानैरपि विद्वद्भिः शक्यमन्यत्प्रभाषितुम्

na hi teṣāmatikramya vacanāni mahātmanām / prajñānairapi vidvadbhiḥ śakyamanyatprabhāṣitum

Sanskrit only: no published translation is held for this verse.

स्वाभिप्रायकृतं कर्म विधिविज्ञानवर्जितम् । क्रीडाकर्मेव बालानां तत्सर्वं स्यान्निरर्थकम्

svābhiprāyakṛtaṃ karma vidhivijñānavarjitam / krīḍākarmeva bālānāṃ tatsarvaṃ syānnirarthakam

Sanskrit only: no published translation is held for this verse.