Angirasasmrti 2.4

इत्याङ्गिरसधर्मशास्त्रे प्रायश्चित्तविधानं नाम तृतीयो ऽध्यायः चतुर्थो ऽध्यायः प्रायो नाम तपः प्रोक्तं चित्तं निश्चय उच्यते । तपोनिश्चयसंयोगात् प्रायश्चित्तमिति स्मृतम्

ityāṅgirasadharmaśāstre prāyaścittavidhānaṃ nāma tṛtīyo 'dhyāyaḥ caturtho 'dhyāyaḥ prāyo nāma tapaḥ proktaṃ cittaṃ niścaya ucyate / taponiścayasaṃyogāt prāyaścittamiti smṛtam

Sanskrit only: no published translation is held for this verse.

प्रायश्चित्तसमं चित्तं चारयित्वा प्रदीयते । पर्षदा क्रियते यत्तत् प्रायश्चित्तमिति स्मृतम्

prāyaścittasamaṃ cittaṃ cārayitvā pradīyate / parṣadā kriyate yattat prāyaścittamiti smṛtam

Sanskrit only: no published translation is held for this verse.

चत्वारो वा त्रयो वापि वेदवेदाग्निहोत्रिणः । ये तु सम्यक्स्थिता विप्राः कार्याकार्यविनिश्चिताः

catvāro vā trayo vāpi vedavedāgnihotriṇaḥ / ye tu samyaksthitā viprāḥ kāryākāryaviniścitāḥ

Sanskrit only: no published translation is held for this verse.

एकविंशतिभिश्चान्यैः पार्षदत्वं समागतैः

ekaviṃśatibhiścānyaiḥ pārṣadatvaṃ samāgataiḥ

Sanskrit only: no published translation is held for this verse.

सावित्रीमात्रसारैस्तु चीर्णवेदव्रतैर्द्विजैः । यतीनामात्मविद्यानां ध्यायिनामात्मवेदिनाम् । शिरोव्रतैश्च स्नातानाम् एको ऽपि परिषद्भवेत्

sāvitrīmātrasāraistu cīrṇavedavratairdvijaiḥ / yatīnāmātmavidyānāṃ dhyāyināmātmavedinām / śirovrataiśca snātānām eko 'pi pariṣadbhavet

Sanskrit only: no published translation is held for this verse.

एवं पूर्वं मयाप्युक्तं तेषां ये ये परे परे । स्ववृत्या परितुष्टानां परिषत्त्वमुदाहृतम्

evaṃ pūrvaṃ mayāpyuktaṃ teṣāṃ ye ye pare pare / svavṛtyā parituṣṭānāṃ pariṣattvamudāhṛtam

Sanskrit only: no published translation is held for this verse.

एषां लघुषु कार्येषु मध्यमेषु च मध्यमा । महापातकचिन्तासु शतशो भूय एव वा

eṣāṃ laghuṣu kāryeṣu madhyameṣu ca madhyamā / mahāpātakacintāsu śataśo bhūya eva vā

Sanskrit only: no published translation is held for this verse.

अत ऊर्ध्वं तु ये विप्राः केवलं नामधारकाः । परिषत्त्वं न तेष्वस्ति सहस्रगुणितेष्वपि

ata ūrdhvaṃ tu ye viprāḥ kevalaṃ nāmadhārakāḥ / pariṣattvaṃ na teṣvasti sahasraguṇiteṣvapi

Sanskrit only: no published translation is held for this verse.

जन्मशारीरविद्याभिर् आचारेण श्रुतेन च । धर्मेण च यथोक्तेन ब्राह्मणत्वं विधीयते

janmaśārīravidyābhir ācāreṇa śrutena ca / dharmeṇa ca yathoktena brāhmaṇatvaṃ vidhīyate

Sanskrit only: no published translation is held for this verse.

चित्रकर्म यथानेकैर् अङ्गैरुन्मील्यते शनैः । ब्राह्मण्यमपि तद्वत्स्यात् संस्कारैर्मन्त्रपूर्वकैः

citrakarma yathānekair aṅgairunmīlyate śanaiḥ / brāhmaṇyamapi tadvatsyāt saṃskārairmantrapūrvakaiḥ

Sanskrit only: no published translation is held for this verse.