Angirasasmrti 2.2

द्वितीयो ऽध्यायः अत ऊर्ध्वं प्रवक्ष्यामि चोपस्थानस्य लक्षणम् । उपस्थितो हि न्यायेन व्रतादेशनमर्हति

dvitīyo 'dhyāyaḥ ata ūrdhvaṃ pravakṣyāmi copasthānasya lakṣaṇam / upasthito hi nyāyena vratādeśanamarhati

Sanskrit only: no published translation is held for this verse.

सद्यो निःसंशयः पापो न भुञ्जीतानुपस्थितः । भुञ्जानो वर्धयेत् पापं परिषद्यत्र वर्तते

sadyo niḥsaṃśayaḥ pāpo na bhuñjītānupasthitaḥ / bhuñjāno vardhayet pāpaṃ pariṣadyatra vartate

Sanskrit only: no published translation is held for this verse.

संशये न तु भोक्तव्यं यावत्कार्यविनिश्चयः । प्रमाणेनैव कर्तव्यं यावदाशासनं तथा

saṃśaye na tu bhoktavyaṃ yāvatkāryaviniścayaḥ / pramāṇenaiva kartavyaṃ yāvadāśāsanaṃ tathā

Sanskrit only: no published translation is held for this verse.

कृत्वा पापं न गूहेत गूह्यमानं तु वर्धते । स्वल्पं वाथ प्रभूतं वा धर्मविद्भ्यो निवेदयेत्

kṛtvā pāpaṃ na gūheta gūhyamānaṃ tu vardhate / svalpaṃ vātha prabhūtaṃ vā dharmavidbhyo nivedayet

Sanskrit only: no published translation is held for this verse.

ते हि पापकृतां वैद्या बोद्धारश्चैव पाप्मनाम् । दुःखस्यैव यथा वैद्याः सिद्धिमन्तो रुजायताम्

te hi pāpakṛtāṃ vaidyā boddhāraścaiva pāpmanām / duḥkhasyaiva yathā vaidyāḥ siddhimanto rujāyatām

Sanskrit only: no published translation is held for this verse.

प्रायश्चित्ते समुत्पन्ने श्रीमान् सत्यपरायणः । मृदुरार्जवसंपन्नः शुद्धिं यायाद्द्विजः सदा

prāyaścitte samutpanne śrīmān satyaparāyaṇaḥ / mṛdurārjavasaṃpannaḥ śuddhiṃ yāyāddvijaḥ sadā

Sanskrit only: no published translation is held for this verse.

सचेलं वाग्यतः स्नात्वा क्लिन्नवासाः समाहितः । क्षत्रियो वाथ वैश्यो वा ततः परिषदं व्रजेत्

sacelaṃ vāgyataḥ snātvā klinnavāsāḥ samāhitaḥ / kṣatriyo vātha vaiśyo vā tataḥ pariṣadaṃ vrajet

Sanskrit only: no published translation is held for this verse.

उपस्थानं ततः शीघ्रम् अर्तिमान् धरणीं व्रजन् । गात्रैश्च शिरसा चैव न च किंचिदुदाहरेत्

upasthānaṃ tataḥ śīghram artimān dharaṇīṃ vrajan / gātraiśca śirasā caiva na ca kiṃcidudāharet

Sanskrit only: no published translation is held for this verse.

ततस्ते प्रणिपातेन दृष्ट्वा तं समुपस्थितम् । विप्राः पृच्छन्ति यत्कार्यम् उपवेश्यासने शुभे

tataste praṇipātena dṛṣṭvā taṃ samupasthitam / viprāḥ pṛcchanti yatkāryam upaveśyāsane śubhe

Sanskrit only: no published translation is held for this verse.

किं ते कार्यं किमर्थं वा किं वा मृगयसे द्विज । पर्षदि ब्रूहि तत्सर्वं यत्कार्यं हितमात्मनः

kiṃ te kāryaṃ kimarthaṃ vā kiṃ vā mṛgayase dvija / parṣadi brūhi tatsarvaṃ yatkāryaṃ hitamātmanaḥ

Sanskrit only: no published translation is held for this verse.