Angirasasmrti 2.3

इत्याङ्गिरसधर्मशास्त्रे परिषदुपस्थानं नाम द्वितीयो ऽध्यायः तृतीयो ऽध्यायः सत्येन द्योतते राजा सत्येन द्योतते रविः । सत्येन द्योतते वह्निः सत्ये सर्वं प्रतिष्ठितम्

ityāṅgirasadharmaśāstre pariṣadupasthānaṃ nāma dvitīyo 'dhyāyaḥ tṛtīyo 'dhyāyaḥ satyena dyotate rājā satyena dyotate raviḥ / satyena dyotate vahniḥ satye sarvaṃ pratiṣṭhitam

Sanskrit only: no published translation is held for this verse.

भूर्भुवःस्वस्त्रयोलोकास् ते ऽपि सत्ये प्रतिष्ठिताः । अस्माकं चैव सर्वेषां सत्यमेव परा गतिः

bhūrbhuvaḥsvastrayolokās te 'pi satye pratiṣṭhitāḥ / asmākaṃ caiva sarveṣāṃ satyameva parā gatiḥ

Sanskrit only: no published translation is held for this verse.

यदि चेद्वक्ष्यते सत्यं नियतं प्राप्यते सुखम् । यद्गृहीतो ह्यसत्येन न च शुध्येत कर्हिचित्

yadi cedvakṣyate satyaṃ niyataṃ prāpyate sukham / yadgṛhīto hyasatyena na ca śudhyeta karhicit

Sanskrit only: no published translation is held for this verse.

सत्येनैव विशुध्यन्ति शुद्धिकामाश्च मानवाः । तस्मात्प्रब्रूहि यत्सत्यम् आदिमध्यावसानकम्

satyenaiva viśudhyanti śuddhikāmāśca mānavāḥ / tasmātprabrūhi yatsatyam ādimadhyāvasānakam

Sanskrit only: no published translation is held for this verse.

एवं तैः समनुज्ञातः सत्यं ब्रूयादशेषतः । तस्मिन्निवेदिते कार्ये ऽपसार्यो यस्तु कार्यवान्

evaṃ taiḥ samanujñātaḥ satyaṃ brūyādaśeṣataḥ / tasminnivedite kārye 'pasāryo yastu kāryavān

Sanskrit only: no published translation is held for this verse.

तस्मिन्नुत्सारिते पापे यथावद्धर्मपाठकाः । ते तथा तत्र कल्पेयुर् विमृशन्तः परस्परम्

tasminnutsārite pāpe yathāvaddharmapāṭhakāḥ / te tathā tatra kalpeyur vimṛśantaḥ parasparam

Sanskrit only: no published translation is held for this verse.

आप्तधर्मेषु यत्प्रोक्तं यच्च सानुग्रहं भवेत् । परिषत् संपदश्चैव कार्याणां च बलाबलम्

āptadharmeṣu yatproktaṃ yacca sānugrahaṃ bhavet / pariṣat saṃpadaścaiva kāryāṇāṃ ca balābalam

Sanskrit only: no published translation is held for this verse.

प्राप्य देशं च कालं च यच्च कार्यान्तरं भवेत् । परिषच्चिन्त्य तत्सर्वं प्रायश्चित्तं विनिर्दिशेत्

prāpya deśaṃ ca kālaṃ ca yacca kāryāntaraṃ bhavet / pariṣaccintya tatsarvaṃ prāyaścittaṃ vinirdiśet

Sanskrit only: no published translation is held for this verse.

सर्वेषां निश्चितं यत्स्याद् यच्च प्राणान्न पातयेत् । आहूय श्रावयेदेको यः परिषन्नियोजितः

sarveṣāṃ niścitaṃ yatsyād yacca prāṇānna pātayet / āhūya śrāvayedeko yaḥ pariṣanniyojitaḥ

Sanskrit only: no published translation is held for this verse.

तत्तद्यत्नेन कर्तव्यम् अन्यथा ते वृथा भवेत्

tattadyatnena kartavyam anyathā te vṛthā bhavet

Sanskrit only: no published translation is held for this verse.

यदा च ते भवेच्चीर्णं तदा शुद्धिप्रकाशनम् । कार्यं सर्वप्रयत्नेन न शक्त्या विप्रपूजितम्

yadā ca te bhaveccīrṇaṃ tadā śuddhiprakāśanam / kāryaṃ sarvaprayatnena na śaktyā viprapūjitam

Sanskrit only: no published translation is held for this verse.